Baru lela nɛ Jɔn kute na 7:39 - EBƆRƐ BE KAWƆL

³⁹ Yesu daŋ malga le nna a ŋini Kiyoyu nɛ bumo nɛ baaŋ yirda mo na beeŋ ba nya kachako na be asheŋ. Amo be saŋɛ na so malɛ kikɛ nɛ b maŋ naŋ shin nɛ Kiyoyu na ba, ŋkpal manɛ so, saŋɛ na so b maŋ naŋ maŋ Yesu so n sa mo kemaŋkura.

Baru lela nɛ Jɔn kute na 7:39 ပူးပေါင်းရင်းမြစ်များ

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Aŋasa 1:23

Fo daa nu ma kefiɛ so nna, ndafanɛ meeŋ sa fo kasotoji lela nseŋ bugi kagbene n ŋini fo kusɔ nɛ n nyi.

Aizaaya 12:3

Kananɛ esa nɛ achukoŋ kɔ be kagbene bee fuli nchu wushiso so na, aloŋ nɛ Ebɔrɛ be basa be ŋgbene bee fuli bumo jemanɛ nɛ e bee mɔlga bumo na.”

Aizaaya 32:15

Ama Ebɔrɛ kraa beeŋ naŋ sa anyi mbe kiyoyu. Nsawule pɔso na beeŋ naŋ ki nsawule lela nɛ a kɔ eleŋ nɛ adɔsawule e wora adɔjibi nɛnɛ ga.

Aizaaya 44:3

Meeŋ shin nɛ kasawule nɛ k wɔl a baŋɛ ŋ ki mbombi e shile kumo so. Meeŋ shin nɛ ma kiyoyu e gbelge menyi be mbia so nɛ ma nɛfa e ba menyi be kaman to ebi so.

Jowɛl 2:28

Nɛ Ebɔrɛ naŋ kaŋɛ le: “Ade kikɛ be kaman, meeŋ shin nɛ ma kiyoyu e ba ekama so nɛ men be mbinyɛnsobi nɛ mbichesobi e fara a bɔ ma kubɔya na nɛ men be benyɛnnimubiana e ba ku edare nɛ men be mbrantiɛbi e baa ku bɔrɛdare.

Matiu 16:14

Nɛ b kaŋɛ mo: “Beko bee tre fo Jɔn kabɔrɛbɛrpo nna. Beko malɛ bee kaŋɛ fanɛ anebi Elaija e la fo nɛ beko malɛ bee tre fo anebi Jɛremaya ŋko anebi ko.”

Matiu 21:11

Nɛ jimaŋ na kaŋɛ bumo le: “Nazarɛt nɛ k wɔ Galili be kasawule so be anebi nɛ baa tre Yesu na nna.”

Luuk 24:49

Meeŋ shin nɛ n Tuto be kɔnɔ naseso be kakɛ e ba menyi so. Amoso, men baa wɔ kade ere to hale nɛ eleŋ e ya shi esoso m ba buu menyi.”

Luuk 3:16

Nɛ Jɔn kaŋɛ bumo kikɛ le: “Nchu nɛ ma ere kɔ a bɛr menyi kabɔrɛbɛr, ama emo nɛ e wɔ ma kaman a ba na beeŋ shin nɛ Kiyoyu Cheeŋ na nɛ edɛ e gbelge menyi so. E chɔ ma ga hale m maŋ fo mbe aya to be shishɛr gba so.

Luuk 7:16

Kufu daŋ pɛ ekama ga nɛ bumo kikɛ di Ebɔrɛ epaŋ ŋ kaŋɛ: “Esa nɛ e chɔ Anebi gboŋ ba anyi to,” nseŋ naŋ kaŋɛ: “Ebɔrɛ ba nɛ e ba mɔlga mbe basa.”

Baru lela nɛ Jɔn kute na 1:21

Ndoŋ nna nɛ b naŋ bishi mo: “To, nɛ nuso be esa e la fo? Anebi Elaija e la fo a?” Nɛ Jɔn kaŋɛ: “Ayai, mannɛ anebi Elaija e la ma.” Nɛ b naŋ bishi mo le: “Anebi nɛ e bee ba na e la fo a?” Nɛ Jɔn yɛ: “Ayai.”

Baru lela nɛ Jɔn kute na 1:25

“Fo yɛ fo maŋ la Mesaya na ŋko anebi Elaija ŋko anebi nɛ e bee ba na. To, nɛ manɛ e ba nɛ fee bɛr basa kabɔrɛbɛr?”

Baru lela nɛ Jɔn kute na 1:33

Nɛ fanɛ esa nɛ e shuŋi ma fanɛ m ba ta nchu m bɛr basa kabɔrɛbɛr na daa maŋ ŋini ma mo, ma alɛ gba daa maaŋ pin mo. Le nɛ e daŋ kaŋɛ ma: ‘Esa nɛ feeŋ wu Kiyoyu Cheeŋ na ka beeŋ ba gbelge mo so n shir a wɔ mo to na e la esa nɛ e beeŋ shin nɛ Kiyoyu Cheeŋ na e gbelge basa so.’

Baru lela nɛ Jɔn kute na 12:16

Saŋɛ nɛ asheŋ ere wora na mbe bebɛsopo na daa maŋ pin amo to she saŋɛ nɛ Yesu ba nya mbe kemaŋkura na pɔɛŋ nɛ k ba bumo be nfɛra to fanɛ asheŋ nɛ a daŋ wora na kikɛ daa dese abɔrɛsibɛ na to a kute mbe asheŋ nseŋ naŋ nyiŋi fanɛ b wora mo asheŋ na kikɛ nyam.

Baru lela nɛ Jɔn kute na 12:23

Nɛ Yesu kaŋɛ bumo le: “Naniere bre jemanɛ nɛ ma, Nyiŋgbasa Pibinyɛn beeŋ nya kemaŋkura na fo.

Baru lela nɛ Jɔn kute na 14:13

Kusɔ kama malɛ nɛ men ta ma ketre na ŋ kule, meeŋ wora kumo, saŋɛ na so ma, Ebinyɛn na beeŋ bar Etuto na kemaŋkura.

Baru lela nɛ Jɔn kute na 14:26

Ama Echɛtopo na, mo e la Kiyoyu Cheeŋ nɛ n Tuto beeŋ shuŋi ma ketre to na kaŋ ba, e beeŋ ŋini menyi kusɔ kama nseŋ nyiŋi menyi asɔ nɛ ŋ kaŋɛ menyi kikɛ.

Baru lela nɛ Jɔn kute na 16:14

E beeŋ bar ma kemaŋkura, ŋkpal manɛ so, e beeŋ ta asɔ nɛ ŋ kɔ nɛ ŋ kaŋɛ menyi na m malga n sa menyi.

Baru lela nɛ Jɔn kute na 16:7

Kashenteŋ malɛ nɛ mee kaŋɛ menyi na fanɛ menyi be kechɛto so nɛ mee yɔ na, ŋkpal manɛ so, nɛ m baa maŋ yɔ, Echɛtopo na maaŋ ba menyi kutɔ. Ama nɛ m baŋ yɔ bre, meeŋ shuŋi mo nɛ e ba menyi kutɔ.

Baru lela nɛ Jɔn kute na 17:1

Yesu ka malga asheŋ ere n loge nɛ e maŋ kumu so ŋ keni ebɔrɛso nseŋ kule Ebɔrɛ ŋ kaŋɛ: “Etuto, saŋɛ na fo. Maŋkura ma, fo Pibinyɛn na nɛ ma, fo Pibinyɛn na malɛ e maŋkura fo.

Baru lela nɛ Jɔn kute na 17:5

To, naniere, n Tuto, ta kemaŋkura nɛ n daa kɔ fo kutɔ pɔɛŋ nɛ durnya jɔŋɛ na m maŋkura ma fo anishito naniere.”

Baru lela nɛ Jɔn kute na 20:22

Kede be kaman nɛ e gberge afu n wɔtɔ bumo so nseŋ kaŋɛ le: “Men sɔ Kiyoyu Cheeŋ na.”

Baru lela nɛ Jɔn kute na 6:14

Basa na ka wu mamachi be kesheŋ nɛ e daŋ wora na nɛ b fara a kaŋɛ: “Kashenteŋto, Anebi mo nɛ e beeŋ ba durnya ere to na nna na.”

Baru lela nɛ Jɔn kute na 7:12

Jimaŋ na to be bedamta daŋ baa wɔtɔ nna a kuli a malga mbe asheŋ. Beko yɛ: “Esa lela nna.” Nɛ beko malɛ kaŋɛ: “Ayai, e bee fule basa nna.”

Baru lela nɛ Jɔn kute na 8:54

Nɛ Yesu kaŋɛ bumo le: “Nɛ m baa maŋkura ma kumu, kumo ere ma kemaŋkura na maŋ kɔ kifi, ama n Tuto nɛ menyee tre menyi be Ebɔrɛ na e la esa nɛ e bee maŋkura ma.

Ashuŋ Shunso 19:2

Ndoŋ nɛ e ya tu beyirdapo ko m bishi bumo: “Men ka ki beyirdapo, Kiyoyu Cheeŋ na gbelge menyi so a?” Nɛ b kaŋɛ: “Anyi ere maŋ nu fanɛ Kiyoyu Cheeŋ ko malɛ wɔtɔ gba.”

Ashuŋ Shunso 2:17

‘Le nɛ meeŋ wora lalaloge be nchɛ na to: Meeŋ shin nɛ ma Kiyoyu e ba basa kikɛ to. Menyi be mbrantiɛbi beeŋ ku bɔrɛdareana nɛ menyi be benyɛnnimu e ku abɔrɛsheŋ be edareana nɛ menyi be mbinyɛnbi nɛ mbichebi e wu abɔrɛsheŋ ŋ kaŋɛ.

Ashuŋ Shunso 2:33

Ebɔrɛ shin nɛ e tiŋi luwu to n ya chena mbe jisoso, ebunyampo be kakpa nseŋ shin nɛ e nya Kiyoyu Cheeŋ nɛ Etuto na nase kɔnɔ fanɛ e beeŋ sa na. Asɔ nɛ menyee wu nsaa nu naniere malɛ kikɛ la mbe kakɛ nna.

Ashuŋ Shunso 2:38

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Ashuŋ Shunso 2:4

Nɛ Kiyoyu Cheeŋ na ba bɔlɔ bumo kikɛ to nɛ b fara a gbar ŋgbar nɛ bumo gbagba maa nu kanaŋkamaso nɛ Kiyoyu na daŋ shin nɛ b malga.

Ashuŋ Shunso 3:13

An nananyɛnana Eebraham nɛ Aizek nɛ Jeekɔb nɛ anyi be kanaŋ to ebi kikɛ be Ebɔrɛ na e sa mbe Kenya Yesu kemaŋkura. Mo nɛ men daŋ ta m bɔɔ belempo enɔ nseŋ kini mo Pailat be anishito, saŋɛ nɛ Pailat gbagba daa sha keyige mo na.

Ashuŋ Shunso 4:31

B ka loge bumo be kabɔrɛkule na nɛ bumo be nshɛrkpa na kikɛ fara a gbuŋgbuŋ to nɛ Kiyoyu Cheeŋ na luri m bɔlɔ bumo kikɛ to nɛ b fara a bɔ Ebɔrɛ be kubɔya na kenyɛnso a sa basa.

Romebi 8:9

Ama naniere bre, mannɛ asɔ nɛ menyi be kapɔr lubiana bee ŋini menyi na to nɛ men wɔ, asɔ nɛ Kiyoyu Cheeŋ na bee ŋini menyi na to nɛ men wɔ nɛ Ebɔrɛ be Kiyoyu na baa wɔ menyi to nna na, ŋkpal manɛ so, esa kama nɛ e maŋ kɔ Kristo be Kiyoyu na maŋ la Kristo na peya.

2 Kɔrintebi 3:8

To, nɛ mbra ere be kushuŋ nɛ k bee bar luwu na ka kɔ le be kemaŋkura ere, Kiyoyu na be kushuŋ maaŋ baa kɔ kemaŋkura a chɔ loŋ a?

Ɛfesesebi 4:30

Menyi alɛ e sa maa jija Ebɔrɛ be Kiyoyu Cheeŋ nɛ Ebɔrɛ ta n dulgi menyi n yili kesɔnyigeachɛ na.