Job be kawɔl 1:10 - EBƆRƐ BE KAWƆL

¹⁰ Jemanɛ kikɛ fee kuŋ mo nɛ mbe kanaŋ nɛ kusɔ kama nɛ e kɔ nna nseŋ naa shin nɛ kusɔ kama nɛ e bee wora bee nyalɛ a sa mo, hale nɛ mbe mbolpɔ nɛ ana salga to n sɔ kaplɛkama.

Job be kawɔl 1:10 ပူးပေါင်းရင်းမြစ်များ

Nshɛ 34:7

Enyɛnpe be emalaika bee kulti bekama nɛ baa bunyaŋ mo nna a wɔtɔ, nsaa mɔlga bumo ashi kenishipere to.

Zakareya 2:5

Enyɛnpe Ebɔrɛ na nase kɔnɔ fanɛ mo gbagba beeŋ ki fanɛ edɛ be egbal ŋ kulti kadegboŋ na a kuŋ kumo nsaa la kumo be kemaŋkura ashi kumo to.”

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Zakareya 2:8

Kusɔ nɛ Enyɛnpetale Ebɔrɛ na shuŋi ma fanɛ n ya kaŋɛ efuli kama so ebi nɛ b daŋ kɔ m pɔɔ menyi nɛ men wɔ Jerusalɛm to so nseŋ sɔ menyi be asɔ na e la fanɛ, Jerusalɛm du fanɛ Enyɛnpetale Ebɔrɛ na be kenishi nna. Kusɔ kama nɛ esa kama baŋ wora Jerusalɛm, mo nɛ amodoŋwura wora na.

Job be kawɔl 31:25

ŋko a puchi ŋkpal asɔ damta nɛ ŋ kɔ so.

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Nshɛ 107:38

Enyɛnpe Ebɔrɛ na beeŋ nɛfa menyi, nseŋ shin nɛ menyi be mbia e wora keshi; mo alɛ maaŋ shin nɛ menyi be ana e duga so.

Nshɛ 90:17

Enyɛnpe anyi be Ebɔrɛ, shin nɛ fo nɛfa e baa wɔ anyi so, nseŋ shin nɛ asheŋ e baa nite nsaa loge to nɛnɛ a sa anyi!

Ditɛronɔmi 7:13

Enyɛnpe menyi be Ebɔrɛ na beeŋ baa sha menyi nseŋ nɛfa menyi, saŋɛ na so menyeeŋ kurge mbia damta n salga to. Mo alɛ beeŋ naŋ nɛfa menyi be adɔsawule, saŋɛ na so, menyeeŋ nya ajibi damta nɛ yabra belbelso nɛ ɔlif be ŋku, nɛ menyi be ana nɛ mbolpɔ e kurge ga. Kasawule nɛ e nase kumo kɔnɔ n sa men nananyɛnana na so nɛ e beeŋ sa menyi enɛfa ere na.

Jɛnesis 26:12

Aizek ka dɔ n duu asɔ kasawule na so nɛ e nya adɔjibi ga loŋ be kafɛ na ŋkpal Enyɛnpe Ebɔrɛ na ka nɛfa mo so so.

Aizaaya 5:5

Kusɔ nɛ meeŋ wora ma ndibi sɔrso be kudɔ na e la fanɛ, meeŋ lara kunji nɛ k kulti kumo na nseŋ bure egbal nɛ k bee kuŋ kumo na nna, nɛ kupuŋ to be asɔbɔya e ba ji ndibi sɔrso na nseŋ chichi amo so m mata kasawule.

Aizaaya 5:2

N teri na daŋ pulgi kasawule na to nna, n tise kumo so be ajembu kikɛ pɔɛŋ; nseŋ duu afeelebi lela kumo so. Kumo be kaman nɛ e pɔr egbal a kuŋ amo, nseŋ pɔr ebu jeŋgreŋ ko nɛ baaŋ baa yili so a keni kudɔ na nseŋ kur kemaŋ nɛ baaŋ baa nyaŋ asɔrso na a wɔtɔ. E daa tama fanɛ asɔrso na beeŋ wora nɛnɛ nseŋ pere a wɔ ebel nna, ama amo kikɛ daa du nyaŋnyaŋ nna.

1 Samuɛl 25:16

Saŋkama nɛ anyee keni anyi be mbolpɔ so, b daa kuŋ anyi kapa nɛ kanyɛ nna.

Ditɛronɔmi 33:27

Ebɔrɛ nɛ e wɔtɔ mbaanaayɔ na e la menyi be ekumpo. Mo e kɔ menyi mbe enɔana to na. Mo koŋwule na e naa ju men doŋana ashi menyi so na. Mo e naa malga nɛ menyee mur men doŋana na.

Nshɛ 71:21

Fo naŋ shin nɛ n nya kemaŋkura n ti so, nseŋ naŋ lolo ma nɛ ma kagbene dese ma.

Job be kawɔl 42:12

Ade kikɛ be kaman, nɛ Enyɛnpe Ebɔrɛ na naŋ nɛfa Job a chɔ kananɛ e daŋ nɛfa mo dra na. E daŋ naŋ sa mo mbolpɔ ŋgboŋ kuduana nɛ enyɔma ŋgboŋ ashe nɛ egbolu dɔso be benyɔ nyɔ be ntuŋ kagboŋ nɛ ekurma kagboŋ nna.

Jɛnesis 49:25

Fo tuto be Ebɔrɛ na e naa chɛ fo to. Enyɛnpetale na e naa nɛfa fo, a sa fo bɔrɛchu nɛ nchu nɛ a bee bul kasawule to nɛ asɔbɔya nɛ mbia nɛ kenyipochu damta nɛ mbia na e baa nuu.

Jɛnesis 30:43

Ŋkpal loŋ so Jeekɔb daŋ ba ki damawura gboŋgboŋi nna a kɔ asɔbɔya damta nɛ nyɛrbi nɛ mbita nɛ enyɔma nɛ ekurma ga.

Jɛnesis 30:30

Asɔbɔya gbrɛbi nɛ fo daa kɔ pɔɛŋ nɛ m ba, ama naniere b salga n sɔ kakpa, nɛ Enyɛnpe na bɔla ma so n nɛfa fo ekpa kama so. To saŋɛ mo nɛ ma alɛ beeŋ wora kusɔ ko n sa ŋ gbagba be laŋ to ebi?”

Nshɛ 80:12

Manɛ nna nɛ fo buri kunji nɛ k bee kuŋ kumo na to, nɛ ekama nɛ e bɔla ndoŋ a choŋ bee nya kumo be asɔrso a chuge?

Nshɛ 5:12

Enyɛnpe Ebɔrɛ, fee nɛfa bekama nɛ baa wora fo kasonu nsaa wora asɔ nɛ niŋi nna. Fee kuŋ bumo nna fanɛ kananɛ kebɛlso be kusɔ kuŋso bee kuŋ benapo na.

Job be kawɔl 29:6

N daa nya kenyipochu damta ga nna ashi ma ana nɛ mboe to, nseŋ daa nya ŋku ga ashi ma ɔlif be ndibi be asɔrso to.

Ditɛronɔmi 33:11

Amoso Enyɛnpe Ebɔrɛ, chɛ bumo to nɛ b nya eleŋ. Shin nɛ b baa wora fo aparsheŋ. Fo e naŋ mur bumo doŋana kikɛ nsaa maŋ naŋ shin nɛ b koso kikɛ.”

Jɛnesis 39:5

Baŋ yili jemanɛ nɛ Potifa ta Josɛf ŋ ki mbe laŋ to nɛ mbe asɔ kikɛ so be enimu na, Enyɛnpe na daŋ kpal Josɛf so nna n nɛfa mbe laŋ to nɛ mbe ndɔ to be asɔ kikɛ nyam.

Job be kawɔl 1:3

nseŋ daa kɔ mbolpɔ ŋgboŋ ashunu nɛ enyɔma ŋgboŋ asa nɛ ana kagboŋ nɛ ekurma alfa anu nna. Mo alɛ daa naa kɔ beshumpo damta ga nseŋ daa la esa nɛ e dii dama a chɔ ekama ashi efuliana nɛ a wɔ epeŋilarkpa be kaba so na.

Job be kawɔl 29:2

“Mee yɛlga fanɛ ma kebaawɔtɔ e baa du fanɛ kumo nɛ n daa kɔ jemanɛ nɛ Ebɔrɛ daa keni ma so na.