Job be kawɔl 1:9 - EBƆRƐ BE KAWƆL

⁹ Ndoŋ nna nɛ Setani malɛ kaŋɛ le: “Manɛ nna nɛ Job maaŋ baa ŋana Ebɔrɛ?

Job be kawɔl 1:9 ပူးပေါင်းရင်းမြစ်များ

Job be kawɔl 1:10

Jemanɛ kikɛ fee kuŋ mo nɛ mbe kanaŋ nɛ kusɔ kama nɛ e kɔ nna nseŋ naa shin nɛ kusɔ kama nɛ e bee wora bee nyalɛ a sa mo, hale nɛ mbe mbolpɔ nɛ ana salga to n sɔ kaplɛkama.

Job be kawɔl 1:21

nseŋ kaŋɛ le: “B ka kurge ma m ba durnya to, m maaŋ bar shɛŋ. Ŋ ka naŋ wu a lar durnya to, m maaŋ ta shɛŋ n lar. Enyɛnpe Ebɔrɛ na e sa, mo alɛ e sɔ; Kemaŋkura e baa la Enyɛnpe Ebɔrɛ peya!”

Job be kawɔl 2:10

Ndoŋ nna nɛ Job kaŋɛ mbe eche le: “Sa maa malga fanɛ ewulpo! Nɛ anyeeŋ sɔ Ebɔrɛ be nɛfa nɛ enɔgboŋ anyɔ, manɛ nna nɛ anyi maaŋ sɔ etɔrɔ bre mo kutɔ?” Asheŋ ere kikɛ to, Job maŋ malga ŋ gbiti Ebɔrɛ fanɛ e maŋ wora n nyalɛ.

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Matiu 16:26

Nɛ fanɛ durnya kikɛ ki esa peya nɛ e paŋ mbe ŋkpa, manɛ be tɔnɔ nɛ e nya ŋko manɛ nɛ esa beeŋ tiŋ n ta n chɛr mbe ŋkpa?

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.

1 Timoti 6:6

Ama esa nɛ e wɔ abɔrɛsheŋ na be kebaawɔtɔ to nsaa shin nɛ asɔ nɛ e kɔ bee bɔlɔ mbe kenishi a kukwe mo na nawule e la damawura.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.