Baru lela nɛ Jɔn kute na 6:30 - EBƆRƐ BE KAWƆL

³⁰ Ndoŋ nna nɛ b bishi mo: “To, nɛ nuso be mamachi be kesheŋ nɛ feeŋ wora n sa anyi nɛ an wu nseŋ yirda fo? Manɛ nɛ feeŋ wora?

Baru lela nɛ Jɔn kute na 6:30 ပူးပေါင်းရင်းမြစ်များ

1 Bewura 13:3

Kusɔ nɛ feeŋ ta m pin fanɛ Enyɛnpe Ebɔrɛ na e bɔla ma to a malga e la fanɛ: “bɔrɛsure ere beeŋ tɔr m bureto nɛ kumo be nsunɔ e franyaŋ to.”

1 Bewura 13:5

Nɛ bɔrɛsure na bureto nɛ kumo be nsunɔ na franyaŋ to fanɛ kananɛ anebi na kaŋɛ ashi Enyɛnpe Ebɔrɛ be ketre to na gbagba.

Ɛksodɔs 4:8

Kede be kaman nɛ Enyɛnpe Ebɔrɛ naŋ kaŋɛ mo: “Hale nɛ b maŋ yirda ŋko n ta bumo be nfɛra n yuu fo kusɔ nɛ fo juŋkpar n wora na gba so, baaŋ yirda kenyɔsopo ere bre.

Ɛksodɔs 7:9

“Nɛ ewura Fɛɛro ka baŋ kaŋɛ menyi le: ‘Men wora kemamachisheŋ ko nɛ k ŋini fanɛ kusɔ nɛ men kaŋɛ ere la kashenteŋ nna.’ Fo kaŋɛ Ɛɛrɔn le: ‘Ta fo kekpabi na n lɛ Fɛɛro be anishito, k beeŋ kilgi kuwɔ.’ ”

Aizaaya 5:19

Le nɛ menyee kaŋɛ: “Shin nɛ Enyɛnpe Ebɔrɛ na e nya manaŋ n wora kusɔ nɛ e yɛ e beeŋ wora na ai, saŋɛ na so anyeeŋ wu kumo. Shin nɛ Israɛl be Ebɔrɛ cheembi na e wora asheŋ nɛ e kre na ai; n shin nɛ an wu kusɔ nɛ k wɔ mbe nfɛra to.”

Maak 15:32

Men shin nɛ an keni Kristo, Israɛlebi be Ewura na ŋko e beeŋ tiŋ ŋ gbelge ashi kedibi largato na so m ba nɛ an yirda mo a.” Nɛ bumo nɛ b gbir m mata ndibi largatoana so n ti mo so na gba daŋ tege mo.

Maak 8:11

Kachako Efarisiana na be beko ba m ba fara a ji Yesu emɔrɔ. B daa sha kewora mo ŋ keni nna nseŋ kule mo fanɛ e wora mamachi be kesheŋ ko nɛ k shi ebɔrɛso.

Baru lela nɛ Jɔn kute na 10:38

Ama nɛ mee shuŋ mbe ashuŋ na nna nɛ men maŋ yirda ma gba, a daga fanɛ men yirda ashuŋ na bre, saŋɛ na so menyeeŋ pin fanɛ Etuto na wɔ ma to nɛ ma alɛ wɔ Etuto na to.”

Baru lela nɛ Jɔn kute na 12:37

Yesu daŋ wora emamachisheŋ damta ere kikɛ bumo be anishito, ama bumo alɛ daa maŋ yirda mo.

Baru lela nɛ Jɔn kute na 2:18

Asheŋ ere be kaman nɛ Juwebi be benimuana na ba bishi mo le be kesheŋ bishiso ere, b yɛ: “Manɛ be mamachi be kesheŋ nɛ fo kɔ nɛ fo wora ŋ ŋini anyi nɛ an pin ekpa nɛ fo kɔ a tiŋ a wora le be asheŋ ere kikɛ?”

Baru lela nɛ Jɔn kute na 4:8

Saŋɛ na so nɛ mbe bebɛsopo yɔ kade to nɛ b ya tɔ ajibi.

Baru lela nɛ Jɔn kute na 6:14

Basa na ka wu mamachi be kesheŋ nɛ e daŋ wora na nɛ b fara a kaŋɛ: “Kashenteŋto, Anebi mo nɛ e beeŋ ba durnya ere to na nna na.”

Baru lela nɛ Jɔn kute na 6:2

Ndoŋ nna nɛ jimaŋ damta ko muu m bɛ mo so ŋkpal kechɛ basa be alɔ be emamachisheŋ damta nɛ b daŋ wu e ka daa wora na so so.

Baru lela nɛ Jɔn kute na 6:36

Ama n teŋ kaŋɛ menyi kumo fanɛ men wu ma, ama menyi alɛ kraa maŋ yirda.

Ashuŋ Shunso 4:30

Ŋini fo eleŋ n chɛ belɔpo nseŋ naŋ shin nɛ an tiŋ m bɔla Yesu Kristo, fo Kenya na be ketre so n wora kashenteŋ be etɔɔnɛsheŋ nɛ emamachisheŋ.”

1 Kɔrintebi 1:22

Juwebi bee kaa sha kewu mamachi be etɔɔnɛsheŋ nna pɔɛŋ nseŋ yirda kubɔya na nɛ Griikebi malɛ bee keni a fin kanyiasheŋ kumo to pɔɛŋ nseŋ yirda.

Hibruwebi 2:4

Kumo alɛ be buushi, Ebɔrɛ gba bee bɔla etɔɔnɛsheŋ nɛ emamachisheŋ nɛ Ebɔrɛ be eleŋ be nnaŋ to be aworbi to nɛ Kiyoyu Cheeŋ na be ŋkɛana nɛ e bee chige to a sa basa ashi mo gbagba be keparso na to a ji shɛda fanɛ kumɔlga na la kashenteŋ nna.