Baru lela nɛ Jɔn kute na 9:39 - EBƆRƐ BE KAWƆL

³⁹ Nɛ Yesu kaŋɛ: “M ba durnya ere to nna nɛ m ba ji basa demu nɛ betanpo e nya a wu nɛ bumo nɛ baa wu malɛ e tan.”

Baru lela nɛ Jɔn kute na 9:39 ပူးပေါင်းရင်းမြစ်များ

Aizaaya 29:10

Enyɛnpe Ebɔrɛ na e shin nɛ menyi be anishi bee biri menyi nɛ edi bee la menyi na. Menyi anebiana na e daga fanɛ b baa wu asheŋ a kaŋɛ basa na, ama Ebɔrɛ buu menyi be anishi so nna nɛ men maŋ naa wu asheŋ a pin to.

Aizaaya 44:18

Basa nɛ baa shuŋ agbirana maŋ nyi asheŋ, bumo alɛ nsaa du fanɛ etanpo. B ti bumo be nfɛra nɛ anishi so nna a laŋɛ kashenteŋ na be kaplɛa so.

Aizaaya 6:9

Ndoŋ nna nɛ e kaŋɛ ma fanɛ n ta kubɔya ere n ya sa mbe basa. E yɛ “Kanaŋkama nɛ men nu asheŋ gba, menyi maaŋ pin amo to. Kanaŋkama malɛ nɛ men keni asheŋ, menyi maaŋ pin kusɔ nɛ k bee wora na to.”

Ezikɛl 12:2

“Dimɛdi pibi, Ezikɛl, fo nɛ basa nɛ b pal kaman n sa ma e wɔtɔ. B kɔ anishi, bumo alɛ kini kewu asɔ nɛ mee ŋini bumo. B kɔ asoe, bumo alɛ kini kenu ma mmalga. Ŋkpal manɛ so b pal kaman nna n sa ma.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Matiu 15:14

Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”

Matiu 6:23

Ama nɛ fo anishi baa maŋ walɛ, tentembiri e naaŋ baŋ bɔlɔ fo eyur na kikɛ to. Amoso, nɛ kefulto nɛ k wɔ fo to na baa la tentembiri, kumo ere tentembiri gbagba nna pasaa!

Luuk 1:79

e beeŋ shin nɛ an fara a nya kumɔlga naniere nseŋ nyaŋɛ kefulto ashi ebɔrɛso n yuu bumo nɛ b wɔ tentembiri to nsaa ŋana luwu na so kikɛ n shin nɛ an bɔla kagbenewushi be ekpa to.”

Luuk 13:30

Men keni, bumo nɛ b shir kaman naniere beeŋ ba ki bejuŋkparpo nɛ bumo nɛ b juŋkpar naniere e ba ki bemantopo.”

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Luuk 4:18

“Enyɛnpe be Kiyoyu nɛ e kɔ a sa basa kikɛ na wɔ ma so. E lara ma nna n nɛfa ma nɛ m bɔ baru lela na n sa betirpo, mo e shuŋi ma nɛ n ya bɔ kesɔnyige be baru n sa bumo nɛ b ki beko be anya nseŋ bɔ anishi be kebugi be baru n sa betanpo. E yɛ n sɔ bumo nɛ baa mɛaŋ na n yige.

Luuk 7:21

Kumo be jemanɛ na malɛ gbagba so nɛ Yesu chɛ belɔpo damta be alɔ be nnaŋ to kikɛ nseŋ ju mbuibi lubi basa to nseŋ bugi betanpo damta be anishi.

Baru lela nɛ Jɔn kute na 12:31

Naniere bre keji durnya ere demu be saŋɛ fo, naniere nɛ kegboŋi durnya ere to be ejuŋkparpo na ashi mbe kejuŋkpar na to na fo.

Baru lela nɛ Jɔn kute na 12:46

M ba durnya to nna fanɛ kefulto na, saŋɛ na so, ekama nɛ e yirda ma, maaŋ shir a wɔ tentembiri to.

Baru lela nɛ Jɔn kute na 3:17

Ŋkpal manɛ so, Ebɔrɛ maŋ shin nɛ mo Pibinyɛn na ba durnya to nna fanɛ e ba ji kumo demu. Ebɔrɛ shin nna nɛ e ba ki durnya be emɔlgapo.

Baru lela nɛ Jɔn kute na 3:19

Ekpa nɛ demu be keji na beeŋ bɔla so nde fanɛ: Kefulto na ba durnya ere to, ama ŋkpal basa be ashuŋ shunso ka lubi so, baa sha tentembiri a chɔ kefulto na.

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Baru lela nɛ Jɔn kute na 8:15

Dimɛdi be ekpa so nɛ menyee bɔla a ji esa demu, ma ere maa ji esa kama demu.

Baru lela nɛ Jɔn kute na 9:25

Nɛ kanyɛn na kaŋɛ bumo le: “To, ma ere maŋ nyi ŋko e la alubipo nna ŋko e maŋ la. Ama kusɔ nɛ m baa nyi e la fanɛ n daŋ tan nna, ama naniere mee wu.”

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

2 Kɔrintebi 2:16

Bumo nɛ baa mur na, k la fanɛ kɔrtɔ lubi nna a mɔ, ama bumo nɛ baa nya kumɔlga na bre, k la fanɛ efɛa belbelso nna a bar ŋkpa. To, nɛ wanɛ e naaŋ tiŋ n wora le be kesheŋ ere?

Ɛfesesebi 5:14

Amoso nɛ abɔrɛsibɛ na bee kaŋɛ le na fanɛ: “Edipo koso, niŋi to ŋ koso ashi luwu to nɛ Kristo e nyaŋɛ kefulto n yuu fo so.”

2 Tɛsalɔnikaebi 2:10

E beeŋ bar efɛ be edalubisheŋ damta m ba fule bumo nɛ baaŋ mur na. Baaŋ wu kasogberge be luwu na ŋkpal b ka kini kashenteŋ nɛ baaŋ bɔla kumo so n nya kumɔlga na so.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Jɔn 2:11

Ama ekama nɛ e bee kishi mo niopibi wɔ tentembiri to nna na, mo alɛ nsaa na tentembiri to. E maŋ nyi kakpa nɛ e bee yɔ, ŋkpal manɛ so, tentembiri na e naa shin nɛ e maa wu.