Job be kawɔl 11:6 - EBƆRƐ BE KAWƆL

⁶ E daa beeŋ shin nɛ fo pin kakpa nɛ kanyiasheŋ shi. Asheŋ ko du chiŋgeliŋ nna n sa dimɛdi nɛ e tiŋ m pin amo to. Fo alɛ daa beeŋ naŋ pin fanɛ kasogberge nɛ Ebɔrɛ sa fo na maŋ fo kumo nɛ k daga fo na so.

Job be kawɔl 11:6 ပူးပေါင်းရင်းမြစ်များ

Ɛzra 9:13

Kusogberge nɛ k ba anyi so ŋkpal anyi be alubi so ere kikɛ be kaman, an wu fanɛ fo, anyi be Ebɔrɛ na, kraŋ shu anyi so nna. Ŋkpal manɛ so, mannɛ kasogberge nɛ k daga anyi nɛ fo sa anyi na. Fo kraŋ shin nɛ anyi to be beko kraa wɔ ŋkpa to.

Job be kawɔl 11:5

Aloko Ebɔrɛ daa beeŋ tuge fo nna!

Job be kawɔl 15:11

Ebɔrɛ gbagba e naa lolo fo na. Kumo be loŋ maŋ kukwe fo a? Anyi alɛ gba chɛ mo to m malga kagbenewushi be mmalga n sa fo.

Job be kawɔl 15:5

Fo kɔnɔ to be mmalga e naa ŋini fo asheŋ lubi. Kamalganyi nɛ fee ta a kuŋ fo kumu bre de.

Job be kawɔl 15:8

Ebɔrɛ ka daa wora mbe ŋkre sososo na, fo daa wɔ ndoŋ a? Fo nawule e kɔ kanyiasheŋ a?

Job be kawɔl 22:5

Ayai! Mannɛ a loŋ so nna. Fo asheŋ lubi so nɛ e bee wora loŋ.

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Job be kawɔl 33:12

Ama mee kaŋɛ fo, Job, nna fanɛ fo wora n foe. Ebɔrɛ e chɔ dimɛdi kikɛ.

Job be kawɔl 9:4

Ebɔrɛ nyi asheŋ nsaa kɔ eleŋ ga, esa kikɛ maaŋ tiŋ n tu mo n ji emɔrɔ m pɔɔ so.

Nshɛ 103:10

E maa gberge anyi kusoe kananɛ a daga fanɛ e gberge anyi kumo na; ŋko a laŋɛ anyi be alubi a ka anyi kukɔ.

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Nfabel 3:22

Kumo e la fanɛ, Enyɛnpe Ebɔrɛ na be alelasheŋ maa loge! E daa maa wu kuwɔr nna, n dafanɛ anyi kikɛ mur.

Danɛl 2:28

Ama Ebɔrɛ nɛ e wɔ esoso na nawule e naa tiŋ a lara alemaŋkarsheŋ be wulo efuli. Yiramu, mo e lara kusɔ nɛ k beeŋ wora echefoso ŋ ŋini fo. Naniere bre meeŋ kaŋɛ fo edare nɛ fo ku saŋɛ so nɛ fee di na.

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Matiu 13:35

E daŋ wora loŋ nna nɛ kusɔ nɛ anebi ko daŋ kaŋɛ na e bɔla ekpa. Anebi na yɛ: “Ebɔrɛ kaŋɛ: ‘M ba kaa malga bumo kutɔ, aŋasa nɛ meeŋ baa bɔ bumo. Meeŋ bugi asheŋ nɛ a la wulo be asɔ, yili kasɔto be jemanɛ na m ba fo mbre n sa basa.’ ”

Ɛfesesebi 3:5

Saŋɛ na be esa kikɛ daa maŋ nyi le be wulo be kesheŋ nɛ e bɔla Kiyoyu na to m bugi to ŋ ŋini mbe beshuŋipo cheembiana nɛ mbe anebiana ere.

Ditɛronɔmi 29:29

Asheŋ ko wɔtɔ nna nɛ Enyɛnpe, anyi be Ebɔrɛ na, ta n yili ashiri to, ama e lara mbe mbraana bre ŋ ŋini anyi, saŋɛ na so, anyi nɛ anyi be kaman to ebi beeŋ baa wora amo kasonu mbaanaayɔ.