Baru lela nɛ Jɔn kute na 9:3 - EBƆRƐ BE KAWƆL

³ Nɛ Yesu kaŋɛ bumo: “Mannɛ kanyɛn ere gbagba be alubi so ŋko mo nio nɛ mo tuto be alubi so so nɛ e tan. E tan nna nɛ Ebɔrɛ e bɔla mo so ŋ ŋini basa mbe eleŋ be ashuŋ.

Baru lela nɛ Jɔn kute na 9:3 ပူးပေါင်းရင်းမြစ်များ

Job be kawɔl 21:27

N nekpaana, n nyi fanɛ menyee kre ma ŋkre lubi nna.

Job be kawɔl 32:3

Mo alɛ daŋ naŋ nya agbo n wɔtɔ Job mo nekpaana besa na gba nna, ŋkpal b ka daa maŋ tiŋ n shin nɛ Job pin kulubi nɛ e wora so, nɛ k ba fanɛ Ebɔrɛ bre e wora n jija na so.

Job be kawɔl 42:7

Job ka malga n loge nɛ Enyɛnpe Ebɔrɛ kaŋɛ Job mo nekpa, Ɛlifaz nɛ e shi Teman be kadegboŋ to na le: “Kusɔ nɛ ma kayɛrbi Job kaŋɛ a laŋɛ ma kaplɛa so na la kashenteŋ nna, ama n nya agbo nna n wora fo nɛ fo nekpaana benyɔ na, ŋkpal men ka kini keji kashenteŋ na so.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Baru lela nɛ Jɔn kute na 11:4

Yesu ka nu kubɔya na nɛ e kaŋɛ: “Lazɔrɔs be kulɔ ere be lalaloge maŋ la luwu. K la kusɔ nɛ k beeŋ ba bar Ebɔrɛ kemaŋkura nna, saŋɛ na so nɛ ma, Ebɔrɛ Pibinyɛn na e nya kemaŋkura ashi kumo to.”

Baru lela nɛ Jɔn kute na 11:40

Nɛ Yesu bishi mo: “M maŋ kaŋɛ fo fanɛ nɛ fo yirda feeŋ wu Ebɔrɛ be kemaŋkura a?”

Ashuŋ Shunso 28:4

Kepla na so be basa na ka wu kuwɔ na ka chul Pɔɔl be enɔ so nɛ b kaŋɛ abar: “Kanyɛn ere la emɔpo nna, k maŋ kɔ emɔrɔ. E tiŋ n lar nchu na to nɛ alenfia, ama kashenteŋ be ekpa so be ebɔrɛ na maaŋ yige mo nɛ e baa kraa wɔtɔ.”

Ashuŋ Shunso 4:21

Nɛ nshɛr na to ebi naŋ fiɛ bumo so ga n ti so nseŋ yige bumo nɛ b yɔ. B daa maŋ wu ekpa nɛ b daa beeŋ bɔla so n tiŋ ŋ gberge bumo kusoe, ŋkpal manɛ so, basa kikɛ daa di Ebɔrɛ epaŋ nna ŋkpal kusɔ nɛ k wora na so.

1 Jɔn 4:16

Anyi alɛ gba ba pin nseŋ yirda kasha mo nɛ Ebɔrɛ kɔ a sa anyi na. Ebɔrɛ e la kashawura. Ekama malɛ nɛ e wɔ kasha be kebaawɔtɔ to, wɔ Ebɔrɛ to nna na nɛ Ebɔrɛ malɛ gba wɔ amodoŋwura to.

1 Jɔn 4:9

Kananɛ Ebɔrɛ ŋini anyi mbe kasha nde: E shuŋi mo Pibinyɛn koŋwule nna durnya ere to fanɛ an bɔla mo so n nya ŋkpa.