Job be kawɔl 11:7 - EBƆRƐ BE KAWƆL

⁷ Feeŋ tiŋ m pin Enyɛnpetale Ebɔrɛ be keshi nɛ mbe eleŋgboŋ to a?

Job be kawɔl 11:7 ပူးပေါင်းရင်းမြစ်များ

Job be kawɔl 22:12

Ebɔrɛ wɔ ebɔrɛso nɛ k wɔ awɔlto a chɔ achɛkpabi nɛ a wɔ esoso ga nna, nsaa wu kusɔ kama.

Job be kawɔl 26:14

Ade bre la Ebɔrɛ be eleŋgboŋ na be ashuŋ wurbi nna na. To, wanɛ e naŋ tiŋ m pin kananɛ Ebɔrɛ be keshi gbagba du?”

Job be kawɔl 27:11

Meeŋ ŋini menyi kananɛ Ebɔrɛ be yuku shi, nseŋ bugi to ŋ kaŋɛ menyi kusɔ nɛ Enyɛnpetale Ebɔrɛ na kre.

Job be kawɔl 33:12

Ama mee kaŋɛ fo, Job, nna fanɛ fo wora n foe. Ebɔrɛ e chɔ dimɛdi kikɛ.

Job be kawɔl 33:13

Nɛ nuso nɛ fee ji mo emɔrɔ a kaŋɛ fanɛ e maa sa dimɛdi be asheŋ bishi so be atuwebi?

Job be kawɔl 35:5

Men keni kananɛ bɔrɛwɔlpa wɔ esoso kufɔ loŋ!

Job be kawɔl 36:26

Anyi maaŋ tiŋ m pin Ebɔrɛ be keshi to, ŋko n tiŋ ŋ karga mbe nfɛ nɛ e ji.

Job be kawɔl 37:23

Ebɔrɛ be eleŋgboŋ na shi ga, anyi alɛ maaŋ tiŋ n wu mo kenishiso. Ama mo alɛ niŋi nna nsaa maa kpɛa edimɛdi to.

Job be kawɔl 37:5

Ebɔrɛ baŋ ponte ŋ kaŋɛ kesheŋ, emamachisheŋ nɛ e bee mɔ kɔnɔ e naa wora.

Job be kawɔl 42:3

Fee bishi kusɔ nɛ k ba nɛ mee malga ga, jemanɛ nɛ ma mmalga maŋ kɔ shɛŋ amo to. Kashenteŋto, asɔ nɛ a baŋ ma kepinto so ga be asheŋ nɛ m malga.

Job be kawɔl 5:9

Anyi maaŋ tiŋ m pin asheŋ nɛ Ebɔrɛ bee wora to. Mo alɛ be emamachisheŋ maŋ kɔ ekar.

Nshɛ 139:6

Kananɛ fo nyi ma na la mamachi nna; m maaŋ tiŋ m pin kumo to.

Nshɛ 145:3

Enyɛnpe Ebɔrɛ na shi ga, nseŋ daga fanɛ b baa kpaŋ mo saŋkama. Ekama maaŋ tiŋ m pin mbe kishi na to.

Nshɛ 77:19

Fo daŋ nase ekpa teku be nchugboŋ na to nna, nɛ k wora fanɛ fo ka bɔla kumo to n choŋ; ama esa maŋ wu fo aya ka dese.

Aŋasa 30:4

Wanɛ e dii n yɔ Ebɔrɛ so m bɛta m ba? Wanɛ e tiŋ m pɛ afu n wɔtɔ enɔ to? Ŋko ŋ gbargbar nchu n wɔtɔ mbe kusɔbuuso to? Wanɛ e ta kasawule n yili kumo be eyilikpa? Loŋ be esa be ketre ŋko mo pibi be ketre e la nuso? Nɛ fo nyi, fo kaŋɛ ma.

Kaŋinichiŋgeliŋ 3:11

Mo e yili jemanɛ nɛ k daga n sa kusɔ kikɛ. Mo e sa anyi nfɛra nɛ anyee pin kusɔ nɛ k beeŋ wora echefoso. Amo nɛ amo kikɛ an kra maa pin mbe nfɛra chiŋgeliŋ na to a loge.

Kaŋinichiŋgeliŋ 7:24

Nuso nɛ esa beeŋ tiŋ m pin kebaawɔtɔ ere be asheŋ to? Kumo be kepinto du kpakpa ga nsaa du chiŋgeliŋ.

Aizaaya 40:28

Menyi maŋ nyi a? Menyi alɛ maŋ naŋ nu a? Fanɛ Enyɛnpe na e la Ebɔrɛ nɛ e wɔtɔ mbaanaayɔ; mo e to durnya kikɛ. E maa shuŋ a gben ŋko a gben a chul to kikɛ. Esa kikɛ malɛ maaŋ tiŋ m pin mbe nfɛra to.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Romebi 11:33

Kashenteŋto, Ebɔrɛ be alelasheŋ shi pasaa. Mbe nfɛra nɛ mbe kashennyi shi kashenteŋto. Wanɛ e naaŋ tiŋ m pin asheŋ nɛ e bee yili to ŋ kute ŋko m pin mbe asheŋ woraso to?

1 Kɔrintebi 2:10

Ebɔrɛ bɔla mbe Kiyoyu so nna n lara asheŋ ere ŋ ŋini anyi. Ebɔrɛ be Kiyoyu na malɛ e naa wu asheŋ to nɛnɛ hale Ebɔrɛ be wulo to be asheŋ.

1 Kɔrintebi 2:16

Loŋ malɛ nɛ abɔrɛsibɛ na bee kaŋɛ na fanɛ: “Wanɛ e nyi Enyɛnpe na be nfɛra to? Wanɛ e naaŋ tiŋ ŋ ŋini mo asheŋ?” Ama anyi ere, Kristo be nfɛra wɔ anyi be ŋgbene to nna.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase