Baru lela nɛ Jɔn kute na 6:68 - EBƆRƐ BE KAWƆL

⁶⁸ Ndoŋ nna nɛ Saimɔn Pita kaŋɛ mo: “Enyɛnpe, fo e kɔ ŋkpa nɛ k maŋ kɔ ekar na be mmalga.

Baru lela nɛ Jɔn kute na 6:68 ပူးပေါင်းရင်းမြစ်များ

Nshɛ 73:25

M maŋ naa kɔ esa kikɛ ebɔrɛso n naŋ ti fo so. Ŋ ka baa kɔ fo ere, m maŋ naa sha shɛŋ durnya ere to.

Matiu 16:16

Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Maak 8:29

Nɛ Yesu bishi bumo: “Nɛ menyi alɛ ai? Esa mo nɛ menyee tre ma?” Nɛ Pita kaŋɛ: “Fo e la Kristo na.”

Luuk 9:20

Nɛ Yesu bishi bumo: “Nɛ menyi alɛ ai? Esa mo nɛ menyee tre ma?” Nɛ Pita kaŋɛ: “Fo e la Ebɔrɛ be Kristo na.”

Baru lela nɛ Jɔn kute na 12:49

Ŋkpal manɛ so, mannɛ ŋ gbagba be eleŋ to so nɛ m malga, Etuto nɛ e shuŋi ma na e nase kusɔ nɛ meeŋ kaŋɛ nɛ kananɛ meeŋ kaŋɛ kumo n sa ma.

Baru lela nɛ Jɔn kute na 12:50

N nyi mbe kamalga naseso ka bee bar ŋkpa nɛ k maŋ kɔ ekar na, amoso, kusɔ kama nɛ m malga baa la kusɔ nɛ Etuto na kaŋɛ fanɛ ŋ kaŋɛ nna.”

Baru lela nɛ Jɔn kute na 17:8

Ŋkpal manɛ so, n ta mmalga nɛ fo ta n sa ma na n sa bumo nɛ b sɔ. B pin geeŋ fanɛ fo kutɔ nɛ n shi, bumo alɛ nseŋ naŋ yirda fanɛ fo e shuŋi ma.

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Baru lela nɛ Jɔn kute na 6:40

Ŋkpal manɛ so, n Tuto be aparsheŋ e la fanɛ esa kama nɛ e wu ma, Nyiŋgbasa Pibinyɛn na nseŋ yirda, amodoŋwura beeŋ nya ŋkpa nɛ k maŋ kɔ ekar na nɛ n tiŋi mo ashi luwu to lalaloge be kachɛ na.”

Baru lela nɛ Jɔn kute na 6:63

Kiyoyu na bee sa ŋkpa nna, ama eyur ere bre maaŋ tiŋ n wora shɛŋ. Mmalga nɛ m malga n sa menyi ere e naa shin nɛ menyee nya Kiyoyu nɛ e bee sa ŋkpa na.

Ashuŋ Shunso 13:26

Ŋ kurgepoana, Eebraham mo nanabiana nɛ menyi nɛ men la nnyamase a wɔ nfe a bunyaŋ Ebɔrɛ ere kikɛ, anyi kikɛ nɛ b ta le be kumɔlga be kubɔya ere n sa.

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

Ashuŋ Shunso 5:20

“Men yɔ bɔrɛlambu na to n ya yili m bɔ kebaawɔtɔ popɔr ere be asheŋ kikɛ n sa basa.”

Ashuŋ Shunso 7:38

Mosis koŋwule na nɛ Israɛlebi nɛ b daŋ shɛr kiyi to na e daa la ndoŋ. Mo nɛ an nanaana nɛ malaika nɛ e daŋ malga mo kutɔ ashi Sainai be kebee na so e daa la. Mo nɛ Ebɔrɛ daŋ ta mbe kubɔya nɛ k maŋ kɔ ekar na n sa nɛ e ba sa anyi.

Ashuŋ Shunso 8:37

[Nɛ Filip kaŋɛ mo: “Fo baŋ yirda nɛ fo kagbene kikɛ, meeŋ bɛr fo kabɔrɛbɛr na.” Nɛ e shuli so ŋ kaŋɛ: “N yirda fanɛ Yesu Kristo e la Ebɔrɛ Pibinyɛn na.”]