Baru lela nɛ Jɔn kute na 7:37 - EBƆRƐ BE KAWƆL

³⁷ Kejigboŋ na be nshɛr na be lalaloge be kachɛ, kumo be kachɛgboŋ na ka fo nɛ Yesu niŋi to n yili ŋ kaŋɛ awɔrso: “Esa kama nɛ achukoŋ kɔ mo, e ba ŋ kutɔ m ba nuu.

Baru lela nɛ Jɔn kute na 7:37 ပူးပေါင်းရင်းမြစ်များ

Nehemaya 8:18

Baŋ yili kachɛ nɛ b fara kachɛgboŋ na be keji n ya fo kumo be kachɛ shunusopo na, Ɛzra daa kraŋ mbra be kawɔl na nna a sa basa na karechɛ kikɛ. Kachɛ burwasopo na nɛ ekama gama abar so nɛ b bunyaŋ Ebɔrɛ, fanɛ kananɛ mbra na ŋini na.

Nshɛ 143:6

M maŋ ma enɔana so ashi kabɔrɛkule to a shoŋi fo nna, Kananɛ kasawule wɔlso bee sha nchu na nɛ ma kiyoyu gba bee shu a fin fo.

Nshɛ 42:2

Kananɛ achukoŋ bee pɛ esa nɛ e bee fin nchu na, aloŋ nɛ mee fin fo Enyɛnpe Ebɔrɛ na ashi ma kagbene to. Saŋɛ mo nɛ meeŋ wu fo?

Nshɛ 63:1

Enyɛnpe, fo e la ma Ebɔrɛ. Mee fin fo ma kagbene to kashenteŋto; fanɛ kananɛ meeŋ pere kenishi n fin nchu ketarso kpantaŋkpalaŋ ashi keshishɛrsawule so na.

Aŋasa 1:20

Men nu nfe, kanyiasheŋ e wɔ agbembi so nɛ kebɛ to a tre awɔrso na.

Aŋasa 8:1

Nu nfe, kanyiasheŋ e naa tre na. Lakal e naa kaŋɛ awɔrso fanɛ fo nu n sa mo na.

Aŋasa 8:17

Mee sha bumo nɛ baa sha ma nna. Esa kama nɛ e bee fin ma kenishipereso beeŋ wu ma.

Aŋasa 8:3

Kade be kabunagboŋ nɛ baa bɔla a luri kade to na ase nɛ k wɔ a tre a kaŋɛ:

Aŋasa 9:3

Nseŋ shuŋi mbe mbita fanɛ b ya yili kade be mboŋ jeŋgreŋ m ponte n tre basa ŋ kaŋɛ:

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Aizaaya 12:3

Kananɛ esa nɛ achukoŋ kɔ be kagbene bee fuli nchu wushiso so na, aloŋ nɛ Ebɔrɛ be basa be ŋgbene bee fuli bumo jemanɛ nɛ e bee mɔlga bumo na.”

Aizaaya 40:2

Meeŋ leŋ Jerusalɛm be basa to. Kaŋɛ bumo fanɛ b ji awurfoŋ n chɛr ga. Naniere b nya bumo be alubi be ketampaŋ. N tiŋ ŋ gberge bumo kusoe ga ŋkpal bumo be alubi so.”

Aizaaya 40:6

Esa ko daŋ kaŋɛ ma fanɛ m ponte awɔrso, nɛ m bishi mo le: “N ponte ŋ kaŋɛ manɛ?” Nɛ e yɛ: “Ponte ŋ kaŋɛ awɔrso fanɛ edimɛdi kikɛ du fanɛ afitiri nna; b maa chɛr kebaawɔtɔ to fanɛ kananɛ atoto maa chɛr nsaa chɔɔ a mur ashi kupuŋ to na.

Aizaaya 44:3

Meeŋ shin nɛ kasawule nɛ k wɔl a baŋɛ ŋ ki mbombi e shile kumo so. Meeŋ shin nɛ ma kiyoyu e gbelge menyi be mbia so nɛ ma nɛfa e ba menyi be kaman to ebi so.

Aizaaya 55:1

Enyɛnpe Ebɔrɛ yɛ: “Ekama nɛ achukoŋ kɔ mo e ba nuu nchu! Ekama nɛ e maŋ kɔ amansherbi gba e ba tɔ ajibi n ji! Men ba tɔ yabra nɛ kenyipochu n nuu nsaa maŋ ka shɛŋ!

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 58:1

Enyɛnpe Ebɔrɛ yɛ: “Boŋ to awɔrso ga ŋ kaŋɛ ma basa Israɛlebi na bumo be alubi be asheŋ!

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Ezikɛl 47:9

Kaplɛkama nɛ nchu na beeŋ shile m bɔla, asɔbɔya nɛ ekɔrɔtɔ be yiri yiri beeŋ ba ndoŋ, ŋkpal manɛ so kabombi na beeŋ bar ŋkpa nɛ nchu nɛ e walɛ kenuu m ba wɔtɔ Teku Wuso na to.

Levitikɔs 23:36

Nchɛnshunu na kikɛ to menyeeŋ baa lara esargajibi karechɛ kikɛ. Kachɛ burwasopo na nɛ men shɛr m bunyaŋ Enyɛnpe Ebɔrɛ na nseŋ lara sargajibi n sa mo, ŋkpal manɛ so, k la kabɔrɛshuŋ be kachɛ nna nɛ a maŋ daga fanɛ men shuŋ shɛŋ.

Levitikɔs 23:39

Jemanɛ kikɛ nɛ men dɔ n teŋi, men ji Abuu to be Kachɛgboŋ ere m bunyaŋ Enyɛnpe Ebɔrɛ na. Menyeeŋ fara kufɔl shunusopo na be kachɛ kuduanusopo na n ji kumo nchɛnshunu. Kachɛ sososo na la kewushiachɛ nna nɛ kachɛ burwasopo na gba la kewushiachɛ.

Maika 6:9

Nu nfe! Enyɛnpe Ebɔrɛ na bee kela a shoŋi Jerusalɛm be kadegboŋ na to ebi. E yɛ: “Men baa de kuwurkpabi na, nɛ esa nɛ e kɔ kumo to a ba na so.

Zakareya 9:15

Enyɛnpetale Ebɔrɛ na beeŋ baa kuŋ mbe basa, nɛ b kɔ m pɔɔ bumo doŋana so m mur bumo. Baaŋ baa wora awɔr kena to fanɛ basa boo so nseŋ shin nɛ ŋklaŋ e lar bumo doŋana be eyurana so a shile fanɛ kananɛ bɔrɛmatapo bee chulgi sarga be asɔbɔya be ŋklaŋ a wurge bɔrɛsure na so na.

Nɔmbɛs 29:35

Kachɛ burwasopo na nɛ men shɛr abar so m bunyaŋ Ebɔrɛ. Menyi alɛ e sa maŋ kaŋ shuŋ loŋ be kachɛ.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Matiu 3:3

Jɔn be asheŋ nɛ anebi Aizaaya daŋ malga saŋɛ nɛ e daŋ kaŋɛ le na: “Esa ko bee ponte kiyi to a kaŋɛ le: ‘Men lɔŋɛ Enyɛnpe be ekpa niŋiso n sa mo nɛ e bɔla so.’ ”

Matiu 5:6

Kagbenefuli la bekama nɛ alelasheŋ be kebaawɔtɔ bee yɛlga bumo nsaa pere bumo kenishi na peya nna, ŋkpal manɛ so, baaŋ ba nya kumo kanaŋkamaso nɛ baa sha.

Baru lela nɛ Jɔn kute na 1:23

Nɛ Jɔn ta anebi Aizaaya be mmalga ŋ kaŋɛ bumo le: “Ma e la esa nɛ mbe ebɔl bee ponte ashi kiyi to a kaŋɛ fanɛ: ‘Men lɔŋɛ Enyɛnpe be ekpa niŋiso n sa mo nɛ e bɔla so na.’ ”

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 4:11

Ndoŋ nna nɛ kache na bishi mo: “To, Ebunyampo, fo maŋ kɔ shɛŋ nfe nɛ fo jɔ nchu ketirbu ere to, ketirbu ere malɛ wɔ nchiŋ nna nɛ nnɛ nɛ feeŋ nya nchu nɛ a bee sa ŋkpa na?

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 5:40

Ama menyi alɛ maa sha keba ŋ kutɔ m ba nya ŋkpa na.

Baru lela nɛ Jɔn kute na 6:35

Nɛ Yesu kaŋɛ bumo: “Ma e la loŋ be bodobodo nɛ k bee sa ŋkpa na. Ekama nɛ e ba ŋ kutɔ, akoŋ maaŋ pɛ mo kikɛ nɛ ekama nɛ e yirda ma, achukoŋ malɛ maaŋ pɛ mo.

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Baru lela nɛ Jɔn kute na 6:55

ŋkpal manɛ so, ma eyur ere la ajibi gbagba nna nɛ ma ŋklaŋ malɛ la asɔnuuso gbagba.

Baru lela nɛ Jɔn kute na 7:28

Saŋɛ na nɛ Yesu kraa ŋini abɔrɛsheŋ ashi bɔrɛlambu na to nseŋ ba kaŋɛ awɔrso le: “Kashenteŋ nna nɛ men nyi ma nsaa nyi kakpa nɛ n shi. Ama mannɛ ŋ gbagba be kumu so so nɛ n wɔ nfe, esa nɛ e shuŋi ma na la Kashenteŋwura nna. Men maŋ nyi mo.

1 Kɔrintebi 10:21

Men maaŋ tiŋ n nuu asɔnuuso ashi Enyɛnpe be kawiebi na to nseŋ naŋ tiŋ n nuu alizinaana peya to. Men maaŋ tiŋ n nya kakpa n chena Enyɛnpe be ejikpa n ji nseŋ naŋ nya kakpa n chena alizinaana be ejikpa n ji.

1 Kɔrintebi 10:4

nseŋ daŋ nuu asɔnuuso koŋwule mo nɛ a daŋ shi Ebɔrɛ kutɔ na. Kefalta mo nɛ kumo nɛ bumo daa na na kutɔ nɛ b daŋ nuu amo. Kefalta na e la Kristo na.

1 Kɔrintebi 11:25

B ka ji n loge nɛ e ta kawiebi na malɛ n wora kananɛ e daŋ wora na ŋ kaŋɛ: “Kawiebi ere e la Ebɔrɛ nɛ dimɛdi be ŋkre popɔr ŋkpal ma ŋklaŋ so na. Men baa wora loŋ saŋkikɛ nɛ menyee nuu asɔrso be asɔnuuso ashi kumo to na a nyiŋi ma.”

1 Kɔrintebi 12:13

Ŋkpal manɛ so, Kiyoyu koŋwule na e shin nɛ anyi kikɛ, Juwebi ŋko Griikebi, anya ŋko bumo nɛ b wɔ bumo be amu kikɛ nyam bɔla kabɔrɛbɛr so ŋ ki eyur koŋwule to ebi nyam nɛ anyi kikɛ ba nya Kiyoyu koŋwule na.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

Kelaraŋŋini 21:6

Nɛ e naŋ kaŋɛ: “K teŋ wora. Ma e la Alfa nɛ Omega, Faraŋko nɛ Lalaloge. Ekama nɛ achukoŋ kɔ mo, meeŋ jɔ nchu ashi ŋkpa be kebuye to n sa mo nɛ e nuu ŋkaa maaŋ ka shɛŋ.

Kelaraŋŋini 22:1

Malaika na daŋ ŋini ma ŋkpa be lɔr be nchu gba nɛ a bee wu to fanɛ abɔrɛjembubi ashi Ebɔrɛ nɛ Kpakpafɔlbi be kuwurputiakpa

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.