Job be kawɔl 10:3 - EBƆRƐ BE KAWƆL

³ Manɛ nna nɛ fo kekini ma n lɛ par fo, nɛ fo maa wora shɛŋ a laŋɛ basa lubi be ŋkre bre be kaplɛa so?

Job be kawɔl 10:3 ပူးပေါင်းရင်းမြစ်များ

Job be kawɔl 10:8

Fo gbagba be enɔana nɛ fo ta m pɔr ma. Ama naniere feeŋ shuli m mur ma a?

Job be kawɔl 14:15

Feeŋ tre ma, nɛ n shuli, nɛ ma asheŋ a par fo, ma etopo.

Job be kawɔl 15:13

Amoso nɛ fo nya agbo n wɔtɔ Ebɔrɛ nsaa malga a gbiti mo na.

Job be kawɔl 16:11

Ebɔrɛ malɛ e ta ma m bɔɔ basa lubi enɔ, nɛ jimaŋ nɛ k maa wu kuwɔr ere nya ma e wora loŋ.

Job be kawɔl 19:6

Ama Ebɔrɛ e maŋ wora n nyalɛ ŋkpal e kaa bee wu ma kulubi so.

Job be kawɔl 21:16

Anyi gbagba be eleŋ so nɛ asheŋ bee nite nɛnɛ a sa anyi.’ Amoso nɛ ma, Job bre lara ma kumu ashi loŋ be basa, nɛ bumo be ŋkre lubiana to na.

Job be kawɔl 22:18

Ama Ebɔrɛ malɛ daŋ shin nɛ bumo be nnaŋ to ebi dii kedama nna. Ma ere maa pin alubiworapoana ere be kusɔ nɛ baa fɛ bumo be nfɛra to.

Job be kawɔl 27:2

“Ma kenishi pere nna ŋkpal Enyɛnpetale Ebɔrɛ ka kini kewora kusɔ nɛ k daga nseŋ shin nɛ kebaawɔtɔ ki kekera n sa ma so.

Job be kawɔl 30:21

Ebɔrɛ maŋ shu ma so kuraa n wu ma kuwɔr. Mbe eleŋgboŋ nɛ e ta ŋ kɔrfɛ ma.

Job be kawɔl 31:15

Ŋkpal manɛ so, Ebɔrɛ koŋwule na e to ma nɛ ma nyɛrbi nɛ mbita na kikɛ.

Job be kawɔl 33:4

Enyɛnpetale Ebɔrɛ na be Kiyoyu e to ma, nseŋ sa ma efute nɛ ŋkpa.

Job be kawɔl 40:2

“Ma e la Enyɛnpetale Ebɔrɛ na, ama fo, Job malga ŋ kasar ma ŋ kaŋɛ fanɛ m maŋ wora n nyalɛ. To, sa ma mmalga nɛ m bishi fo na be atuwebi naniere.”

Job be kawɔl 40:8

Fee sha nɛ fo ŋini fanɛ m maa ji asheŋ nɛ amo be ekpa so. Ma e maŋ wora n nyalɛ, fo ere e wora n nyalɛ, ŋko?

Job be kawɔl 8:20

An nyi fanɛ Ebɔrɛ maa kini esa nɛ basa maa wu kulubi mo so a lɛ, mo alɛ maa chɛ alubiworapo to.

Job be kawɔl 9:22

Ŋkpal manɛ so, Ebɔrɛ bee mur basa nɛ b wora n da so nɛ bumo nɛ b maŋ wora n da so kikɛ nna.

Job be kawɔl 9:24

Ebɔrɛ e sa basa lubi ekpa, nɛ b sɔ durnya m pugi so; nseŋ tan demujipoana malɛ. Nɛ mannɛ Ebɔrɛ e wora loŋ, wanɛ e wora loŋ?

Nshɛ 100:3

Men baa nyi fanɛ Enyɛnpe na e la Ebɔrɛ! Mo e to anyi nɛ an la mbe basa; an du fanɛ mbe mbolpɔ nna nɛ e bee keni so.

Nshɛ 138:8

Fo, Enyɛnpe Ebɔrɛ na beeŋ wora m bɔlɔ kusɔ kama nɛ fo nase kumo be kɔnɔ so. Fo kasha nɛ k maa chɛrga na wɔtɔ nna mbaanaayɔ; amoso, jande sa maŋ kini anyi, fo basa n lɛ.

Nshɛ 69:33

Bumo nɛ b maŋ kɔ epe baŋ shu n tre Enyɛnpe Ebɔrɛ na, e beeŋ nu. Mo alɛ maaŋ teŋ mbe basa nɛ b wɔ kabuti to na so.

Aizaaya 64:8

Ama fo, Enyɛnpe Ebɔrɛ na e la an tuto. Anyi ere du fanɛ ebɔ nna nɛ fo alɛ du fanɛ mba nɛ mpuliya be epɔrpo. Fo e to anyi,

1 Pita 4:19

Amoso, bumo nɛ b wɔ tɔrɔ mo nɛ a la Ebɔrɛ be keparso peya ere to ere, b baa ta bumo be amu kikɛ a bɔɔ bumo be Epɔrpo mo nɛ e maŋ kɔ kɔnɔkilgi na nsaa wɔtɔ a wora kelela na enɔ.