Baru lela nɛ Jɔn kute na 8:24 - EBƆRƐ BE KAWƆL

²⁴ Amoso nɛ ŋ kaŋɛ menyi fanɛ menyeeŋ wu menyi be alubi to na. Menyi alɛ baa maŋ yirda fanɛ ma e la esa nɛ ŋ kaŋɛ fanɛ n la ere, menyeeŋ wu menyi be alubi to.”

Baru lela nɛ Jɔn kute na 8:24 ပူးပေါင်းရင်းမြစ်များ

Ɛksodɔs 3:14

Nɛ Ebɔrɛ kaŋɛ Mosis le: “Kaŋɛ bumo fanɛ ma ketre e la: ‘Ma Nɛ N La Ma Na.’ Amoso kusɔ nɛ feeŋ ya kaŋɛ Israɛlebi na e la fanɛ: ‘Ma Nɛ N La Na’ e shuŋi ma menyi kutɔ.”

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Matiu 24:5

Ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la Ebɔrɛ be esa laraso Kristo na,’ nseŋ fule basa damta.

Maak 13:6

Ŋkpal manɛ so, basa damta beeŋ ba kaa kɔ ma ketre a na a kaŋɛ: ‘Ma e la mo!’ Nseŋ fule basa damta.

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

Luuk 21:8

Nɛ e kaŋɛ bumo le: “Men baa da so nɛ esa kikɛ e sa maŋ fule menyi, ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la mo!’ ŋko ‘Jemanɛ na fo!’ Men sa maŋ bɛ bumo so.

Baru lela nɛ Jɔn kute na 13:19

Mee kaŋɛ menyi nna na a yili pɔɛŋ nɛ k ba wora, saŋɛ na so, nɛ k ba wora, menyeeŋ pin fanɛ ma e la Esa nɛ e bee ba na.

Baru lela nɛ Jɔn kute na 3:18

Esa kama malɛ nɛ e yirda mo, Ebɔrɛ maaŋ ji mo demu, ama emo nɛ e maŋ yirda mo bre, Ebɔrɛ teŋ ji mo demu, ŋkpal e ka maŋ yirda Ebɔrɛ Pibinyɛn koŋwule na so.

Baru lela nɛ Jɔn kute na 3:36

Esa kama nɛ e yirda Ebinyɛn na kɔ ŋkpa nɛ k maŋ kɔ ekar na, ama esa kama nɛ e kini Ebinyɛn na, maaŋ wu ŋkpa na, ama Ebɔrɛ be agbo e naaŋ baa wɔ mo so.

Baru lela nɛ Jɔn kute na 4:26

Ndoŋ nna nɛ Yesu kaŋɛ: “Ma nɛ mee malga fo kutɔ ere e la mo na.”

Baru lela nɛ Jɔn kute na 8:21

Kede be kaman nɛ Yesu naŋ lɔŋɛ ŋ kaŋɛ bumo: “Meeŋ yɔ nɛ menyi e fin ma ŋ gben nseŋ wu menyi be alubi to. Kakpa nɛ ma ere bee yɔ na, menyi maaŋ tiŋ n yɔ ndoŋ.”

Baru lela nɛ Jɔn kute na 8:25

Ndoŋ nna nɛ b bishi mo: “Nɛ wanɛ e la fo bre?” Nɛ Yesu kaŋɛ bumo: “Kumo nɛ m baa wɔtɔ a kaŋɛ menyi sososo na kikɛ na.

Baru lela nɛ Jɔn kute na 8:28

Amoso, le nɛ Yesu daŋ kaŋɛ bumo: “Men kaŋ maŋ ma, Nyiŋgbasa Pibinyɛn so m mata kedibi so na, menyeeŋ pin esa nɛ ŋ kaŋɛ fanɛ n la ere, kumo alɛ be saŋɛ na so nɛ menyeeŋ pin fanɛ m maa wora shɛŋ ma kumu so, asɔ nɛ Etuto na bee ŋini ma nawule nɛ mee malga.

Baru lela nɛ Jɔn kute na 8:58

Nɛ Yesu kaŋɛ bumo: “Ma e kaŋɛ menyi kashenteŋto na fanɛ pɔɛŋ nɛ b kurge Eebraham nɛ n wɔtɔ.”

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.