Baru lela nɛ Jɔn kute na 7:23 - EBƆRƐ BE KAWƆL

²³ To, nɛ menyee tiŋ a ku menyi be mbia atutu kewushiachɛ na, saŋɛ na so men maaŋ tɔr Mosis be mbra na, manɛ e ba nɛ menyee nya agbo a wora ma ŋkpal ŋ ka chɛ esa lelemu na kewushiachɛ so?

Baru lela nɛ Jɔn kute na 7:23 ပူးပေါင်းရင်းမြစ်များ

Ɛksodɔs 31:14

Men baa bɛ loŋ be kewushiachɛ na be daŋkare so nsaa ta kumo fanɛ kachɛ cheembi. A daga b ka mɔ esa kama nɛ e kini kebɛ kumo so nseŋ shuŋ kumo be kamɔnchɛ.

Matiu 12:10

Nɛ kanyɛn ko malɛ kɔ enɔ wuso a wɔ ndoŋ. Basa ko malɛ gba daa wɔ ndoŋ a fin ekpa nɛ b wu Yesu kulubi, amoso, le nɛ b daŋ bishi mo: “Anyi be mbra na bee shuli fanɛ b chɛ esa kewushiachɛ a?”

Matiu 12:2

Efarisiana na ka wu loŋ nɛ b kaŋɛ Yesu: “Keni, fo bebɛsopo bee wora kusɔ nɛ anyi be mbra na bee kishi kewushiachɛ nna na.”

Matiu 12:5

Anebi Mosis be mbra na gba bee kaŋɛ fanɛ kewushiachɛ kikɛ bɔrɛmatapoana na bee wora nna a da kewushiachɛ be mbra na so ashi bɔrɛlambu na to, ama kumo alɛ be kulubi maa bɛ bumo so. Men maŋ naŋ kraŋ kumo a?

Baru lela nɛ Jɔn kute na 5:10

Amo be kamɔnchɛ malɛ daa la kewushiachɛ nna, amoso, Juwebi be benimu na ka wu kanyɛn na nɛ b kaŋɛ mo le: “Kabre la kewushiachɛ nna. Anyi be mbra na malɛ maa sa ekpa fanɛ fo di fo kelaŋ a na.”

Baru lela nɛ Jɔn kute na 7:21

Nɛ Yesu kaŋɛ bumo: “Men keni, n wora mamachi be kesheŋ koŋwule nɛ k chinchiŋ menyi ga.

Baru lela nɛ Jɔn kute na 9:16

Ndoŋ nna nɛ Efarisiana na be beko kaŋɛ: “Kanyɛn na maŋ shi Ebɔrɛ kutɔ kashenteŋto, ŋkpal manɛ so, e maa bɛ kewushiachɛ be mbra na so.” Ndoŋ nna nɛ beko malɛ kaŋɛ: “Nuso nɛ alubipo bee wora a wora le be emamachi be asheŋ ere?” Ŋkpal le so kebarga to daŋ ba bumo to nna.