Baru lela nɛ Jɔn kute na 7:28 - EBƆRƐ BE KAWƆL

²⁸ Saŋɛ na nɛ Yesu kraa ŋini abɔrɛsheŋ ashi bɔrɛlambu na to nseŋ ba kaŋɛ awɔrso le: “Kashenteŋ nna nɛ men nyi ma nsaa nyi kakpa nɛ n shi. Ama mannɛ ŋ gbagba be kumu so so nɛ n wɔ nfe, esa nɛ e shuŋi ma na la Kashenteŋwura nna. Men maŋ nyi mo.

Baru lela nɛ Jɔn kute na 7:28 ပူးပေါင်းရင်းမြစ်များ

Nshɛ 9:10

Bumo nɛ b nyi fo na beeŋ ta bumo be yirda n deŋi fo so; Ŋkpal manɛ so, fo Enyɛnpe Ebɔrɛ na maŋ naŋ pal kama n sa bekama nɛ baa fin fo kikɛ.

Jɛremaya 31:34

Bumo be ekama maaŋ naŋ ŋini mo barkasa kananɛ e beeŋ wora m pin Enyɛnpe Ebɔrɛ na, ŋkpal manɛ so, bumo be bewura nɛ bebɔlpo kikɛ beeŋ pin ma nsaa wora ma kasonu. Ma alɛ beeŋ ta bumo be alubi m paŋ bumo nsaa maaŋ naŋ nyiŋi amo kikɛ. Ma, Enyɛnpe Ebɔrɛ e kaŋɛ na.”

Jɛremaya 9:6

Ekama baa wɔtɔ nna a puni mo barkasa a ji nna. Ekama malɛ maa shuli so fanɛ ma e la Ebɔrɛ.

Hoziya 4:1

Enyɛnpe Ebɔrɛ na yɛ ma nɛ basa nɛ b wɔ kasawule ere so kikɛ kɔ asheŋ nɛ an ji. Israɛlebi, men loto n nu kusɔ nɛ Enyɛnpe Ebɔrɛ na bee kaŋɛ. E yɛ: “Kashenteŋji nɛ kasha maŋ naa wɔ kasawule ere so nɛ basa malɛ maŋ naa fɛ Ebɔrɛ be asheŋ.

Hoziya 5:4

Kulubi nɛ basa na wora na e shin nɛ b maaŋ naŋ tiŋ m bɛta m ba bumo be Ebɔrɛ kutɔ. Ŋkpal saŋkama be kesakalea nɛ baa ji na so b maŋ naa fɛ ma asheŋ.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Matiu 2:23

amoso, Galili be kasawule so nɛ e daŋ ya chena, kade ko to nɛ baa tre Nazarɛt. Loŋ daŋ wora nna nɛ kusɔ nɛ anebiana na daŋ kaŋɛ na e bɔla ekpa. B yɛ: “Baaŋ ba kaa tre mo Nazarin na.”

Matiu 26:55

Jemanɛ na so nɛ Yesu bishi jimaŋ na le: “Men ta etokobi nɛ mprɛ nna m ba nɛ men ba pɛ ma fanɛ eyu a? Ma nɛ menyi e daa la bɔrɛlambu na to kachɛ kama nɛ mee ŋini abɔrɛsheŋ na, ama men maŋ pɛ ma.

Luuk 10:22

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.”

Luuk 2:11

Kabre be kachɛ ere b kurge men be Emɔlgapo Kristo Enyɛnpe ashi Deevid be kade to.

Luuk 2:39

Josɛf nɛ Mɛɛri ka wora asɔ nɛ Enyɛnpe be mbra bee ŋini na n loge nɛ b bɛta n yɔ bumo be kade to Nazarɛt ashi Galili be efuli so.

Luuk 2:4

Nɛ Josɛf malɛ gba lar Nazarɛt, Galili be efuli so n yɔ Judiya be efuli so be kade ko to nɛ baa tre Bɛtlɛhɛm, kakpa nɛ b kurge Ewura Deevid na. Josɛf daŋ yɔ ndoŋ nna ŋkpal e ka daŋ shi Deevid be kanaŋ to so.

Luuk 2:51

Amo be kaman nɛ mo nɛ bumo bɛta n yɔ Nazarɛt nɛ e ya kaa wɔtɔ a nu a sa bumo. Nɛ mo nio ta asheŋ ere kikɛ n wɔtɔ mbe kagbene to a wɔtɔ.

Baru lela nɛ Jɔn kute na 1:46

Ndoŋ nna nɛ Nataniɛl bishi mo: “Fo kaŋɛ Nazarɛt? Kusɔ lela mo malɛ e naaŋ shi Nazarɛt be kade to?” Ndoŋ nna nɛ Filip kaŋɛ: “Ba keni.”

Baru lela nɛ Jɔn kute na 10:36

manɛ e ba nɛ menyee kaŋɛ ma, esa nɛ Etuto na gbagba lara n yili a sa mbe kumu nseŋ shuŋi durnya ere to na, fanɛ mee malga nna a gbiti Ebɔrɛ ŋkpal ŋ ka kaŋɛ fanɛ ma e la Ebɔrɛ Pibinyɛn na so?

Baru lela nɛ Jɔn kute na 12:49

Ŋkpal manɛ so, mannɛ ŋ gbagba be eleŋ to so nɛ m malga, Etuto nɛ e shuŋi ma na e nase kusɔ nɛ meeŋ kaŋɛ nɛ kananɛ meeŋ kaŋɛ kumo n sa ma.

Baru lela nɛ Jɔn kute na 14:10

Fo maŋ nyi fanɛ n wɔ Etuto na to nna nɛ Etuto na malɛ gba wɔ ma to a? Men baa nyi fanɛ mmalga nɛ mee malga ere maŋ la ŋ gbagba peya, Etuto nɛ e wɔ ma to na e naa shuŋ mbe kushuŋ.

Baru lela nɛ Jɔn kute na 14:31

E maŋ kɔ eleŋ ma so, ama a daga durnya ere ka pin fanɛ mee sha Etuto na, amoso nɛ mee wora kusɔ nɛ e bee kaŋɛ ma kikɛ na. Men niŋi to nɛ an koso nfe n choŋ.”

Baru lela nɛ Jɔn kute na 16:3

Bumo alɛ beeŋ wora loŋ nna ŋkpal b ka maŋ nyi Etuto ŋko ma so.

Baru lela nɛ Jɔn kute na 17:25

Etuto nɛ e la Elelapo, kashenteŋ nna fanɛ durnya ere to ebi maŋ nyi fo, ama ma ere nyi fo nɛ bede malɛ gba nyi fanɛ fo e shuŋi ma.

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

Baru lela nɛ Jɔn kute na 3:2

Kachako kiidiso nɛ e yɔ Yesu kutɔ n ya kaŋɛ mo le: “Rabai, mamachi be asheŋ nɛ fee wora ere e shin nɛ an pin fanɛ fo ka la eŋinipo nɛ e shi Ebɔrɛ kutɔ m ba, ŋkpal manɛ so, nɛ Ebɔrɛ maŋ wɔ esa to, e maaŋ tiŋ n wora asɔ nɛ fee wora ere.”

Baru lela nɛ Jɔn kute na 3:33

Esa kama malɛ nɛ e sɔ loŋ be shɛda na gbagba bee ji shɛda nna fanɛ Ebɔrɛ ka la kashenteŋ be Ebɔrɛ.

Baru lela nɛ Jɔn kute na 5:32

Ama esa pɔtɛ ko wɔtɔ a ji ma shɛda a sa basa nɛ ma alɛ nyi amodoŋwura be loŋ be shɛda na ka bɔla ekpa.

Baru lela nɛ Jɔn kute na 5:43

N Tuto be ketre nɛ n ta m ba nɛ men kini ma na, ama nɛ esa pɔtɛ ko baŋ ta mo gbagba be eleŋ m ba, menyeeŋ sɔ amodoŋwura na.

Baru lela nɛ Jɔn kute na 6:42

B yɛ: “Mannɛ mo e la Yesu, Josɛf pibi na a? To, an nyi mo tuto nɛ mo nio nɛ a ji nuso nna nɛ e bee kaŋɛ mbe kumu fanɛ: ‘Ebɔrɛso nɛ n shi m ba?’ ”

Baru lela nɛ Jɔn kute na 7:14

Kejigboŋ na to be asheŋ woraso na daŋ kraa wɔ nferinto nna a yɔ nɛ Yesu koso n yɔ bɔrɛlambu na to n ya fara a ŋini basa abɔrɛsheŋ.

Baru lela nɛ Jɔn kute na 8:14

Nɛ Yesu kaŋɛ bumo: “Hale nɛ n ji ma kumu so be shɛda gba, asɔ nɛ mee malga ere kɔ kashenteŋ, ŋkpal manɛ so, n nyi kakpa nɛ n shi m ba nseŋ naa nyi kakpa nɛ mee yɔ, ama menyi ere maŋ nyi kakpa nɛ n shi m ba nɛ kakpa nɛ mee yɔ.

Baru lela nɛ Jɔn kute na 8:16

Hale nɛ n ji esa demu gba, ma demuji daa beeŋ baa kɔ ekpa, ŋkpal manɛ so, mannɛ n nawule nna, ma nɛ Etuto nɛ e shuŋi ma na nna.

Baru lela nɛ Jɔn kute na 8:19

Ndoŋ nna nɛ basa na bishi mo: “Nnɛ nɛ fo tuto wɔ?” Nɛ Yesu kaŋɛ bumo: “Men maŋ nyi ma, menyi alɛ maŋ nyi n Tuto gba. Men daa nyi ma nna, men daa beeŋ baa nyi n Tuto gba.”

Baru lela nɛ Jɔn kute na 8:26

Asɔ damta wɔtɔ nɛ n yili amo so m malga menyi be asheŋ nseŋ ji menyi demu, ama esa nɛ e shuŋi ma na la Kashenteŋjipo nna. Ma alɛ, kusɔ nɛ mee nu ashi mo kutɔ nɛ mee ta a kaŋɛ durnya.”

Baru lela nɛ Jɔn kute na 8:42

Nɛ Yesu kaŋɛ bumo: “Nɛ Ebɔrɛ daa la men tuto nna, men daa beeŋ baa sha ma asheŋ, ŋkpal manɛ so, Ebɔrɛ kutɔ nɛ n shi m ba kaa wɔ nfe naniere na, m maŋ ba ŋ gbagba be kumu so. Mo e shuŋi ma.

Baru lela nɛ Jɔn kute na 9:29

An nyi Ebɔrɛ ka malga n sa Mosis, ama kanyɛn ere bre, anyi maŋ nyi kakpa nɛ e shi gba.”

Ashuŋ Shunso 17:23

Ŋkpal manɛ so, ŋ ka nite menyi be kade ere to nseŋ wu asɔ nɛ menyee bunyaŋ, n wu bɔrɛsure ko nɛ b sibɛ kumo so: ‘Ebɔrɛ nɛ b maŋ nyi peya.’ Kusɔ nɛ menyee bunyaŋ nsaa maa nyi na be asheŋ nɛ m baa kaŋɛ menyi naniere na.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Romebi 3:4

Kaarɛ fanɛ loŋ e tiŋ n wora. Nɛ nyiŋgbasa bre la efɛpo, Ebɔrɛ bre la kashenteŋjipo nna saŋkama fanɛ kananɛ abɔrɛsibɛ na bee kaŋɛ na. A yɛ: “Fo mmalga to e naa ŋini fo ka kɔ kashenteŋ, fo alɛ beeŋ baa ji a lar fo edemu to.”

2 Kɔrintebi 1:18

Kananɛ Ebɔrɛ maa chɛrga kɔnɔ na, loŋ koŋwule na nɛ anyi alɛ gba be kamalga maŋ la mm nɛ m-m be kamalga.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

1 Jɔn 5:10

Esa kama malɛ nɛ e yirda Ebɔrɛ Pibinyɛn na kɔ loŋ be shɛda na mbe kagbene to. Ama ekama nɛ e maŋ yirda Ebɔrɛ ta mo Ebɔrɛ na ŋ ki efɛpo nna na ŋkpal amodoŋwura na ka maŋ yirda shɛda mo nɛ e bee ji mo Pibinyɛn na be asheŋ na so.

1 Samuɛl 2:12

Eli be mbinyɛnsobi na daa la basa lubi nna nsaa maa nu a sa Ebɔrɛ,