Job be kawɔl 1:6 - EBƆRƐ BE KAWƆL

⁶ Kachako nɛ Ebɔrɛ be emalaika ba shɛr Enyɛnpe Ebɔrɛ na kutɔ ashi ebɔrɛso nɛ Setani gba ba ti bumo so ndoŋ.

Job be kawɔl 1:6 ပူးပေါင်းရင်းမြစ်များ

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

Jɛnesis 6:4

Jemanɛ na so nɛ kumo be kaman nɛ basa ko nɛ b daa tre Nefilebi nɛ b la basa tenteŋ nsaa kɔ eleŋ a kɔ kena ga nɛ basa kikɛ bee sa bumo bunyaŋ ga na daa wɔ durnya to. Le be saŋɛ ere nɛ Ebɔrɛso be asɔtoso nyɛnsoana daa ta edimɛdi be bibichesobiana a kurge mbia na.

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

1 Kronikɛls 21:1

Setani daa sha kebar tɔrɔ Israɛl be basa so nna, amoso e daŋ sa ewura Deevid nfɛra nna fanɛ e karga basa na.

2 Kronikɛls 18:20

Kumo be kaman nɛ kiyoyu ko lar m ba Enyɛnpe Ebɔrɛ be anishito m ba kaŋɛ le: ‘Meeŋ tiŋ n shin nɛ e yɔ.’ Nɛ Enyɛnpe Ebɔrɛ bishi mo le: ‘Ekpa mo so nɛ feeŋ bɔla n shin nɛ e yɔ?’

Job be kawɔl 2:1

Ebɔrɛ be emalaika ka naŋ ba shɛr Enyɛnpe Ebɔrɛ na be anishito ashi ebɔrɛso, nɛ Setani gba naŋ ba tu bumo n shɛr ndoŋ.

Job be kawɔl 2:3

Ndoŋ nna nɛ Enyɛnpe Ebɔrɛ na naŋ bishi mo: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to esa kama maŋ du fanɛ mo. E la esa nɛ esa maaŋ tiŋ n wu mo kulubi nna nɛ mo alɛ bee bunyaŋ Ebɔrɛ nseŋ kishi kulubi be kewora. Fo ka kule ma ekpa n ya mur mbe asɔ kikɛ, nɛ e maŋ wora shɛŋ gba na, e kraa maŋ chɛrga mbe kebaawɔtɔ to.”

Job be kawɔl 38:7

Loŋ be kachɛ na be kachipurdidi, achɛkpabi daa boŋ nshɛ nna, nɛ ebɔrɛso be emalaika kikɛ daa ji eyur.

Nshɛ 103:20

Menyi emalaika lempoana, nɛ menyee nu Enyɛnpe Ebɔrɛ be kɔnɔ nsaa wora mo kasonu na kikɛ e kpaŋ mo!

Danɛl 3:25

Nɛ ewura naŋ kaŋɛ le: “Nɛ manɛ nna nɛ mee wu benyɛn ana ka na edɛ na to nɛ shɛŋ shɛŋ maŋ naŋ kre bumo be eyur, nɛ bumo be eyur malɛ maŋ chɔɔ, nɛ esa nasopo na du fanɛ Ebɔrɛ be malaika?”

Zakareya 3:1

Nɛ n naŋ ku bɔrɛdare n wu bɔrɛmatapo nimuso Joshuwa nɛ e yil Enyɛnpe Ebɔrɛ na be malaika kutɔ nɛ Setani malɛ yil Joshuwa be jisoso m mata mo e shin nɛ e ku asheŋ n deŋi mo.

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Luuk 22:31

Nɛ Yesu kaŋɛ: “Saimɔn Saimɔn, keni, Setani kule Ebɔrɛ ekpa fanɛ e bee sha kewora menyi yɛryɛrbi fanɛ kananɛ baa gbaŋgbaŋ aboyunyifu to na,

Luuk 3:38

Keenan malɛ mo tuto e daa la Inɔsh nɛ Inɔsh malɛ mo tuto daa la Sɛt nɛ Sɛt malɛ mo tuto daa la Adam, Ebɔrɛ pibi.

Baru lela nɛ Jɔn kute na 6:70

Nɛ Yesu kaŋɛ: “Kashenteŋto, ma e lara menyi basa kuduanyɔ ere, ama menyi to be eko la alubipo nna.”