Baru lela nɛ Jɔn kute na 8:3 - EBƆRƐ BE KAWƆL

³ Ndoŋ nna nɛ mbraŋinipoana na nɛ Efarisiana na bar kache ko b ka pɛ kesakalea to m ba shin nɛ e yili jimaŋ na be anishito nɛ b kaŋɛ Yesu le:

Baru lela nɛ Jɔn kute na 8:3 ပူးပေါင်းရင်းမြစ်များ

Ezikɛl 16:38

Kejimbri be kasogberge beeŋ ba fo so ŋkpal kubojuaji nɛ basa be kemɔ so. Meeŋ nya agbo ga nseŋ ta luwu ŋ gberge fo kusoe.

Ezikɛl 23:45

Ama kachako benyɛn lela na beeŋ ji beche anyɔ ere demu ŋ kaŋɛ fanɛ b wora n jija nseŋ daga kubojuaji nɛ basa be kemɔ be kasogberge, ŋkpal manɛ so, b ji kubojua nɛ ŋklaŋ malɛ gbiti bumo be enɔana.”

Nɔmbɛs 15:33

Nɛ b keta mo m ba Mosis nɛ Ɛɛrɔn nɛ Israɛlebi kikɛ be anishito.

Matiu 2:4

Ndoŋ nna nɛ Ewura Hɛrɔd tre bɔrɛmatapowuraana na nɛ mbraŋinipoana na kikɛ m ba shɛr m bishi bumo le: “Nnɛ nɛ baaŋ kurge Ebɔrɛ be esa laraso Kristo na?”

Baru lela nɛ Jɔn kute na 8:2

Kare ka bee chɛ nɛ e naŋ ba bɔrɛlambu na to nɛ basa na kikɛ shɛr ŋ kulti mo nɛ e kilgi n chena a ŋini bumo abɔrɛsheŋ.

Baru lela nɛ Jɔn kute na 8:4

“Eŋinipo, b pɛ kache ere kesakalea to nna geeŋ.

Baru lela nɛ Jɔn kute na 8:9

Yesu ka kaŋɛ loŋ na nɛ bumo nɛ b nu na fara a yɔ kukoko to. Benimu e daŋ fara loŋ hale nɛ Yesu nawule ya ka nɛ kache na malɛ kraa yil ndoŋ.

Baru lela nɛ Jɔn kute na 9:13

Ndoŋ nna nɛ b keta kanyɛn nɛ e daŋ tan na n yɔ Efarisiana na be anishito.

Ashuŋ Shunso 4:7

Ndoŋ nna nɛ b bar beshuŋipo na m ba shin nɛ b yili bumo be anishito nɛ b bishi bumo: “Nuso nɛ men wora n chɛ bobinyɛn na? Eleŋ mo nɛ men kɔ ŋko wanɛ be ketre nɛ men ta n wora kumo?”

Romebi 7:3

Amoso, nɛ mo kul na kraa wɔ ŋkpa to nɛ e ya kil enyɛn pɔtɛ, e ki bojua. Ama nɛ mo kul na baŋ wu bre, kumo ere mbra sa ekpa fanɛ e naŋ kil, e maŋ ki bojua.