Baru lela nɛ Jɔn kute na 7:7 - EBƆRƐ BE KAWƆL

⁷ Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Baru lela nɛ Jɔn kute na 7:7 ပူးပေါင်းရင်းမြစ်များ

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

1 Bewura 22:8

Nɛ ewura Ahab kaŋɛ le: “Ekoŋwule ko kraa wɔtɔ nɛ anyeeŋ tiŋ n wu mo, mo e la Imla pibinyɛn Mikaya ama ŋ kishi mbe asheŋ ga ŋkpal manɛ so kusɔ kama nɛ e wu ŋ kaŋɛ ma maa walɛ.” Nɛ Jehoshafat kaŋɛ: “Sa maŋ kaŋ kaŋɛ loŋ!”

Nshɛ 109:5

Kulubi nɛ baa ta a ka ma kelela be kukɔ, nsaa ta yurkishi a tal ma kasha to.

Aŋasa 15:12

Esa nɛ e bee wora basa eyurto kikɛ maa sha keŋini, amoso mo alɛ maaŋ yɔ enyiashempo kutɔ n ya fin kasotoji.

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Aizaaya 29:21

Ebɔrɛ beeŋ mur bekama nɛ baa ku efɛ a jija beko be atre, nɛ bumo nɛ baa kuŋ belubiworapo ashi kasogberge to na. E beeŋ mur bekama nɛ baa ku efɛ demujikpa a shin nɛ basa nɛ baa ji kashenteŋ maa nya kashenteŋ na gba.

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Jɛremaya 20:8

Jemanɛ kikɛ nɛ k daga fanɛ m malga, kemur nɛ luwu be asheŋ nɛ mee malga. Enyɛnpe Ebɔrɛ, fo kubɔya nɛ mee bɔ na bee bar ma katege nɛ etɔrɔ nawule nna.

Levitikɔs 13:10

nɛ e mige mo to ŋ keni nɛnɛ. Nɛ k la kuchuu n fuli to nɛ kumo to be afuibi fuli nɛ k bee lar nchu nna,

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Luuk 6:26

Menyi nɛ basa bee chɔrɔ na, asheŋ maaŋ ba nyalɛ n sa menyi, ŋkpal manɛ so, loŋ be kechɔrɔ gbagba chap nɛ bumo nanaana chɔrɔ anebi fɛpoana na.

Baru lela nɛ Jɔn kute na 17:14

N ta fo kamalga nna n sa bumo nɛ durnya ere e kishi bumo ŋkpal b ka maŋ wɔ durnya ere be basa to na so fanɛ kananɛ m maŋ wɔ durnya ere be basa to na.

Baru lela nɛ Jɔn kute na 3:19

Ekpa nɛ demu be keji na beeŋ bɔla so nde fanɛ: Kefulto na ba durnya ere to, ama ŋkpal basa be ashuŋ shunso ka lubi so, baa sha tentembiri a chɔ kefulto na.

Romebi 8:7

Amoso, nyiŋgbasa baŋ shin nɛ kapɔr lubi ere wɔ mbe nfɛra, kumo ere e ki Ebɔrɛ mo doŋ nna na, ŋkpal manɛ so, e maa nu a sa Ebɔrɛ be mbra na. Kashenteŋto, e baŋ maaŋ tiŋ n nu n sa kumo nna gba kuraa.

Galeeshaebi 4:16

To, naniere bre ŋ ki men doŋ nna ŋkpal ŋ ka ji menyi kashenteŋ so ŋko?

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

1 Jɔn 4:5

Durnya ere to be basa e la bumo, amoso, durnya ere to be mmalga nɛ baa malga nɛ durnya ere to ebi malɛ bee nu bumo be mmalga na.