Baru lela nɛ Jɔn kute na 5:7 - EBƆRƐ BE KAWƆL

⁷ Nɛ elɔpo na kaŋɛ mo le: “Ebunyampo, m maŋ kɔ esa kikɛ nɛ e chɛ ma to nɛ n luri nchu ere to, saŋkama nɛ b baga amo to. Ma alɛ baŋ wora ania a sha keluri amo to nɛ esa ko teŋ daŋ ma keluri to.”

Baru lela nɛ Jɔn kute na 5:7 ပူးပေါင်းရင်းမြစ်များ

Nshɛ 142:4

M baŋ keni ŋ kulti, mee wu fanɛ esa kikɛ maŋ wɔtɔ nɛ e chɛ ma to, esa kikɛ maŋ wɔtɔ nɛ e kuŋ ma. Ma asheŋ malɛ maŋ tir esa kikɛ.

Nshɛ 72:12

Ŋkpal manɛ so, e beeŋ kɔ n suge betentaŋasepo nɛ bekama nɛ b wɔ tɔrɔ to nseŋ shu n tre mo na n yige.

Baru lela nɛ Jɔn kute na 5:2

Kepa ko malɛ kɔ adɛdɛ anu a wɔ Jerusalɛm a mata kakpa nɛ baa tre Mbolpɔ be Kabuna na. Hibruwebi be ŋgbar to kepa na nɛ baa tre Betɛsda.

Baru lela nɛ Jɔn kute na 5:3

Belɔpo nnaŋ to damta ko fanɛ betanpo nɛ ebobi nɛ eyurwusowuraana daa ba ndoŋ nna m ba kaa dese a jo nchu na be kebagato.

Baru lela nɛ Jɔn kute na 5:4

[Ŋkpal manɛ so, Enyɛnpe be malaika daa ba saŋko saŋko nna m ba kaa baga nchu na to. Kebagato na malɛ be kaman elɔpo kama daŋ baŋ juŋkpar n luri nchu na to, amodoŋwura be kulɔ kama nɛ k daa kɔ mo beeŋ lar mo to.]

Baru lela nɛ Jɔn kute na 5:6

Yesu ka wu mo nɛ e dese ndoŋ nseŋ pin e ka dese ndoŋ n chɛr nɛ e bishi mo le: “Fee sha kenya alenfia a?”

Romebi 5:6

Ŋkpal manɛ so, saŋɛ nɛ an daa maŋ kɔ eleŋ na nɛ Ebɔrɛ be jemanɛ fo nɛ Kristo wu n sa bumo nɛ b maŋ kɔ kabɔrɛŋana na.

1 Kɔrintebi 9:24

Men maŋ nyi fanɛ eshile kikɛ to beshilepo na kikɛ bee shile nna, ama esa koŋwule e naa kaa ji kɔŋkɔŋ a? Men baa shile nɛnɛ, saŋɛ na so menyeeŋ nya kɔŋkɔŋ n ji.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.