Baru lela nɛ Jɔn kute na 6:29 - EBƆRƐ BE KAWƆL

²⁹ Nɛ Yesu kaŋɛ bumo le: “Ebɔrɛ be kushuŋ e la keyirda esa nɛ e shuŋi na.”

Baru lela nɛ Jɔn kute na 6:29 ပူးပေါင်းရင်းမြစ်များ

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

Baru lela nɛ Jɔn kute na 3:36

Esa kama nɛ e yirda Ebinyɛn na kɔ ŋkpa nɛ k maŋ kɔ ekar na, ama esa kama nɛ e kini Ebinyɛn na, maaŋ wu ŋkpa na, ama Ebɔrɛ be agbo e naaŋ baa wɔ mo so.

Baru lela nɛ Jɔn kute na 5:39

Menyi e naa kaa keni abɔrɛsibɛ na to nɛnɛ ŋkpal men ka bee fɛ fanɛ amo to nɛ menyeeŋ bɔla n nya ŋkpa nɛ k maŋ kɔ ekar na so, ama ma alɛ be asheŋ nɛ abɔrɛsibɛ na malɛ bee ji shɛda a kaŋɛ na.

Baru lela nɛ Jɔn kute na 6:28

Nɛ b bishi mo: “To, nɛ manɛ nɛ anyeeŋ wora n tiŋ n shuŋ Ebɔrɛ be ashuŋ?”

Baru lela nɛ Jɔn kute na 6:38

Ŋkpal manɛ so, n shi ebɔrɛso nna m ba nɛ m ba wora esa nɛ e shuŋi ma na be aparsheŋ, mannɛ ŋ gbagba be aparsheŋ so e shin nɛ m ba.

Baru lela nɛ Jɔn kute na 6:57

Kananɛ Etuto nɛ e bee sa ŋkpa na baŋ shuŋi ma nɛ n wɔ ŋkpa to ŋkpal Etuto na so na, loŋ koŋwule na nɛ esa kama nɛ e we ma eyur na malɛ gba beeŋ baa wɔ ŋkpa to ŋkpal ma so.

Ashuŋ Shunso 16:31

Nɛ b kaŋɛ mo: “Yirda Enyɛnpe Yesu Kristo nɛ fo nɛ fo laŋ to ebi e nya kumɔlga.”

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

Jeems 2:22

To, kede e naa ŋini fanɛ Eebraham be kebaawɔtɔ to yirda nɛ kumo be ashuŋ shunso e naa yɔ. E daŋ yirda Ebɔrɛ nseŋ daŋ naa wora alelasheŋ. Le malɛ be kebaawɔtɔ ere e naa ŋini e ka daŋ yirda Ebɔrɛ kashenteŋto.

1 Jɔn 3:23

Mbe kamalga naseso na malɛ nde fanɛ, a daga fanɛ an ka yirda mo Pibinyɛn Yesu Kristo be ketre na nsaa sha abar fanɛ kananɛ e yili anyi fanɛ an baa wora na.

1 Jɔn 5:1

Esa kama nɛ e yirda fanɛ Yesu e la Kristo na la Ebɔrɛ pibi nna nɛ ekama malɛ nɛ e bee sha esa nɛ e kurge ebi na beeŋ baa sha ebi na gba.

Kelaraŋŋini 2:26

Esa kama nɛ e kɔ m pɔɔ so ŋkaa kɔ ma aworbi na to n ya fo lalaloge na, meeŋ sa amodoŋwura eleŋ nɛ k bee ji efuliana so