Baru lela nɛ Jɔn kute na 6:27 - EBƆRƐ BE KAWƆL

²⁷ Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

Baru lela nɛ Jɔn kute na 6:27 ပူးပေါင်းရင်းမြစ်များ

Nshɛ 2:7

Nɛ ewura na kaŋɛ le: “Meeŋ bɔ kɔnɔ nɛ Enyɛnpe Ebɔrɛ na nase n sa ma na be kubɔya.” E yɛ: “Fo e la m pibinyɛn na; kabre, ŋ ki fo tuto.

Nshɛ 40:7

Amoso nɛ ŋ kaŋɛ fanɛ ma nde na. Meeŋ wora asheŋ nɛ b sibɛ n wɔtɔ fo mbra be kawɔl na to fanɛ m bɛ so na; Kumo e kaŋɛ le na:

Aŋasa 9:5

“Men ba ji ma ajibi nseŋ nu nsa belbelso nɛ n wora n yili na.

Kaŋinichiŋgeliŋ 6:7

Kegben nɛ anyee gben ere kikɛ, kusɔ nɛ anyeeŋ ji so nɛ anyee wora. Amo nɛ amo kikɛ anyi alɛ kra maa ji a moɛ.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Aizaaya 55:2

Manɛ nna nɛ menyee jija amansherbi asɔ nɛ a maŋ la ajibi so? Manɛ nna nɛ menyee shuŋ ga a fin asɔ nɛ a maaŋ chɛ menyi to? Men nu asɔ nɛ mee kaŋɛ menyi ere nseŋ wora amo nseŋ nya ajibi kikɛ to be alela n ji.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Habakuk 2:13

Efuliana nɛ men daŋ kɔ m pɔɔ so na be basa daŋ shuŋ ŋ gben jiga hale a bɛlɛ nna. Asɔ nɛ b gben m pɔr na kikɛ ji edɛ. Enyɛnpe Ebɔrɛ e shin nɛ loŋ wora na.

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Matiu 6:19

Men sa maa bela men be ekpanjawu a yili durnya ere to, ŋkpal manɛ so, elala beeŋ tiŋ n ji amo ŋko a beeŋ tiŋ ŋ ku edare ŋ kreŋ so n jija ŋko beyu beeŋ tiŋ n luri n yuri amo.

Matiu 8:20

Nɛ Yesu kaŋɛ mo: “Ejiŋkaamu kɔ abeelaŋ a di to nɛ mbuibi malɛ kɔ asha, ama ma, Nyiŋgbasa Pibinyɛn maŋ kɔ kakpa nɛ meeŋ dese n wushi.”

Maak 1:11

Nɛ ebɔl shi esoso ŋ kaŋɛ le: “Fo e la m Pibinyɛn shaso na. Ma kagbene fuli fo so ga.”

Maak 9:7

Nɛ kuwɔlpa ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nde, men baa nu mbe kɔnɔ.”

Luuk 3:22

nɛ Kiyoyu Cheeŋ na gbelge m ba mo so fanɛ lepɔ gbagba nɛ ebɔl shi ebɔrɛso ŋ kaŋɛ le: “Fo e la m Pibinyɛn shaso na. Ma kagbene fuli fo so ga.”

Luuk 9:35

Ndoŋ nna nɛ ebɔl shi kuwɔlpa na to ŋ kaŋɛ: “M Pibinyɛn nɛ n lara na nde, men baa nu mbe kɔnɔ!”

Baru lela nɛ Jɔn kute na 10:28

Mee sa bumo ŋkpa nɛ k maŋ kɔ ekar na nɛ b sa maŋ wu kikɛ. Esa kama malɛ maaŋ tiŋ n suge bumo ashi ma enɔ to.

Baru lela nɛ Jɔn kute na 11:42

N nyi fo ka bee nu ma kekule saŋkikɛ, ama ŋ kaŋɛ loŋ nna ŋkpal basa nɛ b yil nfe ere so nɛ b yirda fanɛ fo e shuŋi ma.”

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 15:24

Nɛ fanɛ n daa maŋ wora emamachisheŋ nɛ esa kikɛ maŋ naŋ wora ere bumo to nna, b daa maaŋ tɔr alubi be ntaŋ, ama naniere b wu emamachisheŋ ere kikɛ, bumo alɛ kraa kishi ma nɛ n Tuto na kikɛ.

Baru lela nɛ Jɔn kute na 17:2

Ŋkpal manɛ so, fo e daŋ sa ma eleŋ dimɛdi kikɛ so fanɛ n sa bekama nɛ fo ta m bɔɔ ma enɔ na kikɛ ŋkpa nɛ k maŋ kɔ ekar na.

Baru lela nɛ Jɔn kute na 3:15

Saŋɛ na so ekama nɛ e yirda mo beeŋ nya ŋkpa nɛ k maŋ kɔ ekar na.

Baru lela nɛ Jɔn kute na 3:33

Esa kama malɛ nɛ e sɔ loŋ be shɛda na gbagba bee ji shɛda nna fanɛ Ebɔrɛ ka la kashenteŋ be Ebɔrɛ.

Baru lela nɛ Jɔn kute na 6:40

Ŋkpal manɛ so, n Tuto be aparsheŋ e la fanɛ esa kama nɛ e wu ma, Nyiŋgbasa Pibinyɛn na nseŋ yirda, amodoŋwura beeŋ nya ŋkpa nɛ k maŋ kɔ ekar na nɛ n tiŋi mo ashi luwu to lalaloge be kachɛ na.”

Baru lela nɛ Jɔn kute na 6:47

Ma e kaŋɛ menyi kashenteŋto na fanɛ ekama nɛ e yirda ma kɔ ŋkpa nɛ k maŋ kɔ ekar na.

Baru lela nɛ Jɔn kute na 6:51

Ma e la bodobodo nɛ k bee sa ŋkpa n shi ebɔrɛso na. Esa kama nɛ e we le be bodobodo ere beeŋ baa wɔtɔ mbaanaayɔ. Bodobodo mo nɛ meeŋ ta n sa basa na e la ma eyur ere nɛ ŋ kɔ a sa durnya nɛ k nya ŋkpa na.”

Baru lela nɛ Jɔn kute na 6:53

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa maŋ we Nyiŋgbasa Pibinyɛn na be eyur na nseŋ nuu mbe ŋklaŋ na, men maaŋ nya ŋkpa.

Baru lela nɛ Jɔn kute na 6:54

Esa kama nɛ e bee we ma eyur na nsaa nuu ma ŋklaŋ na kɔ ŋkpa nɛ k maŋ kɔ ekar na. Ma alɛ beeŋ tiŋi mo ashi luwu to lalaloge be kachɛ na,

Baru lela nɛ Jɔn kute na 6:58

Bodobodo nɛ k shi ebɔrɛso m ba na nde. An nananyɛnana daŋ we manna nna, ama b wu. Ama esa kama nɛ e we le be bodobodo beeŋ baa wɔ ŋkpa to hale mbaanaayɔ.”

Baru lela nɛ Jɔn kute na 6:62

To, nɛ men daŋ wu ma, Nyiŋgbasa Pibinyɛn ka bɛta a yɔ ebɔrɛso, kakpa nɛ n daa wɔ na ai?

Baru lela nɛ Jɔn kute na 6:68

Ndoŋ nna nɛ Saimɔn Pita kaŋɛ mo: “Enyɛnpe, fo e kɔ ŋkpa nɛ k maŋ kɔ ekar na be mmalga.

Baru lela nɛ Jɔn kute na 8:18

Ŋ gbagba bee ji ma kumu so be shɛda nɛ Etuto nɛ e shuŋi ma na malɛ gba bee ji ma shɛda.”

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 2:22

Israɛlebi, men nu nfe, Ebɔrɛ ŋini menyi fanɛ Nazarɛt be Yesu na shi mo kutɔ nna, ŋkpal e ka bɔla Yesu na so n wora emamachisheŋ nɛ Ebɔrɛ be etɔɔnɛsheŋ nɛ asheŋ ŋiniso damta menyi be anishito nfe so. Menyi gbagba baa nyi amo be asheŋ.

Romebi 4:11

Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

1 Kɔrintebi 6:13

Esa ko malɛ beeŋ naŋ kaŋɛ le: “Ajibi e wɔ epun nɛ epun malɛ gba wɔ ajibi.” Kashenteŋ nna, ama baa nyiŋi fanɛ kachako Ebɔrɛ beeŋ mur amo kikɛ. A maŋ daga fanɛ dimɛdi e baa ta mbe eyur a wora kesakaleasheŋ, k daga fanɛ e baa ta kumo nna a shuŋ Enyɛnpe na nɛ Enyɛnpe na malɛ e baa shuŋ eyur na.

1 Kɔrintebi 9:2

Nɛ m maŋ la beko be eshuŋipo gba, emɔrɔ maŋ wɔtɔ fanɛ n la menyi alɛ be eshuŋipo. Ŋkpal manɛ so, menyi e la ma kebaa la eshuŋipo be tɔɔnɛ ashi Enyɛnpe na to.

2 Kɔrintebi 4:18

Ŋkpal manɛ so, anyi be nfɛra yuu asɔ nɛ esa maaŋ tiŋ n wu kenishiso na nna, mannɛ asɔ nɛ basa bee wu kenishiso. Kusɔ nɛ anishi malɛ bee wu maa chɛr ko, ama kusɔ nɛ basa maaŋ tiŋ n wu kenishiso bre wɔtɔ nna mbaanaayɔ.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Ditɛronɔmi 30:13

Amo alɛ maŋ naa wɔ teku be kaba ndoŋ nna nɛ men naŋ bishi fanɛ: “Wanɛ e naaŋ yɔ teku be kaba ndoŋ n ya bar amo m ba sa anyi nɛ an nu amo nseŋ wora amo kasonu?”

Filipaiebi 2:13

Ŋkpal manɛ so, Ebɔrɛ e wɔ menyi to a shuŋ saŋkikɛ a shin nɛ menyee sha Ebɔrɛ nsaa tiŋ a nu a sa mo gbagba be aparsheŋ.

Kɔlɔsiebi 1:29

Kede so nɛ m baa mɔ ma kumu a ta eleŋ nɛ Yesu Kristo bee sa ma a shuŋ na.

Kɔlɔsiebi 2:22

Kusɔ jiso kikɛ nɛ esa ji kumo, kumo be asheŋ baŋ loge nna na. Loŋ nɛ nyiŋgbasa be mbraana nɛ amo be keŋini gba du.

Kɔlɔsiebi 3:2

Men shin nɛ men be nfɛra e baa wɔ ebɔrɛso be asɔ so, men sa maŋ shin nɛ durnya ere to be asheŋ wurbi e baa wɔ men be nfɛra to.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

Hibruwebi 12:16

Men baa de so nɛ ekama e sa maŋ kaa kɔ kesakalea be kebaawɔtɔ ŋko a wɔtɔ a kplaŋ abɔrɛsheŋ so fanɛ kananɛ Isɔɔ daŋ kpal kejibi koŋwule pati so n ta mbe kenimu be nɛfa n fa na.

Hibruwebi 4:11

Amoso, men shin nɛ an wora ania ga n luri kewushi na to nɛ esa kama maaŋ ta kasomaanu m bɛ bedarapo na be aya so n foe ekpa.

Jeems 1:11

Epeŋi e naa kaa nyaŋɛ le nyaŋnyaŋ a chɔɔ keduuso nɛ k bee wɔl a jija kumo be atoto be kela nsaa gbete a tɔr. To, loŋ gbagba chap e naa wora damawura. E bee kaa wɔ mbe ashuŋ to nna nɛ luwu e ba tu mo.

1 Pita 1:24

Loŋ malɛ nɛ abɔrɛsibɛ na bee kaŋɛ fanɛ: “Basa kikɛ du fanɛ kefitiri nna nɛ bumo be kemaŋkura malɛ kikɛ du fanɛ kefitiri na be ketoto. Kefitiri na bee kaa wɔl nna nɛ ketoto na e chuge n tɔr,

2 Pita 1:17

Ebɔrɛ Etuto na daŋ sa mo bunyaŋ nɛ kemaŋkura na saŋɛ nɛ ebɔl na daŋ shi Kemaŋkuraana kikɛ to be kakpa m ba kaŋɛ le na: “Ŋ gbagba Pibinyɛn shaso nɛ ma kagbene fuli mo so nde.”