Baru lela nɛ Jɔn kute na 9:4 - EBƆRƐ BE KAWƆL

⁴ Kefulto ka kraa wɔtɔ ere bre, a daga fanɛ an baa shuŋ esa nɛ e shuŋi ma na be ashuŋ. Kanyɛ bee biri a ba, kumo alɛ baŋ ba, esa maaŋ naŋ tiŋ n shuŋ shɛŋ.

Baru lela nɛ Jɔn kute na 9:4 ပူးပေါင်းရင်းမြစ်များ

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Matiu 20:7

Nɛ b kaŋɛ mo: ‘To, esa kama maŋ ber anyi paa ai.’ Nɛ e kaŋɛ bumo: ‘Kumo ere, menyi alɛ gba e yɔ ma ndibi be kudɔ to n ya shuŋ.’

Maak 3:3

Nɛ Yesu kaŋɛ enɔwusowura na: “Koso m ba anishito nfe.”

Baru lela nɛ Jɔn kute na 10:32

Nɛ Yesu bishi bumo le: “Asheŋ lela damta nɛ a shi Etuto na kutɔ nɛ n wora ŋ ŋini menyi. To, nɛ amo be kumo so nɛ menyee kpal a sha nɛ men kpa ma ajembu ere?”

Baru lela nɛ Jɔn kute na 10:37

Nɛ m maa shuŋ n Tuto na be ashuŋ nna, kumo ere men sa maŋ yirda ma.

Baru lela nɛ Jɔn kute na 12:35

Nɛ Yesu kaŋɛ bumo: “Kefulto na maaŋ naŋ chɛr menyi kutɔ. Amoso, men ka kraa kɔ kumo menyi to ere bre, men baa na kumo to, saŋɛ na so, tentembiri maaŋ luri menyi to. Esa kama nɛ e na tentembiri to maa pin kakpa nɛ e bee yɔ.

Baru lela nɛ Jɔn kute na 17:4

M maŋkura fo kasawule ere to, ŋkpal manɛ so, n wora kushuŋ nɛ fo ta m bɔɔ ma enɔ fanɛ n wora na kikɛ.

Baru lela nɛ Jɔn kute na 4:34

Ndoŋ nna nɛ Yesu kaŋɛ bumo le: “Ma ajibi e la kewora esa nɛ e shuŋi ma na be aparsheŋ nɛ keloge mbe kushuŋ.

Baru lela nɛ Jɔn kute na 5:19

Ndoŋ nna nɛ Yesu kaŋɛ bumo le: “Kashenteŋ nɛ mee ji menyi na fanɛ ma, Ebɔrɛ Pibinyɛn na maa tiŋ a wora shɛŋ ŋ gbagba be kumu so kikɛ. Kusɔ nɛ mee wu n Tuto na ka bee wora nawule nɛ ma alɛ gba bee wora. Kusɔ nɛ Etuto na bee wora, kumo nɛ ma, Ebinyɛn na gba bee wora.

Baru lela nɛ Jɔn kute na 5:36

Ama ŋ kɔ shɛda kpakpaso a chɔ Jɔn be shɛda na. Ŋkpal manɛ so, ashuŋ nɛ mee shuŋ ere, amo nɛ Etuto na sa fanɛ n shuŋ na e naa ji ma shɛda a ŋini fanɛ Etuto na e shuŋi ma.

Baru lela nɛ Jɔn kute na 7:33

Nɛ Yesu kaŋɛ le: “Ma nɛ menyi maaŋ naa wɔtɔ n chɛr. Meeŋ yɔ esa nɛ e shuŋi ma na kutɔ.

Ashuŋ Shunso 4:20

Anyi ere maaŋ tiŋ n yige kemalga kusɔ nɛ anyi gbagba wu nseŋ nu be asheŋ.”

Galeeshaebi 6:10

Amoso, kananɛ an kraŋ baa kɔ ekpa naniere bre, men shin nɛ an baa wora basa kikɛ kelela, fɔnfɔŋ bumo nɛ b la an braana beyirdapo na.

Ɛfesesebi 5:16

Saŋɛ lubi to nɛ an wɔ na, amoso, men sa maa jija saŋɛ gbrɛbi kikɛ nɛ men nya.

Kɔlɔsiebi 4:5

Men baa kɔ kanyiasheŋ be kebaawɔtɔ a ŋini bumo nɛ b maŋ nyi Yesu Kristo bumo be ŋgbene to na. Men sa maa gal kumo be loŋ be kelela be kewora a lɛ.