Job be kawɔl 1:5 - EBƆRƐ BE KAWƆL

⁵ Mbia na baŋ ji kejigboŋ ŋklade kachipurso kikɛ, Job beeŋ shuŋi n tre bumo m ba lara esarga chɔɔso n sa Ebɔrɛ ŋ kule alubi be ketampaŋ n sa mbia na, a fɛ fanɛ ashere b kaa bee ji nsaa nuu na b wora kulubi ko n da Ebɔrɛ so nɛ b maŋ nyi.

Job be kawɔl 1:5 ပူးပေါင်းရင်းမြစ်များ

Jɛnesis 22:3

Kumo be ŋklade chipurdidi nɛ Eebraham kil ndibi nɛ e beeŋ ta n ya chɔɔ sarga na n sulɔ mbe kurma nseŋ keta mo pibi Aizek nɛ nyɛrbi anyɔ n ti so m pɛ kakpa nɛ Ebɔrɛ daŋ malga kumo be asheŋ na be ekpa.

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Jɛnesis 8:20

Ndoŋ nna nɛ Nowa gbare ajembu n deŋi abar so nseŋ pɛ m pɛ asɔbɔya nɛ a maŋ kɔ eyurpi n daga keta n lara sarga na be ako nɛ mbuibi nɛ a maŋ kɔ eyurpi n daga keta n lara sarga na be ako m mɔ n deŋi ajembu na so n chɔɔ n lara sarga n sa Ebɔrɛ.

1 Bewura 18:31

Kede be kaman nɛ e ta ajembu kuduanyɔ nɛ amo be kekama yili n sa Jeekɔb, nɛ Enyɛnpe Ebɔrɛ na nase ketre Israɛl na, be mbinyɛnsobi kuduanyɔ na be ekama.

1 Bewura 21:10

Men fin befɛpo anyɔ nɛ b yili mbe anishito ŋ ku mo kɔnɔ fanɛ e sho Ebɔrɛ nɛ ewura kikɛ kɔnɔ. Kumo be kaman nɛ men lara mo n yɔ kade na be ekarso n ya kpla mo ajembu m mɔ.”

1 Bewura 21:13

Ndoŋ nna nɛ befɛpo anyɔ ko lar n yili Nabɔf be anishito ŋ kaŋɛ fanɛ e sho Ebɔrɛ nɛ ewura na kɔnɔ. Ŋkpal loŋ so nɛ b gberge mo n lar kade na be ekarso n ya kpla mo ajembu m mɔ.

Nehemaya 12:30

Bɔrɛmatapoana na nɛ Livaiebi na daŋ fɔrso daŋkare be ekpa so nna ŋ ki cheembi. Kumo be kaman nɛ b wora loŋ n sa basa nɛ b ka na nɛ mbunaana na nɛ kadegboŋ na be egbalana, nɛ amo alɛ gba ki cheembi.

Job be kawɔl 1:11

To, fo ere e mur mbe kusɔ nɛ e kɔ kikɛ ŋ keni a, e maaŋ yili fo gbagba be anishito n shoduu fo?”

Job be kawɔl 1:4

Job be bibinyɛn ashunu na daa wora kejigboŋ bumo be elaŋana to kebɛso kebɛso nna nsaa tre bumo sipocheana besa na nɛ baa ba m ba kaa tu bumo a ji nsaa nuu.

Job be kawɔl 2:9

Nɛ mbe eche ba kaŋɛ mo: “Manɛ nna nɛ fo kraŋ yirda Ebɔrɛ ashi awurfoŋ nɛ fee ji ere kikɛ to? Shoduu mo nseŋ wu nɛ k loge!”

Job be kawɔl 27:10

Kusɔ nɛ Ebɔrɛ beeŋ wora bumo nna. Ŋkpal manɛ so, b maa sha Ebɔrɛ ŋko kabɔrɛkule.

Job be kawɔl 41:25

Kusɔkpaŋ lubi gboŋgboŋi ere baŋ lara kumo be kumu efuli kufu bee pɛ belempo gba nna nɛ b baa shile.

Job be kawɔl 42:8

Amoso mee sha fanɛ men ta egbolu ashunu nɛ ekpakpa ashunu n ya sa Job nɛ e ta amo n yili men be katelamu to n lara sarga chɔɔso nɛ k beeŋ par ma. Kumo be kaman nɛ ma kayɛrbi Job e kule Ebɔrɛ n sa menyi nɛ n sɔ mbe kekule na nsaa maaŋ naŋ wora menyi kusɔ nɛ k daga menyi ŋkpal menyi be kawuli so. Menyi maŋ malga kusɔ nɛ k daga a laŋɛ ma kaplɛa so fanɛ kananɛ ma kayɛrbi Job bre wora na.”

Job be kawɔl 6:14

Esa kama nɛ e wɔ le be awurfoŋ to, hale nɛ e maŋ naa kɔ kabɔrɛŋana n sa Enyɛnpetale Ebɔrɛ gba; a daga mo nekpaana ka yili mbe kaman nna a leŋ mo to.

Job be kawɔl 8:4

Ashere fo mbia na wora n da Ebɔrɛ so nna, amoso nɛ e gberge bumo kusoe nɛ k daga bumo na.

Nshɛ 5:3

Kachipurso kikɛ fee nu ma kekule nna. Mee ta ma asheŋ tirso nna a ba kaa nase fo anishito, nsaa jo fo atuwebi.

Ɛksodɔs 18:12

Ndoŋ nna nɛ Jetro lara sarga chɔɔso nɛ esarga pɔtɛana ko n sa Ebɔrɛ. Ɛɛrɔn nɛ Israɛlebi be bejuŋkparpo na kikɛ daŋ ya tu Mosis mo shanyɛn Jetro nna n ji kejigboŋ Ebɔrɛ be anishito.

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Ɛksodɔs 24:5

Kumo be kaman nɛ Mosis lara Israɛl be basa na to be mbrantiɛbia nɛ b ya lara sarga chɔɔso nseŋ ta ana n lara kɔnɔkoŋwuleso be esarga n sa Enyɛnpe Ebɔrɛ na.

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Ezikɛl 14:14

hale nɛ Nowa nɛ Danɛl nɛ Job, gba daŋ ti bumo so, bumo be alelasheŋ daa beeŋ tiŋ m mɔlga bumo gbagba nawule nna ama mannɛ basa na kikɛ.” Ma, Enyɛnpetale Ebɔrɛ e kaŋɛ na.

Luuk 1:75

n shin nɛ an shuŋ mo a maa ŋana nɛ an baa du cheembi a maa kɔ kulubi kikɛ mo kutɔ ashi an be ŋkpa ere to kikɛ.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Baru lela nɛ Jɔn kute na 11:55

Saŋɛ na so nɛ Juwebi be Kebansonchoŋ be kejigboŋ be saŋɛ bee fo nɛ basa damta shi ndewurbiana na to n juŋkpar n yɔ nɛ b ya fɔr bumo be amu so pɔɛŋ nɛ Kebansonchoŋ be kachɛ na gbagba e fo.

Ashuŋ Shunso 21:26

Ndoŋ nna nɛ Pɔɔl shin nɛ mo nɛ basa na yɔ ŋ klade n ya wora bumo be kefɔr n lɛ be daŋkaresheŋ na nseŋ shin nɛ e yɔ bɔrɛlambu na to n ya kaŋɛ kachɛ nɛ baa loge eyurpi be kefɔr n lɛ be daŋkare na nseŋ lara basa na be ekama be sarga.

Ashuŋ Shunso 8:22

Amoso, lar le be nfɛra lubi ere to nseŋ kule Enyɛnpe na nɛ e ta fo nfɛra fɛso lubi ere m paŋ fo.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 11:2

Kashenteŋto, kasha be kayurbesa nɛ k du fanɛ Ebɔrɛ peya na nɛ ŋ kɔ a keni menyi so, ŋkpal manɛ so, men du fanɛ kasuŋgurbia nna nɛ n ta menyi n sa enyɛn mo nɛ e la Kristo na nɛ kachako nɛ n ta menyi cheembi m bɔɔ ekul koŋwule na enɔ.

Ɛfesesebi 6:18

Jemanɛ kikɛ, men baa kule Ebɔrɛ ashi kiyoyu na to a ta kabɔrɛkule be yiri kikɛ nɛ asheŋ nɛ menyee sha fanɛ a wora kikɛ a kule Ebɔrɛ. Men baa kɔ le be asheŋ ere men be ŋgbene to nsaa keni so a de so nsaa kule Ebɔrɛ saŋkama a sa Ebɔrɛ be basa kikɛ.

1 Samuɛl 16:5

Nɛ Samuɛl yɛ: “Mm. M ba nna nɛ m ba lara sarga n sa Enyɛnpe Ebɔrɛ, amoso men lara alubi ashi men be ŋgbene to pɔɛŋ nseŋ ba ŋ kutɔ.” Kumo be kaman nɛ e kaŋɛ Jɛsi nɛ mbe mbia fanɛ b lara kulubi ashi bumo be ŋgbene to pɔɛŋ nseŋ ba kakpa nɛ baa lara sarga na.