Baru lela nɛ Jɔn kute na 8:37 - EBƆRƐ BE KAWƆL

³⁷ N nyi men ka la Eebraham mo nanabiana, ama menyi alɛ bee sha kemɔ ma nna, ŋkpal manɛ so, men maa sha kesɔ ma keŋini.

Baru lela nɛ Jɔn kute na 8:37 ပူးပေါင်းရင်းမြစ်များ

Matiu 13:15

Ŋkpal bumo be ŋgbene ka du kpakpa so, b ti bumo be asoe so nseŋ buu bumo be anishi so. Nɛ mannɛ aloŋ, bumo be anishi beeŋ bugi asheŋ be kewuto nɛ bumo be asoe e bugi asheŋ be kenuto nɛ bumo be ŋgbene e bugi asheŋ be kepinto. Ebɔrɛ yɛ: Loŋ na, baaŋ ba ma kutɔ nɛ n lara bumo ashi bumo be kebaawɔtɔ dra to n sa bumo kebaawɔtɔ popɔr.’

Matiu 3:9

nsaa maa fɛ fanɛ, nɛ men kaŋɛ men be amu le: ‘An nana e la Eebraham’, menyeeŋ ji n lar. Ma e kaŋɛ menyi na fanɛ Ebɔrɛ beeŋ tiŋ n ta ajembu ere m pɔr kaman to ebi n sa Eebraham.

Baru lela nɛ Jɔn kute na 10:31

Ndoŋ nna nɛ Juwebi na yaŋ ta ajembu nɛ b kpa mo.

Baru lela nɛ Jɔn kute na 11:53

Amoso, baŋ yili kumo be kachɛ na a yɔ nɛ basa na kre Yesu be kemɔ be nia.

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

Baru lela nɛ Jɔn kute na 7:1

Ade be kaman nɛ Yesu shir a wɔ Galili be efuli so be nde nawule to a nite a maa sha kenite Judiya bre to, ŋkpal manɛ so, ndoŋ be Juwebi be benimuana na daa fin mo nna nɛ b mɔ.

Baru lela nɛ Jɔn kute na 7:19

Mannɛ anebi Mosis e daŋ sa menyi mbra na ŋko? Ama men be ekama maa bɛ mbra na so. Nɛ manɛ e ba nɛ menyee sha kemɔ ma?”

Baru lela nɛ Jɔn kute na 7:25

Saŋɛ ere so nɛ Jerusalɛm to be basa ko fara a bishi abar le: “Mannɛ kanyɛn ere nɛ baa fin nɛ b mɔ na a?

Baru lela nɛ Jɔn kute na 8:33

Ndoŋ nna nɛ Juwebi na kaŋɛ mo le: “Eebraham mo nanabiana e la anyi, anyi ere maŋ naŋ ki esa kikɛ be anya, nɛ a ji nuso nna nɛ fee kaŋɛ fanɛ anyeeŋ lar kenyaya to?”

Baru lela nɛ Jɔn kute na 8:43

Men nyi kusɔ nɛ k ba nɛ men maa pin ma mmalga to ere a? Kusɔ nɛ k ba e la fanɛ men maaŋ tiŋ n nu amo.

Baru lela nɛ Jɔn kute na 8:56

Men tuto Eebraham be kagbene daŋ fuli mo ga ŋkpal e ka daa shin nɛ e nya ma saŋɛ n wu so. Kashenteŋto malɛ, e wu kumo nɛ mbe kagbene fuli mo.”

Baru lela nɛ Jɔn kute na 8:59

E ka malga le ere nɛ b ta ajembu nɛ b kpa mo nɛ e ŋana mbe kumu nseŋ bɔl basa na to n lar bɔrɛlambu na to.

Baru lela nɛ Jɔn kute na 8:6

B daŋ bar le be kesheŋ bishiso ere nna nɛ b ba lute mo kɔnɔ n nya kusɔ ko n yili so n wu mo kulubi. Ama Yesu daŋ kilgi nna m murgi n ta mbe keshilbi n fara a sibɛ kasawule so.

Ashuŋ Shunso 13:26

Ŋ kurgepoana, Eebraham mo nanabiana nɛ menyi nɛ men la nnyamase a wɔ nfe a bunyaŋ Ebɔrɛ ere kikɛ, anyi kikɛ nɛ b ta le be kumɔlga be kubɔya ere n sa.

Romebi 9:7

Kumo alɛ maŋ naa ŋini fanɛ ŋkpal b ka la Eebraham mo nanabiana so bumo kikɛ la Ebɔrɛ be mbia nna. Ayai, kusɔ nɛ Ebɔrɛ kaŋɛ Eebraham e la: “Aizek be kaman to ebi nawule e naaŋ ba ki feya.”

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

1 Jɔn 2:14

Mee sibɛ nna a sa menyi mbia ŋkpal men ka nyi etuto na so. Mee sibɛ nna a sa menyi betutoana ŋkpal men ka nyi mo ere esa nɛ e wɔ ŋkpa to sososo kikɛ na so. Mee sibɛ nna a sa menyi mbrantiɛbia ŋkpal men ka kɔ eleŋ nɛ Ebɔrɛ be kamalga na wɔ menyi to nɛ men pɔɔ alubipo na so so.