Job be kawɔl 16:4 - EBƆRƐ BE KAWƆL

⁴ Nɛ fanɛ fo e daa wɔ kebaawɔtɔ nɛ n wɔ kumo to ere, nɛ ma alɛ wɔ kumo nɛ fo wɔtɔ to ere, ma alɛ gba daa beeŋ tiŋ a malga kananɛ fee malga ere. N daa beeŋ tiŋ n nya kusɔ ko m malga ŋ gbiti fo nseŋ keni fo n fifi kumu fanɛ kananɛ fee wora ere.

Job be kawɔl 16:4 ပူးပေါင်းရင်းမြစ်များ

2 Bewura 19:21

nɛ Enyɛnpe Ebɔrɛ na malga a laŋɛ mbe kabɔrɛkule na be kaplɛa so. E yɛ: “Sennakerɛb, Jerusalɛm be basa bee mushe fo nna nsaa keni fo jiga.

Job be kawɔl 11:2

“Esa maaŋ tiŋ ŋ kplaŋ le be kawuli be mmalga damta ere so nɛ e maŋ nya kusɔ ko ŋ kaŋɛ.

Job be kawɔl 16:5

Ama ma ere daa beeŋ malga nna n leŋ fo to nseŋ lolo fo n wushi fo kagbene.

Job be kawɔl 35:16

Asheŋ kama nɛ fo malga na kikɛ bee ŋini fanɛ fo maŋ nyi kusɔ nɛ fee kaŋɛ nna.”

Job be kawɔl 6:14

Esa kama nɛ e wɔ le be awurfoŋ to, hale nɛ e maŋ naa kɔ kabɔrɛŋana n sa Enyɛnpetale Ebɔrɛ gba; a daga mo nekpaana ka yili mbe kaman nna a leŋ mo to.

Nshɛ 109:25

Bedoŋ baŋ wu ma gba, baa mushe nna nsaa fifi amu.

Nshɛ 22:7

Ekama nɛ e wu ma bee wora ma shia nna. Baa fifi amu nna nsaa tege ma a kaŋɛ:

Nshɛ 22:8

“Fo yɛ fo yirda Ebɔrɛ nna, nɛ manɛ nna nɛ e maŋ mɔlga fo? Nɛ fo asheŋ bee bɔlɔ mo kenishi, manɛ nna nɛ e maŋ chɛ fo to.”

Nshɛ 44:14

Fo shin nɛ an ki basa musheso ashi efuliana so, nɛ baa wu anyi nsaa fifi amu nsaa wora anyi eyurto.

Aŋasa 10:19

Fo baa malga ga fo maa kra malga a foe. Nɛ fo nyi asheŋ fo maaŋ baa malga ga.

Kaŋinichiŋgeliŋ 10:14

Mbe mmalga malɛ maa loge kikɛ, e baa bela amo a biti abar so nna. Esa kikɛ maŋ nyi kusɔ nɛ k beeŋ naŋ wora. Esa kikɛ malɛ maaŋ tiŋ ŋ kaŋɛ anyi kusɔ nɛ k beeŋ wora luwu be kaman.

Aizaaya 37:22

nɛ Enyɛnpe Ebɔrɛ na malga a laŋɛ mbe kabɔrɛkule na be kaplɛa so. E yɛ: “Sennakerɛb, Jerusalɛm be basa bee mushe fo nna nsaa fɛl fo a keni fo jiga.

Jɛremaya 18:16

B shin nɛ kasawule na ki kufugboŋ be kakpa nna nɛ ekama ta kumo fanɛ kusɔ fuloŋ a keni kumo jiga. Asɔ nɛ basa nɛ baa bɔla kumo so bee wu na bee chinchiŋ bumo nna nɛ baa fifi amu.

Jɛremaya 48:27

Mowab be basa, men baa nyiŋi kananɛ men daŋ wora Israɛl be basa eyurto. Men daŋ wora bumo nna fanɛ b ka la beyu nɛ besugepo na.

Nfabel 2:15

Basa nɛ b bɔla kadegboŋ na ase a choŋ bee fɛl menyi nna. Baa keni Jerusalɛm be alambure na nna nsaa fifi amu a mushe. Kumo be kaman nɛ b bishi le: “Kadegboŋ lela na nde a? Kadegboŋ nɛ durnya kikɛ daa puchi so na nde a?”

Zefanaiya 2:15

Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.

Matiu 7:12

Amoso, kusɔ kama nɛ menyee sha fanɛ basa e baa wora a sa menyi, menyi alɛ gba e baa wora loŋ a sa bumo. Kusɔ nɛ anebi Mosis be mbra na nɛ anebiana nɛ b ka na be keŋini na bee ŋini nna na.

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

1 Kɔrintebi 12:26

Eyur na be kaba koŋwule baa wu ebesa, eyur na kikɛ bee wu ebesa nna, kaba koŋwule malɛ baa nya bunyaŋ, mba na kikɛ bee nya kagbenefuli nna.