Baru lela nɛ Jɔn kute na 9:7 - EBƆRƐ BE KAWƆL

⁷ “Yɔ Sailowam be kepa to n ya fɔr amo n lɛ ndoŋ.” Sailowam be kifito e la Shuŋi. Ndoŋ nna nɛ kanyɛn na yɔ ndoŋ n ya fɔr nseŋ fara a wu a ba.

Baru lela nɛ Jɔn kute na 9:7 ပူးပေါင်းရင်းမြစ်များ

Nehemaya 3:15

Kolhoze pibinyɛn Shalum, nɛ e daa keni Mizpa be kebonfu so na e daŋ lɔŋɛ m pɔr Kuchubu be Kabuna ekpa na. E daŋ ta kusɔ nna n ti mbuna na. Kumo be kaman nɛ e wɔtɔ akuloŋ nɛ amo be abɛlso be abersobi nseŋ ta ndibi gbɛgbɛso m ber amo so. Mo koŋwule na e daŋ lɔŋɛ m pɔr egbal nɛ k wɔ kakpa nɛ baa tre Shɛla be Kepa na. K daŋ mata ewura be kambɔl na nna nseŋ ta hale n ya fo atemprembi nɛ e dii a yɔ ewura Deevid be kadegboŋ na to na.

Nshɛ 146:8

Mo koŋwule na e naa bugi etanpo be anishi. Mo e naa pɛ bumo nɛ b tɔr to a niŋi to a yili nsaa sha basa nɛ bumo be kebaawɔtɔ niŋi.

Ɛksodɔs 4:11

Nɛ Enyɛnpe Ebɔrɛ bishi mo: “Wanɛ e wora dimɛdi be kɔnɔ? Wanɛ e naaŋ tiŋ n shin nɛ esa e ki kpawu ŋko neemu ŋko wanɛ e naa sa esa anishi ŋko a shin nɛ esa bee ki tanpo? Mannɛ ma, Enyɛnpe Ebɔrɛ a?

Aizaaya 32:3

Baaŋ bugi anishi a wu nseŋ bugi asoe a nu basa be asheŋ tirso.

Aizaaya 35:5

Etanpo beeŋ naŋ nya anishi a wu, nɛ ekpawu e nya asoe a nu.

Aizaaya 42:7

Fo e naaŋ shin nɛ etanpo be anishi e bugi; Feeŋ sɔ basa nɛ b wɔ tentembiri be kabuti to n yige.

Aizaaya 43:8

Nɛ Ebɔrɛ naŋ kaŋɛ le: “Shin nɛ ma basa e gama abar so. B kɔ anishi, ama bumo alɛ maa wu; b kɔ asoe, bumo alɛ maa nu!

Aizaaya 8:6

“Basa ere kini kechubɔr nɛ baa tre Shilowa na be nchu nɛ a bee shile yɛlyɛlbi na, nseŋ yɔ ewura Rezin nɛ ewura Pɛka be kaba so nɛ kagbenefuli.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Luuk 13:4

Ŋko menyee tama fanɛ basa kuduaburwa nɛ Sailowam be kejaŋ jeŋgreŋ daŋ tɔr bumo so m mɔ na e daŋ wora n da Ebɔrɛ so ga a chɔ basa nɛ b daa wɔ Jerusalɛm to na kikɛ a?

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Baru lela nɛ Jɔn kute na 10:36

manɛ e ba nɛ menyee kaŋɛ ma, esa nɛ Etuto na gbagba lara n yili a sa mbe kumu nseŋ shuŋi durnya ere to na, fanɛ mee malga nna a gbiti Ebɔrɛ ŋkpal ŋ ka kaŋɛ fanɛ ma e la Ebɔrɛ Pibinyɛn na so?

Baru lela nɛ Jɔn kute na 11:37

Ndoŋ nna nɛ beko kaŋɛ le: “Esa nɛ e bee tiŋ a bugi tanpo be anishi, ama e daa maaŋ tiŋ n shin nɛ kanyɛn ere e sa maŋ wu a?”

Baru lela nɛ Jɔn kute na 9:11

Nɛ e kaŋɛ bumo: “Kanyɛn nɛ baa tre Yesu na e pɔ shishɛr m mata ma anishi so nseŋ kaŋɛ ma fanɛ n ya fɔr ashi Sailowam. Ma alɛ ka baŋ ya fɔr nɛ n fara a wu epul na to.”

Baru lela nɛ Jɔn kute na 9:39

Nɛ Yesu kaŋɛ: “M ba durnya ere to nna nɛ m ba ji basa demu nɛ betanpo e nya a wu nɛ bumo nɛ baa wu malɛ e tan.”

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na