Baru lela nɛ Jɔn kute na 9:22 - EBƆRƐ BE KAWƆL

²² Kanyɛn na mo nio nɛ mo tuto daŋ kaŋɛ loŋ nna ŋkpal b ka daa ŋana Juwebi be benimuana na so so, ŋkpal manɛ so, b daŋ kaŋɛ nna fanɛ ekama nɛ e bugi to ŋ kaŋɛ fanɛ Yesu e la Mesaya na, baaŋ ju mo nshɛrbuana na to be keluri to.

Baru lela nɛ Jɔn kute na 9:22 ပူးပေါင်းရင်းမြစ်များ

Aŋasa 29:25

Sa maŋ shin nɛ kusɔ nɛ basa bee fɛ a laŋɛ fo kaplɛa so e baa tir fo. Yirda Ebɔrɛ nɛ e baa kuŋ fo.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Aizaaya 51:7

Menyi nɛ men nyi kusɔ nɛ k daga kewora na e nu nfe! Menyi nɛ men kɔ ma keŋini menyi be ŋgbene to na gba e nu nfe! Men sa maa ŋana basa nɛ baa tege menyi nsaa kaŋɛ menyi asheŋbesaso na.

Aizaaya 57:11

Ade be kaman nɛ Enyɛnpe Ebɔrɛ na bishi le: “Nuso be agbir e shin nɛ kufu pɛ menyi, nɛ men kpal amo so a ku efɛ nseŋ teŋ ma so kuraa loŋ? Ŋkpal ŋ ka wora shruum n chɛr so nɛ men yige kebaabunyaŋ ma ere a?

Luuk 6:22

Nɛ basa kishi menyi a kini menyi nsaa tege menyi a tre menyi basa lubi ŋkpal ma, Nyiŋgbasa Pibinyɛn na so, kagbenefuli beeŋ ba kaa la menyeya.

Baru lela nɛ Jɔn kute na 1:19

Kachako Jerusalɛm to be Juwebi be benimuana shuŋi bɔrɛmatapoana nɛ Livaiebi ko Jɔn kutɔ fanɛ b ba bishi mo le: “Nuso be esa e la fo?”

Baru lela nɛ Jɔn kute na 16:2

Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Baru lela nɛ Jɔn kute na 19:38

Ade be kaman nɛ Josɛf nɛ e daŋ shi Arimatiya na ba kule Pailat fanɛ e shin nɛ e lara Yesu be kebuni na. Josɛf ere daa la Yesu be ebɛsopo na, ama wulo to nɛ e daa bɛ mo so, ŋkpal manɛ so, e daa ŋana Juwebi be benimuana na nna. Ndoŋ nna nɛ Pailat sa ekpa fanɛ e ya ta Yesu be eyur na nɛ e yɔ n ya ta kumo.

Baru lela nɛ Jɔn kute na 20:19

Alediachɛ na be kaaseso nɛ bebɛsopo na kikɛ shɛr kaboŋ koŋwule nseŋ ti mbuna ŋkpal b ka daa ŋana Juwebi be benimuana na so so, nɛ Yesu ba yili bumo to nseŋ kaŋɛ bumo le: “Kagbenewushi e baa wɔ menyi to.”

Baru lela nɛ Jɔn kute na 7:13

Ama ekama daa maŋ nya kagbene m bugi to m malga mbe asheŋ, ŋkpal manɛ so, b daa ŋana Juwebi be benimuana na nna.

Baru lela nɛ Jɔn kute na 9:18

Ade kikɛ daŋ wora, ama Juwebi na kraa maa sha keyirda gba kuraa fanɛ kanyɛn na daŋ tan gba, ama b shuŋi nna n tre mo nio nɛ mo tuto pɔɛŋ.

Baru lela nɛ Jɔn kute na 9:21

ama kananɛ e wora a wu naniere ŋko esa nɛ e chɛ mo bre, an maŋ nyi. Men bishi mo gbagba nɛ e kaŋɛ menyi, ŋkpal manɛ so, mannɛ kebia e la mo.”

Baru lela nɛ Jɔn kute na 9:34

Nɛ basa na kaŋɛ: “Keni, baŋ yili fo kakurgeachɛ kikɛ nɛ fo wɔ alubi to m ba fo mbre nɛ fo ba kaa sha nɛ fo ŋini anyi asheŋ a?” B ka kaŋɛ mo loŋ n loge nɛ b ju mo nshɛrbuana na to be keluri to.

Baru lela nɛ Jɔn kute na 9:35

Yesu nu b ka ju kanyɛn na nshɛrbuana na to be keluri to nseŋ ya tu mo kakpa ko m bishi mo: “Fo yirda Nyiŋgbasa Pibinyɛn na a?”

Ashuŋ Shunso 4:18

Ndoŋ nna nɛ b naŋ tre Pita nɛ Jɔn m ba ndoŋ m ba kaŋɛ bumo fanɛ b sa maŋ kaŋ naŋ malga ŋko ŋ ŋini basa Yesu be asheŋ kikɛ.

Ashuŋ Shunso 5:13

Basa pɔtɛana nɛ b daa maŋ yirda na be ekama daa ŋana keyaa tu beyirdapoana na nna n shɛr, ama bumo alɛ kikɛ nyam daa sa beyirdapoana na bunyaŋ ga.

Ashuŋ Shunso 5:40

Ndoŋ nna nɛ nshɛrwuraana na nu Gameelial be kamalga na. Nɛ b tre beshuŋipo na m ba shin nɛ b kuya bumo so nseŋ fiɛ bumo so fanɛ b sa maŋ kaŋ naŋ ta Yesu be ketre m malga kikɛ. Kumo be kaman nɛ b sa bumo ekpa nɛ b yɔ.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”