Baru lela nɛ Jɔn kute na 8:12 - EBƆRƐ BE KAWƆL

¹² Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Baru lela nɛ Jɔn kute na 8:12 ပူးပေါင်းရင်းမြစ်များ

Job be kawɔl 33:28

nseŋ sɔ anyi n yige ashi luwu to nɛ an kraa wɔ ŋkpa to.”

Nshɛ 18:28

Fo Enyɛnpe Ebɔrɛ na e naa ŋini ma kefulto be ekpa, nsaa ta tentembiri a ki kefulto a sa ma.

Nshɛ 49:19

Ama an kikɛ beeŋ ya tu an nananyɛnana, nsaa maaŋ naŋ wu karechɛ be kefulto kikɛ.

Nshɛ 97:11

Kefulto bee nyaŋɛ a yuu basa niŋiso so nna, nɛ ŋgbenefufulwuraana malɛ bee nya kagbenefuli.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Aizaaya 9:2

Basa nɛ baa nite tentembiri to na wu kefultogboŋ ko. Kumo e la kebaanyi Ebɔrɛ na. Kefultogboŋ na lar nna n fulto n yuu ekama nɛ e wɔ kasawule nɛ k la luwu be tentembiri mina na so so.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Matiu 5:14

Men la fanɛ kefulto nna durnya ere to. Kadegboŋ kama nɛ k chena kebee so maa ŋana kikɛ.

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Baru lela nɛ Jɔn kute na 12:35

Nɛ Yesu kaŋɛ bumo: “Kefulto na maaŋ naŋ chɛr menyi kutɔ. Amoso, men ka kraa kɔ kumo menyi to ere bre, men baa na kumo to, saŋɛ na so, tentembiri maaŋ luri menyi to. Esa kama nɛ e na tentembiri to maa pin kakpa nɛ e bee yɔ.

Baru lela nɛ Jɔn kute na 12:36

Men ka kraa kɔ kefulto ere bre, men ta menyi be yirda n wɔtɔ kumo to, saŋɛ na so menyeeŋ baa la kefulto be basa.” E ka malga n loge nɛ e lar basa na to n ya ŋana.

Baru lela nɛ Jɔn kute na 12:46

M ba durnya to nna fanɛ kefulto na, saŋɛ na so, ekama nɛ e yirda ma, maaŋ shir a wɔ tentembiri to.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 3:19

Ekpa nɛ demu be keji na beeŋ bɔla so nde fanɛ: Kefulto na ba durnya ere to, ama ŋkpal basa be ashuŋ shunso ka lubi so, baa sha tentembiri a chɔ kefulto na.

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Baru lela nɛ Jɔn kute na 9:5

Ŋ ka kraa wɔ durnya to ere bre, ma e la durnya ere be kefulto.”

Ashuŋ Shunso 13:47

Ŋkpal manɛ so, le be mbra nɛ Enyɛnpe sa anyi: ‘Fo nɛ n lara nɛ fo baa la kefulto a sa nnyamase. Fo so nɛ Ebɔrɛ beeŋ bɔla m mɔlga durnya kikɛ.’ ”

Ashuŋ Shunso 26:23

Kumo e la fanɛ, a daga fanɛ Kristo na e ji awurfoŋ nseŋ wu n juŋkpar ekama n tiŋi luwu to ŋ ŋini Juwebi nɛ nnyamase fanɛ baaŋ tiŋ n nya kumɔlga, kumo alɛ e la kefulto bumo kutɔ.”

2 Pita 2:17

Le be basa ere du fanɛ abombi nɛ a maŋ kɔ nchu nna ŋko kenyɔlɔ nna nɛ afugboŋ bee kpata a yɔ. Ebɔrɛ kɔ tentembiri nna le mina a jo bumo.

2 Pita 2:4

Ŋkpal manɛ so, nɛ Ebɔrɛ maŋ yige emalaika mo nɛ b daŋ wora alubi na gba nseŋ daŋ yɛra bumo kemaŋ nɛ baa tre abis to na nɛ b ya kaa kɔ bumo to tentembiri to mina a jo demujiachɛ na,

1 Jɔn 1:6

To, nɛ anyee kaŋɛ fanɛ anyi nɛ Ebɔrɛ kɔ kɔnɔkoŋwule be kebaawɔtɔ nsaa na tentembiri to, efɛ nɛ anyee ku na, anyi alɛ nsaa maŋ naa wɔ kashenteŋ be kebaawɔtɔ to.

Juud 1:13

B du fanɛ teku so be atili lubi nna a shin nɛ bumo be anishinyɔr bee kaa fanɛ atili na be eyurpi. Bumo alɛ naa du fanɛ achɛkpabi mo nɛ a bee tia a tia ashi amo be mboŋana nna. Ebɔrɛ malɛ lɔŋɛ kakpa nna n yili bumo nɛ b ya kaa wɔ ndoŋ mbaanaayɔ ashi tentembiri mina to.

Juud 1:6

Men baa nyiŋi emalaika mo nɛ b daa maŋ shuli a wɔ kakpa nɛ Ebɔrɛ daa sha fanɛ b baa wɔ na be asheŋ. B daŋ shile ndoŋ nna ŋkpal k ka daa maŋ bɔlɔ bumo kenishi so. Naniere b ta ŋgbɛlɛbi mo nɛ esa maaŋ tiŋ n tuge kikɛ nna ŋ kre bumo n wɔtɔ tentembiri be kakpa a jo kachɛgboŋ mo nɛ Ebɔrɛ beeŋ ji bumo demu na.

Kelaraŋŋini 21:24

Kumo be kefulto nɛ efuliana so ebi beeŋ wu n nite nɛ kasawule ere so be bewurgboŋana e bar bumo be kemaŋkura kumo to.