Baru lela nɛ Jɔn kute na 6:2 - EBƆRƐ BE KAWƆL

² Ndoŋ nna nɛ jimaŋ damta ko muu m bɛ mo so ŋkpal kechɛ basa be alɔ be emamachisheŋ damta nɛ b daŋ wu e ka daa wora na so so.

Baru lela nɛ Jɔn kute na 6:2 ပူးပေါင်းရင်းမြစ်များ

Matiu 12:15

Yesu ka pin bumo be jina na be asheŋ nɛ e lar ndoŋ nɛ basa damta ko bɛ mo so nɛ e chɛ bumo to be belɔpo kikɛ,

Matiu 13:2

Jimaŋ nɛ k daŋ shɛr ŋ kulti mo na daa shi ga nɛ e kpal loŋ so n luri ekuloŋ to n chena n ta aŋasa ŋ ŋini jimaŋ na asɔ damta. Saŋɛ na so nɛ bumo alɛ yil kedeŋi so.

Matiu 14:14

Yesu ka lar ekuloŋ na to nɛ e wu jimaŋ damta na nɛ bumo be asheŋ pɛ mo kuwɔr nɛ e chɛ bumo be belɔpo.

Matiu 8:1

Yesu ka shi kebee na so ŋ gbelge a ba nɛ jimaŋ damta ko bɛ mo so.

Maak 1:45

Ama kanyɛn na ya bugi demu na to ŋ kaŋɛ ekama. E malga demu na ga hale nɛ Yesu maŋ naŋ tiŋ m bugi to n luri kade kama to. Kupuŋ to chil nɛ e daa chena nɛ basa bee shi kaplɛkama a ba mo kutɔ.

Maak 6:33

Ama basa damta wu b ka bee yɔ m pin epul na to basa nɛ b la bumo, nɛ b lar nde na kikɛ to n shile aya fuful n daŋ Yesu nɛ mbe bebɛsopo keyɔ ndoŋ.

Baru lela nɛ Jɔn kute na 11:47

Ndoŋ nna nɛ Efarisiana na nɛ bɔrɛmatapowuraana na shɛr kɔɔtiebi nɛ b daa tre Sanhedrinebi na ŋ kaŋɛ: “Men keni emamachisheŋ damta nɛ kanyɛn ere bee wora ere, nuso nɛ anyeeŋ wora?

Baru lela nɛ Jɔn kute na 12:18

Basa damta na daŋ lar n yɔ mo kutɔ nna ŋkpal mamachi be kesheŋ nɛ b daŋ nu e ka daŋ wora na so.

Baru lela nɛ Jɔn kute na 12:37

Yesu daŋ wora emamachisheŋ damta ere kikɛ bumo be anishito, ama bumo alɛ daa maŋ yirda mo.

Baru lela nɛ Jɔn kute na 2:11

Le be mamachi be kesheŋ ere e daa la emamachisheŋ ana nɛ Yesu daŋ wora n wora ana na to be kejuŋkparso ashi Keena, Galili be efuli so. E daŋ wora loŋ nna ŋ ŋini kananɛ mbe kemaŋkura du nɛ mbe bebɛsopo wora mo yirda.

Baru lela nɛ Jɔn kute na 2:23

Yesu ka daa wɔ Jerusalɛm, Kebansonchoŋ be kejigboŋ be saŋɛ na, basa damta daŋ yirda mo nna ŋkpal emamachi be ashuŋ nɛ b daŋ wu e ka wora so.

Baru lela nɛ Jɔn kute na 20:30

Yesu daŋ wora emamachisheŋ damta mbe bebɛsopoana na be anishito nɛ b maŋ sibɛ amo n wɔtɔ kawɔl ere to.

Baru lela nɛ Jɔn kute na 3:2

Kachako kiidiso nɛ e yɔ Yesu kutɔ n ya kaŋɛ mo le: “Rabai, mamachi be asheŋ nɛ fee wora ere e shin nɛ an pin fanɛ fo ka la eŋinipo nɛ e shi Ebɔrɛ kutɔ m ba, ŋkpal manɛ so, nɛ Ebɔrɛ maŋ wɔ esa to, e maaŋ tiŋ n wora asɔ nɛ fee wora ere.”

Baru lela nɛ Jɔn kute na 6:14

Basa na ka wu mamachi be kesheŋ nɛ e daŋ wora na nɛ b fara a kaŋɛ: “Kashenteŋto, Anebi mo nɛ e beeŋ ba durnya ere to na nna na.”

Baru lela nɛ Jɔn kute na 6:22

Kumo be ŋklade nɛ jimaŋ nɛ b daŋ shir a wɔ kepagboŋ na be kaba ndoŋ na wu fanɛ ekuloŋ koŋwule e ka ndoŋ nseŋ naŋ pin fanɛ mannɛ Yesu nɛ mbe bebɛsopo e yɔ, bumo nawule e daŋ yɔ.

Baru lela nɛ Jɔn kute na 6:26

Nɛ Yesu kaŋɛ bumo le: “Ma e kaŋɛ menyi kashenteŋto na fanɛ, mannɛ emamachisheŋ nɛ men wu na so nɛ menyee fin ma, ama men ka we ebodobodo na ŋ kukwe kananɛ menyee sha na so e shin nɛ menyee fin ma na.

Baru lela nɛ Jɔn kute na 6:30

Ndoŋ nna nɛ b bishi mo: “To, nɛ nuso be mamachi be kesheŋ nɛ feeŋ wora n sa anyi nɛ an wu nseŋ yirda fo? Manɛ nɛ feeŋ wora?