Baru lela nɛ Jɔn kute na 7:14 - EBƆRƐ BE KAWƆL

¹⁴ Kejigboŋ na to be asheŋ woraso na daŋ kraa wɔ nferinto nna a yɔ nɛ Yesu koso n yɔ bɔrɛlambu na to n ya fara a ŋini basa abɔrɛsheŋ.

Baru lela nɛ Jɔn kute na 7:14 ပူးပေါင်းရင်းမြစ်များ

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Nɔmbɛs 29:17

Kachɛ nyɔsopo na, men ta egbolu fɔlbi nɛ a maŋ kɔ ndulgi kuduanyɔ nɛ ekpakpa nɛ a maŋ kɔ ndulgi anyɔ nɛ nfɛ koko be ekpakpafɔlbi nɛ a maŋ kɔ ndulgi kuduana n lara sarga.

Nɔmbɛs 29:20

Kachɛ sasopo na men ta egbolu fɔlbi kudukako nɛ ekpakpa anyɔ nɛ nfɛ koko be ekpakpafɔlbi kuduana n lara sarga.

Matiu 21:12

Nɛ Yesu ya luri Ebɔrɛ be lambu na to n fara a ju bekama nɛ b daa tɔ nɛ bumo nɛ b daa fa asɔ bɔrɛlambu na to be kelɔnɛ so na kikɛ. E daŋ melgi bumo nɛ b daa chɛr amansherbi na be eteebɔl nɛ alifapoana be mbɛ nna m buu

Matiu 26:55

Jemanɛ na so nɛ Yesu bishi jimaŋ na le: “Men ta etokobi nɛ mprɛ nna m ba nɛ men ba pɛ ma fanɛ eyu a? Ma nɛ menyi e daa la bɔrɛlambu na to kachɛ kama nɛ mee ŋini abɔrɛsheŋ na, ama men maŋ pɛ ma.

Luuk 19:47

Ade be kaman nɛ e wɔtɔ a yɔ bɔrɛlambu na to kachɛ kama n ya kaa ŋini basa abɔrɛsheŋ. Ndoŋ nna nɛ bɔrɛmatapowuraana na nɛ mbraŋinipoana na nɛ kade na to be benimuana fara a fin kananɛ baaŋ wora m mɔ mo.

Baru lela nɛ Jɔn kute na 18:20

Nɛ Yesu kaŋɛ mo: “N daa bugi to a malga nna a sa ekama. Nshɛrbuana na to ŋko bɔrɛlambu na to, kakpa nɛ Juwebi kikɛ bee kaa shɛr na nɛ n daa malga saŋkikɛ, n daa maa malga shɛŋ wulo to kikɛ.

Baru lela nɛ Jɔn kute na 5:14

Saŋko ba choŋ nna pɔɛŋ nɛ Yesu ya wu mo bɔrɛlambu na to be kelɔnɛ so nseŋ kaŋɛ mo le: “Keni, fo naŋ nya alenfia nna na, yige alubi be kebaawora. Nɛ mannɛ aloŋ, kusɔ nɛ k lubi a chɔ fo kulɔ na beeŋ nya fo.”

Baru lela nɛ Jɔn kute na 7:2

Ama Juwebi be daŋkare so be nshɛr nɛ baa tre Abuu to be Kebaawɔ be kejigboŋ na be jemanɛ na ka ba kaa fo

Baru lela nɛ Jɔn kute na 7:28

Saŋɛ na nɛ Yesu kraa ŋini abɔrɛsheŋ ashi bɔrɛlambu na to nseŋ ba kaŋɛ awɔrso le: “Kashenteŋ nna nɛ men nyi ma nsaa nyi kakpa nɛ n shi. Ama mannɛ ŋ gbagba be kumu so so nɛ n wɔ nfe, esa nɛ e shuŋi ma na la Kashenteŋwura nna. Men maŋ nyi mo.

Baru lela nɛ Jɔn kute na 7:37

Kejigboŋ na be nshɛr na be lalaloge be kachɛ, kumo be kachɛgboŋ na ka fo nɛ Yesu niŋi to n yili ŋ kaŋɛ awɔrso: “Esa kama nɛ achukoŋ kɔ mo, e ba ŋ kutɔ m ba nuu.

Baru lela nɛ Jɔn kute na 8:2

Kare ka bee chɛ nɛ e naŋ ba bɔrɛlambu na to nɛ basa na kikɛ shɛr ŋ kulti mo nɛ e kilgi n chena a ŋini bumo abɔrɛsheŋ.

Baru lela nɛ Jɔn kute na 8:20

Bɔrɛlambu na to be kakpa nɛ k mata kaboŋ nɛ baa yili amansherbi be edekana na nɛ Yesu daŋ yili ŋ ŋini asheŋ ere kikɛ, ama esa kikɛ daa maŋ pɛ mo, ŋkpal manɛ so, mbe saŋɛ daa maŋ naŋ fo.