Job be kawɔl 2:10 - EBƆRƐ BE KAWƆL

¹⁰ Ndoŋ nna nɛ Job kaŋɛ mbe eche le: “Sa maa malga fanɛ ewulpo! Nɛ anyeeŋ sɔ Ebɔrɛ be nɛfa nɛ enɔgboŋ anyɔ, manɛ nna nɛ anyi maaŋ sɔ etɔrɔ bre mo kutɔ?” Asheŋ ere kikɛ to, Job maŋ malga ŋ gbiti Ebɔrɛ fanɛ e maŋ wora n nyalɛ.

Job be kawɔl 2:10 ပူးပေါင်းရင်းမြစ်များ

Jɛnesis 3:17

Enyɛnpe Ebɔrɛ ka malga n sa eche na n loge nɛ e kilgi ŋ kaŋɛ enyɛn na malɛ le: “Ŋkpal fo ka nu n sa fo eche n ji kusɔrso nɛ ŋ kaŋɛ fo sa maŋ kaŋ ji na so so, meeŋ sho kasawule ere kɔnɔ ŋkpal fo so. Pɔɛŋ nɛ fo nya n ji, feeŋ baa wɔtɔ nna a ji awurfoŋ a nyɛa kebleŋ ashi fo kebaawɔtɔ to kikɛ.

2 Samuɛl 13:13

Nuso gba nɛ meeŋ naŋ wora n luri basa to? Anishinyɔr e naŋ mɔ fo alɛ ashi Israɛl to. Ama wora ania n ya malga n sa ewura, ma ere wora yirda fanɛ e beeŋ shin nɛ an ta abar.”

2 Samuɛl 19:22

Ama Deevid daŋ kaŋɛ Abishai nɛ mo da Jɔab nna le: “Menyi e naa ŋini ma kusɔ nɛ meeŋ wora a? Ŋko asheŋ nɛ menyee sha nɛ men fin n sa ma a? Naniere bre, ma e la Israɛl kikɛ be ewura, ma alɛ maa sha fanɛ b mɔ Israɛl be esa kikɛ kabre.”

2 Samuɛl 19:28

Fo Yiramu daŋ daga fo ka mɔ n tuto be kanaŋ to be basa kikɛ nna, ama fo wu ma ere kuwɔr hale nseŋ shin nɛ mee tu fo gba a ji. Amoso, a maŋ daga ŋ ka naŋ kule fo shɛŋ.”

2 Samuɛl 24:10

Ewura Deevid ka pin basa na b kananɛ b sa na nɛ mbe nfɛra fara a wɔl mo to nɛ e fɛ fanɛ e wora kulubi ŋ gbiti Ebɔrɛ nseŋ kaŋɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso ta m paŋ ma ŋkpal manɛ so n wora kawulisheŋ ga.”

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

Job be kawɔl 1:10

Jemanɛ kikɛ fee kuŋ mo nɛ mbe kanaŋ nɛ kusɔ kama nɛ e kɔ nna nseŋ naa shin nɛ kusɔ kama nɛ e bee wora bee nyalɛ a sa mo, hale nɛ mbe mbolpɔ nɛ ana salga to n sɔ kaplɛkama.

Job be kawɔl 2:9

Nɛ mbe eche ba kaŋɛ mo: “Manɛ nna nɛ fo kraŋ yirda Ebɔrɛ ashi awurfoŋ nɛ fee ji ere kikɛ to? Shoduu mo nseŋ wu nɛ k loge!”

Nshɛ 39:1

Ŋ kaŋɛ fanɛ meeŋ baa de so, nɛ ma kudonduloŋ maaŋ wora alubi. N yɛ, meeŋ kre ma kɔnɔ so, saŋɛ nɛ ma nɛ basa lubi wɔtɔ na.

Nshɛ 39:10

Fo maaŋ yige kebaa gberge ma kusoe loŋ a? Ebɔl lar ma.

Nshɛ 39:9

Fo e shin nɛ n ji le be awurfoŋ n shin nɛ n loto a maŋ bugi kɔnɔ ŋ kaŋɛ shɛŋ na.

Nshɛ 59:12

Bedoŋ na la befɛpo nna, amoso shin nɛ bumo be njɔŋ fuloŋ nɛ baa ji na e kilgi m pɛ bumo.

Aŋasa 9:13

Kawuli du fanɛ eche nɛ e maa pin asheŋ to manaŋ manaŋ nsaa da asheŋ a wea abar to nna.

Aŋasa 9:6

Men lar basa nɛ b maa pin asheŋ to manaŋ manaŋ na be katuŋ to nseŋ ji efute. Men shin nɛ asheŋ be kepin to e baa ŋini menyi ekpa.”

Kaŋinichiŋgeliŋ 7:14

Nɛ asheŋ baa nite nɛnɛ, shin nɛ fo kagbene e baa fuli fo, nɛ asheŋ maŋ naa nite nɛnɛ malɛ, ba nyi fanɛ Ebɔrɛ e naa sa ekpa nɛ asheŋ lela nɛ asheŋ lubi bee tu esa. Amoso ekama maŋ nyi kusɔ nɛ k beeŋ wora echefoso.

Nfabel 3:37

Enyɛnpe Ebɔrɛ na maŋ sa kusɔ akpa k maaŋ tiŋ n wora kikɛ.

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Matiu 25:2

Bumo be benu daa la bewulpo nna nɛ benu malɛ la benyiashempo.

Baru lela nɛ Jɔn kute na 18:11

Ndoŋ nna nɛ Yesu kaŋɛ Pita: “Bɛta fo tokobi na n wɔtɔ kumo be efar to. Fee tama fanɛ m maa sha keji tɔrɔ nɛ n Tuto yili fanɛ n ji na ŋko nuso?”

Romebi 12:12

Men shin nɛ menyi be tama e baa sa menyi kagbenefuli nɛ men baa ji kanyiti ashi menyi be etɔrɔ to nsaa kule Ebɔrɛ saŋkama.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 3:2

An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.

1 Samuɛl 3:18

Ndoŋ nna nɛ Samuɛl kaŋɛ mo kusɔ kama. E maŋ ta shɛŋ shɛŋ ŋ ŋana mo so. Nɛ Eli kaŋɛ le: “Mo e la Enyɛnpe Ebɔrɛ na, kusɔ kama nɛ k par mo e wora.”