Baru lela nɛ Jɔn kute na 8:41 - EBƆRƐ BE KAWƆL

⁴¹ Asɔ nɛ men tuto bee wora nɛ menyee wora na.” Nɛ b kaŋɛ Yesu le: “Mannɛ ayurbi e la anyi. Etuto koŋwule nɛ an kɔ, mo alɛ e la Ebɔrɛ na.”

Baru lela nɛ Jɔn kute na 8:41 ပူးပေါင်းရင်းမြစ်များ

Ɛksodɔs 4:22

Kumo be kaman nɛ fo kaŋɛ ewura Fɛɛro fanɛ ma, Enyɛnpe Ebɔrɛ na e kaŋɛ le na: ‘Israɛlebi du fanɛ ma wurkoŋnyɛn nna.

Aizaaya 63:16

Fo e la an tuto. K wora fanɛ Eebraham nɛ Jeekɔb nɛ b la an nananyɛnana na maŋ naa nyiŋi anyi be asheŋ. Ama fo, Enyɛnpe Ebɔrɛ nɛ fo la an tuto na e naa kuŋ anyi dra kikɛ hale m ba fo kabre.

Aizaaya 64:8

Ama fo, Enyɛnpe Ebɔrɛ na e la an tuto. Anyi ere du fanɛ ebɔ nna nɛ fo alɛ du fanɛ mba nɛ mpuliya be epɔrpo. Fo e to anyi,

Jɛremaya 3:19

Kumo be kaman nɛ Enyɛnpe Ebɔrɛ na kaŋɛ le: “Israɛl be basa, n daa sha keta menyi fanɛ ma mbia nseŋ sa menyi kasawule nɛ k beeŋ par menyi a walɛ a chɔ kasawule kikɛ durnya to. Ma alɛ naa sha fanɛ men baa tre ma men tuto nsaa maŋ naŋ lar ma kaman kikɛ.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Hoziya 1:2

Enyɛnpe Ebɔrɛ ka daŋ fara nɛ e bɔla Hoziya so m malga n sa Israɛlebi na, le nɛ e daŋ kaŋɛ: “Ya ta sakaleche nɛ mo nɛ mbe mbia maaŋ baa ji kashenteŋ a sa fo. Kumo be loŋ e naaŋ ŋini kananɛ ma basa Israɛlebi kute n lar ma kaman.”

Malakai 1:6

Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Malakai 2:11

Menyi Judaebi na kikɛ maŋ ji kashenteŋ n sa Ebɔrɛ, menyi alɛ nseŋ naŋ wora ekishisheŋ ashi Jerusalɛm nɛ efuli na kikɛ so. Men wora mbushusheŋ a jija bɔrɛlambu nɛ Enyɛnpe Ebɔrɛ bee sha ga na. Men be benyɛn ta beche nɛ baa shuŋ efuli pɔtɛ so be agbir.

Baru lela nɛ Jɔn kute na 8:38

Asɔ nɛ n wu n Tuto na kutɔ be asheŋ nɛ mee malga nɛ menyi alɛ bee wora asɔ nɛ men nu ashi men tuto kutɔ.”

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Ditɛronɔmi 14:1

Israɛlebi, menyi ere la Enyɛnpe Ebɔrɛ na be basa nna. Amoso, nɛ menyee shu nli men sa maa ku menyi be eyurana ŋko a she menyi be nsɔto be emin fanɛ kananɛ basa pɔtɛ bee wora na.

Ditɛronɔmi 32:6

Menyi bewulpo nɛ basa nɛ b maŋ kɔ nfɛra ere, le a daga fanɛ men wora Enyɛnpe Ebɔrɛ na a? Enyɛnpe Ebɔrɛ na e la men tuto, mo e to menyi, nseŋ shin nɛ men ki efuli koŋwuleso be basa.

1 Jɔn 3:12

A maŋ daga fanɛ an baa du fanɛ Keen nɛ e daa la alubipo na peya nseŋ bri mo sipo m mɔ na. Nɛ manɛ e daŋ ba nɛ e daŋ bri mo m mɔ? Kusɔ nɛ k daŋ ba e la fanɛ mbe asheŋ woraso daa maa niŋi nna nɛ mo sipo bre peya daa niŋi.