Baru lela nɛ Jɔn kute na 6:11 - EBƆRƐ BE KAWƆL

¹¹ Ndoŋ nna nɛ Yesu ta ebodobodo na nseŋ di Ebɔrɛ epaŋ nseŋ fara a sa basa nɛ b daŋ chena ndoŋ na. Loŋ koŋwule na nɛ e daŋ ta kɔrɔtɔ na gba n wora. Kanaŋkamaso nɛ ekama daa beeŋ tiŋ n we nɛ e we m moɛ.

Baru lela nɛ Jɔn kute na 6:11 ပူးပေါင်းရင်းမြစ်များ

Matiu 15:36

Kumo be kaman nɛ e ta ebodobodo ashunu na nɛ ekɔrɔtɔ na nseŋ chɔrɔ Ebɔrɛ nseŋ fara a buri amo to a sa bebɛsopo na nɛ bumo alɛ bee ta amo a sa basa na.

Luuk 24:30

Ndoŋ nna nɛ Yesu shuli n tu bumo n yɔ. Mo nɛ bumo ka ya kaa tase ejikpa nɛ e ta bodobodo na n nɛfa kumo nseŋ bu kumo to n ta n sa bumo.

Baru lela nɛ Jɔn kute na 21:10

Nɛ Yesu kaŋɛ bumo: “Men ta ekɔrɔtɔ nɛ men pɛ naniere na be ako m ba.”

Baru lela nɛ Jɔn kute na 21:13

Nɛ Yesu ya ta bodobodo na n sa bumo nseŋ ta kɔrɔtɔ na malɛ gba n wora loŋ gbagba.

Baru lela nɛ Jɔn kute na 21:9

B ka ya fo kedeŋi so nɛ b wu ajanwulɛ ndoŋ nɛ kɔrɔtɔ deŋ amo so nɛ bodobodo malɛ dese.

Baru lela nɛ Jɔn kute na 6:23

Taibɛrias be ekuloŋ ko malɛ daŋ ba kaa yil kepagboŋ na be ekarso a mata kakpa nɛ Yesu daŋ di Ebɔrɛ epaŋ nseŋ sa basa na ajibi na.

Baru lela nɛ Jɔn kute na 6:9

“Kebia ko wɔ nfe a kɔ ayunyifu be ebodobodo anu nɛ ekɔrɔtɔ anyɔ, ama manɛ nɛ a beeŋ tiŋ n wora n sa basa damta ere?”

Ashuŋ Shunso 27:35

Pɔɔl ka malga le n loge nɛ e ta bodobodo n di Ebɔrɛ epaŋ bumo kikɛ be anishito nseŋ bu kumo to n fara a we.

Romebi 14:6

Esa kama nɛ e bee ta kachɛ ko fanɛ kachɛgboŋ, bee wora loŋ nna a sha kebunyaŋ Enyɛnpe. Nɛ ekama malɛ nɛ e bee ji kejibi ko, bee ji kumo nna a bunyaŋ Enyɛnpe na, ŋkpal manɛ so, amodoŋwura gba bee kaa di Ebɔrɛ epaŋ nna pɔɛŋ nsaa ji. Nɛ ekama malɛ nɛ e bee kini kejibi ko be keji, bee wora loŋ nna a bunyaŋ Enyɛnpe na nsaa di Ebɔrɛ epaŋ nna na.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

1 Tɛsalɔnikaebi 5:18

Men baa chɔrɔ Ebɔrɛ kebaawɔtɔ kama nɛ men wɔtɔ to, ŋkpal manɛ so, kusɔ nɛ e bee sha nɛ men baa wora Yesu Kristo to nna na.

1 Samuɛl 9:13

Men baŋ luri kade na to, menyeeŋ wu mo pɔɛŋ nɛ e yɔ kakpa nɛ baa lara sarga na. Basa na maaŋ fara a ji sargajibi na ama e baŋ ya nɛfa amo na pɔɛŋ. Nɛ men baŋ yɔ naniere, menyeeŋ tu mo pɔɛŋ nɛ e yɔ ndoŋ.”