Baru lela nɛ Jɔn kute na 8:20 - EBƆRƐ BE KAWƆL

²⁰ Bɔrɛlambu na to be kakpa nɛ k mata kaboŋ nɛ baa yili amansherbi be edekana na nɛ Yesu daŋ yili ŋ ŋini asheŋ ere kikɛ, ama esa kikɛ daa maŋ pɛ mo, ŋkpal manɛ so, mbe saŋɛ daa maŋ naŋ fo.

Baru lela nɛ Jɔn kute na 8:20 ပူးပေါင်းရင်းမြစ်များ

1 Kronikɛls 9:26

B daŋ ta ebuana nɛ a wɔ bɔrɛlambu na to na nɛ ekpanjawu nɛ a wɔ kumo to na kikɛ be kushuŋ nna n sa mbunakenipoana be benimu ana nɛ b la Livaiebi na nna.

Matiu 26:55

Jemanɛ na so nɛ Yesu bishi jimaŋ na le: “Men ta etokobi nɛ mprɛ nna m ba nɛ men ba pɛ ma fanɛ eyu a? Ma nɛ menyi e daa la bɔrɛlambu na to kachɛ kama nɛ mee ŋini abɔrɛsheŋ na, ama men maŋ pɛ ma.

Matiu 27:6

Nɛ bɔrɛmatapowuraana na tise amansherbi na nseŋ kaŋɛ: “To, mbra na maa shuli fanɛ b ta le be amansherbi ere n wɔtɔ bɔrɛlambu to be amansherbi be deka na to, ŋkpal manɛ so, ŋklaŋ be amansherbi nna.”

Maak 12:41

Yesu ka chena m mata bɔrɛlambu na be amansherbi be deka ase nɛ e pɛshɛ kananɛ basa bee ta amansherbi a wɔtɔ deka na to. Damawura damta daa ta amansherbi damta a wɔtɔ.

Maak 12:43

Ndoŋ nna nɛ e tre mbe bebɛsopo m ba shɛr ŋ kaŋɛ: “Ma e kaŋɛ menyi na fanɛ ekulpoche tirpo ere wɔtɔ amansherbi ga ashi amansherbi be deka na to a chɔ bumo nɛ b ka amansherbi na kikɛ.

Luuk 20:19

Mbraŋinipoana na nɛ bɔrɛmatapowuraana na ka pin fanɛ bumo nɛ Yesu bɔ keŋasa na nɛ b wora ania a fin kananɛ baaŋ wora m pɛ mo epul na kikɛ to.

Luuk 21:1

Yesu ka wu kananɛ damawuraana bee ta bumo be kakɛ a wɔtɔ amansherbi be deka na to na

Baru lela nɛ Jɔn kute na 10:39

Ndoŋ nna nɛ b naŋ wora ania a sha kepɛ mo nɛ e gelge n lar bumo to n choŋ.

Baru lela nɛ Jɔn kute na 2:4

Nɛ Yesu kaŋɛ: “Kache manɛ, fee sha keŋini ma asheŋ be kewora nna a? Ma saŋɛ maŋ naŋ fo.”

Baru lela nɛ Jɔn kute na 7:14

Kejigboŋ na to be asheŋ woraso na daŋ kraa wɔ nferinto nna a yɔ nɛ Yesu koso n yɔ bɔrɛlambu na to n ya fara a ŋini basa abɔrɛsheŋ.

Baru lela nɛ Jɔn kute na 7:30

E ka malga le ere nɛ b yɛlga kepɛ mo ndoŋ, ama esa kama maŋ tiŋ n ta enɔ m beta mo, ŋkpal manɛ so, mbe saŋɛ daa maŋ naŋ fo.

Baru lela nɛ Jɔn kute na 7:44

Beko daa sha kepɛ mo m mɔ, ama esa kikɛ daa maŋ ta enɔ m beta mo.

Baru lela nɛ Jɔn kute na 7:8

Men baa yɔ Kejigboŋ be nshɛr na to. Ma ere maa yɔ, ŋkpal manɛ so, ma saŋɛ maŋ naŋ fo.”

Baru lela nɛ Jɔn kute na 8:2

Kare ka bee chɛ nɛ e naŋ ba bɔrɛlambu na to nɛ basa na kikɛ shɛr ŋ kulti mo nɛ e kilgi n chena a ŋini bumo abɔrɛsheŋ.

Baru lela nɛ Jɔn kute na 8:59

E ka malga le ere nɛ b ta ajembu nɛ b kpa mo nɛ e ŋana mbe kumu nseŋ bɔl basa na to n lar bɔrɛlambu na to.