Job be kawɔl 10:9 - EBƆRƐ BE KAWƆL

⁹ Baa nyiŋi fanɛ fo e pɔr ma fanɛ kananɛ baa ta ebɔ a pɔr asɔ na. Amoso sa maŋ naŋ kilgi ma eshishɛr a!

Job be kawɔl 10:9 ပူးပေါင်းရင်းမြစ်များ

Jɛnesis 2:7

Enyɛnpe Ebɔrɛ ka daa shin nɛ e to dimɛdi na, e daŋ ta shishɛr nna ashi kasawule so m pɔr enyɛn nseŋ fute ŋkpa be efute n wɔtɔ mbe kamuna to nɛ enyɛn na ki kusɔ futeso.

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Job be kawɔl 10:10

Fo e wɔtɔ n tuto eleŋ nɛ e tiŋ n di n nio kedampo, nseŋ shin nɛ n tiŋ n daŋ n nio be epun to.

Job be kawɔl 17:14

Kumo be kaman nɛ n ta nchaŋ n tre n tuto, nseŋ ta ashushombi nɛ e beeŋ ji ma na n tre n nio nɛ n sipocheana.

Job be kawɔl 33:6

Ebɔ nɛ Ebɔrɛ ta m pɔr ma nɛ fo kikɛ. Ashi mbe anishito, anyi maŋ kɔr abar to.

Job be kawɔl 34:15

anyi edimɛdi beeŋ wu nseŋ bɛta n yɔ eshishɛr to.

Job be kawɔl 4:19

Edimɛdi nɛ b maa chɛr nsaa wu fanɛ kananɛ kapuya maa chɛr nsaa bure na nɛ e beeŋ tiŋ n yirda a?

Job be kawɔl 7:21

Manɛ nna nɛ fo maŋ tiŋ n ta ma lubi m paŋ ma? M maaŋ naŋ chɛr nseŋ yɔ eshishɛr to n ya dese. Fo alɛ beeŋ keni n fin ma, nɛ fo maaŋ wu ma.

Job be kawɔl 7:7

Ebɔrɛ, mee kule fo nna; sa maŋ teŋ ma so! Ma ŋkpa baa du fanɛ afu nna, ma kagbenefuli teŋ fo ekar.

Nshɛ 103:14

Ŋkpal manɛ so, e nyi fanɛ eshishɛr nɛ e ta m pɔr anyi.

Nshɛ 104:29

Ama nɛ fo baŋ pal kaman n sa amo, kufugboŋ bee tɔr amo so nna nɛ a chicha. Fo alɛ baŋ naŋ lara amo be efute, a bee wu nna a bɛta a yɔ eshishɛr to.

Nshɛ 106:4

Enyɛnpe Ebɔrɛ, baa nyiŋi ma, jemanɛ nɛ fee chɛ fo basa to nsaa mɔlga bumo na.

Nshɛ 22:15

Ma eleŋ kikɛ loge fanɛ kusɔ nuunchu ka baŋɛ to na; nɛ ma kudonduloŋ wɔl m mata ma anyifar to. Fo Enyɛnpe Ebɔrɛ na yige ma nna nɛ n wu n tɔr shishɛr to a?

Nshɛ 25:18

Keni ma awurfoŋ nɛ kebɔltofinfin ere so, nseŋ ta ma alubi m paŋ ma.

Nshɛ 78:39

E daŋ nyiŋi fanɛ b la eyur nɛ ŋklaŋ nna. B du fanɛ afu nɛ k bee ber a yɔ a maŋ naa laŋɛ nna.

Nshɛ 89:47

Baa nyiŋi fanɛ ma ŋkpa maŋ wɔ nteŋ. Fo to anyi nna nɛ an baa wɔ ŋkpa to gbrɛbi nseŋ wu!

Nshɛ 90:3

Fo e yili kumo fanɛ an baa wu nsaa bɛta a yɔ eshishɛr to.

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Aizaaya 45:9

Israɛl, fo maŋ kɔ ekpa nɛ fo tu fo etopo n ji emɔrɔ. Fo du fanɛ kapuliya nɛ mpuliya pɔrpo ta ebɔ m pɔr nna. Ebɔ na maa bishi epɔrpo na le: ‘Manɛ nɛ fee wora?’ Kapuliya na malɛ gba maa bile asheŋ a kaŋɛ fanɛ epɔrpo na maŋ nyi mbe kushuŋ.

Aizaaya 64:7

Esa kikɛ maŋ naa tre fo kabɔrɛkule to ŋko a fin fo kechɛto gba. Anyi be alubi so, fo ta fo kumu nna ŋ ŋana nseŋ kplaŋ anyi so.

Aizaaya 64:8

Ama fo, Enyɛnpe Ebɔrɛ na e la an tuto. Anyi ere du fanɛ ebɔ nna nɛ fo alɛ du fanɛ mba nɛ mpuliya be epɔrpo. Fo e to anyi,

Jɛremaya 18:6

“Israɛl be basa, ma, Enyɛnpe Ebɔrɛ na kɔ ekpa nɛ n ta menyi n wora kusɔ nɛ mee sha, fanɛ kananɛ esa nɛ e bee pɔr mpuliya na bee ta ebɔ na a wora na nna.

Romebi 9:21

Mannɛ epɔrpo e kɔ mbe ebɔ be eleŋ nɛ e tiŋ ŋ ku ebɔ na be ako m pɔr nchɛgboŋ be kusɔ jiso to be kusɔ nseŋ naŋ tiŋ n ta ebɔ na be ako malɛ m pɔr kachɛ kama malɛ be kusɔ jiso to be kusɔ a?

2 Kɔrintebi 4:7

Ama anyi, bumo nɛ an kɔ le be kanya ere du fanɛ mba nna a ŋini fanɛ eleŋ nɛ k chɔ kekama na la Ebɔrɛ peya nna, mannɛ anyeya.