Baru lela nɛ Jɔn kute na 8:44 - EBƆRƐ BE KAWƆL

⁴⁴ Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Baru lela nɛ Jɔn kute na 8:44 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

1 Bewura 22:22

Nɛ Enyɛnpe Ebɔrɛ bishi mo le: ‘Ekpa mo so nɛ feeŋ bɔla n shin nɛ e yɔ?’ Nɛ kiyoyu na kaŋɛ: ‘Meeŋ ya shin nɛ Ahab be anebiana kikɛ e fule mo.’ ” Nɛ Enyɛnpe Ebɔrɛ na kaŋɛ: “Ya wora loŋ. Feeŋ pɔɔ so.”

1 Kronikɛls 21:1

Setani daa sha kebar tɔrɔ Israɛl be basa so nna, amoso e daŋ sa ewura Deevid nfɛra nna fanɛ e karga basa na.

Job be kawɔl 1:11

To, fo ere e mur mbe kusɔ nɛ e kɔ kikɛ ŋ keni a, e maaŋ yili fo gbagba be anishito n shoduu fo?”

Matiu 12:34

Basa lubi fanɛ awɔ ere! Nuso nɛ menyeeŋ tiŋ a la basa lubi le nsaa tiŋ a malga asɔ lela be asheŋ? Men maŋ nyi fanɛ asɔ nɛ a bɔlɔ nyiŋgbasa be kagbene to e naa lar mbe kɔnɔ to a?

Matiu 13:15

Ŋkpal bumo be ŋgbene ka du kpakpa so, b ti bumo be asoe so nseŋ buu bumo be anishi so. Nɛ mannɛ aloŋ, bumo be anishi beeŋ bugi asheŋ be kewuto nɛ bumo be asoe e bugi asheŋ be kenuto nɛ bumo be ŋgbene e bugi asheŋ be kepinto. Ebɔrɛ yɛ: Loŋ na, baaŋ ba ma kutɔ nɛ n lara bumo ashi bumo be kebaawɔtɔ dra to n sa bumo kebaawɔtɔ popɔr.’

Matiu 13:38

Kudɔ na e la durnya ere nɛ asɔ duuso lela na malɛ la Ebɔrɛ be kuwura na to be basa. Asɔ duuso lubi na malɛ e la alubipo na be basa.

Baru lela nɛ Jɔn kute na 6:70

Nɛ Yesu kaŋɛ: “Kashenteŋto, ma e lara menyi basa kuduanyɔ ere, ama menyi to be eko la alubipo nna.”

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Baru lela nɛ Jɔn kute na 8:38

Asɔ nɛ n wu n Tuto na kutɔ be asheŋ nɛ mee malga nɛ menyi alɛ bee wora asɔ nɛ men nu ashi men tuto kutɔ.”

Baru lela nɛ Jɔn kute na 8:41

Asɔ nɛ men tuto bee wora nɛ menyee wora na.” Nɛ b kaŋɛ Yesu le: “Mannɛ ayurbi e la anyi. Etuto koŋwule nɛ an kɔ, mo alɛ e la Ebɔrɛ na.”

Baru lela nɛ Jɔn kute na 8:55

Men maŋ nyi mo, ama ma ere nyi mo. Nɛ ŋ kaŋɛ fanɛ m maŋ nyi mo, meeŋ baa la efɛpo fanɛ menyi, ma ere nyi mo nsaa ta mbe mmalga a wɔtɔ ma kagbene to.

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

Ashuŋ Shunso 24:9

Ndoŋ nna nɛ Juwebi na kikɛ shuli n chɛ Tetales to ŋ kaŋɛ fanɛ alubi nɛ b kaŋɛ fanɛ Pɔɔl wora na kikɛ la kashenteŋ nna.

Ashuŋ Shunso 5:3

Nɛ Pita bishi mo: “Ananiyas, manɛ e ba nɛ fo shin nɛ Setani ba fo kagbene to m ba shin nɛ fo lara fo kudɔ na be amansherbi nɛ fo nya na so nseŋ ta ade m ba nɛ fo ba fule Kiyoyu Cheeŋ na?

2 Kɔrintebi 11:3

Ama men be asheŋ bee keta ma kufu fanɛ nɛ men maŋ de so, kananɛ kusɔkpaŋ na daŋ ta mbe nambara n fule Hawa na, loŋ koŋwule na nɛ e beeŋ lara men be nfɛra ashi kagbene koŋwule be Kristo be kasha cheembi to.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

2 Pita 2:4

Ŋkpal manɛ so, nɛ Ebɔrɛ maŋ yige emalaika mo nɛ b daŋ wora alubi na gba nseŋ daŋ yɛra bumo kemaŋ nɛ baa tre abis to na nɛ b ya kaa kɔ bumo to tentembiri to mina a jo demujiachɛ na,

1 Jɔn 1:8

Nɛ an baŋ kaŋɛ fanɛ an maŋ kɔ kulubi bre, anyee fule anyi be amu nna nɛ kashenteŋ malɛ maŋ wɔ anyi to kuraa.

1 Jɔn 2:21

Mannɛ fanɛ men ka maŋ nyi kashenteŋ na so e shin nɛ mee sibɛ asɔ ere a sa menyi, ama menyi ka nyi kumo so nseŋ naa nyi fanɛ efɛ kikɛ maŋ wɔ kashenteŋ na to so nɛ mee sibɛ amo a sa menyi.

1 Jɔn 2:4

Esa kama nɛ e bee kaŋɛ fanɛ: “Ma ere nyi mo,” mo alɛ nsaa maa bɛ Ebɔrɛ na be mmalga naseso so, amodoŋwura la efɛpo nna nɛ kashenteŋ na malɛ maŋ wɔ mo to.

1 Jɔn 3:12

A maŋ daga fanɛ an baa du fanɛ Keen nɛ e daa la alubipo na peya nseŋ bri mo sipo m mɔ na. Nɛ manɛ e daŋ ba nɛ e daŋ bri mo m mɔ? Kusɔ nɛ k daŋ ba e la fanɛ mbe asheŋ woraso daa maa niŋi nna nɛ mo sipo bre peya daa niŋi.

1 Jɔn 3:15

Esa kama nɛ e kishi mo niopibi la emɔpo nna, menyi alɛ nyi fanɛ emɔpo kikɛ maŋ kɔ ŋkpa nɛ k maŋ kɔ ekar na mo to.

Juud 1:6

Men baa nyiŋi emalaika mo nɛ b daa maŋ shuli a wɔ kakpa nɛ Ebɔrɛ daa sha fanɛ b baa wɔ na be asheŋ. B daŋ shile ndoŋ nna ŋkpal k ka daa maŋ bɔlɔ bumo kenishi so. Naniere b ta ŋgbɛlɛbi mo nɛ esa maaŋ tiŋ n tuge kikɛ nna ŋ kre bumo n wɔtɔ tentembiri be kakpa a jo kachɛgboŋ mo nɛ Ebɔrɛ beeŋ ji bumo demu na.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.

Kelaraŋŋini 9:11

Bumo be ewura mo nɛ e daa ji kuwura bumo so daa la kemaŋ nɛ k maŋ kɔ ekar nɛ baa tre kumo Abis na to be malaika nna nɛ Hibruwebi bee tre mo Abadɔn nɛ Griikebi malɛ bee tre mo Apɔliɔn.