Baru lela nɛ Jɔn kute na 8:48 - EBƆRƐ BE KAWƆL

⁴⁸ Nɛ Juwebi na kaŋɛ mo: “Kashenteŋ nɛ an ji ŋ kaŋɛ fanɛ fo la Samɛrianyɛn nsaa kɔ kiyoyu lubi fo to na.”

Baru lela nɛ Jɔn kute na 8:48 ပူးပေါင်းရင်းမြစ်များ

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Matiu 10:25

Amoso, ekoyapo kama nɛ e fo mbe eŋinipo so, e shin nɛ loŋ e kukwe mo. Kenya kama malɛ nɛ e ba fo mo nyɛnpe so, e shin nɛ loŋ e kukwe mo. Nɛ basa baa tre kanaŋ ko to be enimu Alubipo Biyɛlzibel, kumo ere kanaŋ na to ebi bre beeŋ nya atre lubi nɛ a chɔ loŋ ai.”

Matiu 10:5

Le be mmalga nɛ Yesu daŋ ta n shuŋi beshuŋipo kuduanyɔ na ŋ kaŋɛ: “Men sa maŋ yɔ nnyamase be kasawule kama so ŋko Samɛriaebi be nde kama to.

Matiu 11:18

Men du fanɛ mbia ere nna, ŋkpal manɛ so, Jɔn ka ba kaa kishi, mo alɛ ŋkaa maa nuu nsa be yiri kikɛ nɛ ekama kaŋɛ le: ‘Kiyoyu lubi e wɔ mo to.’

Matiu 12:24

Efarisiana na ka nu loŋ nɛ b kaŋɛ: “Mbuibi lubiana be ewura Biyɛlzibel e naa sa mo eleŋ nɛ e kɔ a ju mbuibi lubiana na.”

Matiu 12:31

Amoso, mee kaŋɛ menyi le nna fanɛ basa be kulubi kama nɛ kamalga kama nɛ k gbiti Ebɔrɛ beeŋ nya keyigempaŋ, ama kamalga kama nɛ k gbiti Kiyoyu Cheeŋ na maaŋ nya keyigempaŋ kikɛ.

Matiu 15:7

Kebirkɔnshiwuraana ere! Anebi Aizaaya ka daŋ wu menyi be asheŋ ŋ kaŋɛ na baa la kashenteŋ nna. E yɛ Ebɔrɛ kaŋɛ:

Baru lela nɛ Jɔn kute na 1:19

Kachako Jerusalɛm to be Juwebi be benimuana shuŋi bɔrɛmatapoana nɛ Livaiebi ko Jɔn kutɔ fanɛ b ba bishi mo le: “Nuso be esa e la fo?”

Baru lela nɛ Jɔn kute na 10:20

Le nɛ bumo be bedamta daŋ kaŋɛ: “Kiyoyu lubi e wɔ mo to. E bee lɔ eboŋ nna. Manɛ so nɛ esa bee nu ede be mmalga!”

Baru lela nɛ Jɔn kute na 13:13

Menyee kaa tre ma Eŋinipo nɛ Enyɛnpe, kashenteŋ nɛ menyi alɛ bee ji, ŋkpal manɛ so, n la Eŋinipo nɛ Enyɛnpe nna.

Baru lela nɛ Jɔn kute na 4:9

Nɛ Samɛriache na bishi mo: “To, fo la Juw nna nɛ ma alɛ la Samɛriache, nɛ nuso nɛ fee wora a kule ma nchu nuuso?” [Kache na daŋ kaŋɛ loŋ nna, ŋkpal manɛ so, Juwebi nɛ Samɛriaebi maŋ kɔ shɛŋ bumo be nferinto.]

Baru lela nɛ Jɔn kute na 7:20

Ndoŋ nna nɛ jimaŋ na kaŋɛ mo le: “Fo kɔ kiyoyu lubi fo to. Wanɛ e naa sha kemɔ fo?”

Baru lela nɛ Jɔn kute na 8:22

Ndoŋ nna nɛ Juwebi na bishi abar: “E bee sha kemɔ mbe kumu nna so nɛ e yɛ: ‘Kakpa nɛ mee yɔ na, menyi maaŋ tiŋ n yɔ na’, ŋko nuso?”

Baru lela nɛ Jɔn kute na 8:52

Ndoŋ nna nɛ Juwebi na kaŋɛ: “To, naniere nɛ an pin fanɛ kiyoyu lubi e wɔ fo to kashenteŋto, ŋkpal manɛ so, Eebraham nɛ anebiana na kikɛ wu n wu, ama kumo nɛ fee kaŋɛ fanɛ nɛ esa baŋ ta fo kamalga na n wɔtɔ mbe kagbene to, e maaŋ wu na.

Romebi 15:3

Ŋkpal manɛ so, Kristo gba daa maŋ de mo gbagba be aparsheŋ so, ama loŋ nɛ abɔrɛsibɛ na bee kaŋɛ fanɛ e bee kaŋɛ le na: “Katege nɛ basa tege menyi na kikɛ laŋɛ ma kumu so.”

Hibruwebi 13:13

Amoso, men shin nɛ an lar keeyi na to n yɔ mo kutɔ n ya tu mo n ji mbe ŋaba nɛ b ŋaba mo na.

Jeems 2:19

Fo yirda fanɛ Ebɔrɛ koŋwule e wɔtɔ. To, fo wora nɛnɛ, ama baa nyi fanɛ mbuibi lubi gba bee shuli fanɛ Ebɔrɛ koŋwule e wɔtɔ nɛ kumo alɛ bee keta bumo kufu nɛ baa chicha.