Baru lela nɛ Jɔn kute na 5:6 - EBƆRƐ BE KAWƆL

⁶ Yesu ka wu mo nɛ e dese ndoŋ nseŋ pin e ka dese ndoŋ n chɛr nɛ e bishi mo le: “Fee sha kenya alenfia a?”

Baru lela nɛ Jɔn kute na 5:6 ပူးပေါင်းရင်းမြစ်များ

Nshɛ 142:3

M baa pɔ aba kiyoyu to, mo e naa ŋini ma kusɔ nɛ k daga fanɛ n wora. Bedoŋ ŋana n sho ma kejigbelɛ ashi ekpa nɛ mee nite so nna.

Aizaaya 65:1

Ade kikɛ be kaman nɛ Enyɛnpe Ebɔrɛ na kaŋɛ le: “N daŋ wora shiriya nɛ n nu ma basa be kabɔrɛkule nna, ama b maŋ kule ma. Ma alɛ daŋ naŋ wora shiriya nɛ n lara ma kumu ŋ ŋini bumo, ama b maŋ wora ania nɛ b fin ma gba kuraa. Ŋ ka wora shiriya nɛ n shuli so ŋ kaŋɛ fanɛ ‘ma nde, meeŋ chɛ menyi to na gba’, efuli na be basa na maŋ kule n fin ma kechɛto.

Jɛremaya 13:27

Ŋkpal manɛ so, e wu fo basa ka wora asheŋ nɛ e kishi nna. Kumo e la fanɛ e wu menyi nɛ menyee shuŋ nnyamase be agbirana ashi abee so nɛ adɔsawule to fanɛ kananɛ enyɛn ko bee yɛlga mo barkasa be eche nsaa shil a chɔ mo so na ŋko fanɛ kananɛ gbaŋɛ nyɛnso bee ju a bɛ gbaŋɛ cheso so na. Asheŋ maaŋ nyalɛ n sa menyi, Jerusalɛm to be basa ere! Jemanɛ mo nɛ menyeeŋ naŋ nyalɛ so a maaŋ naa kɔ eyurpi menyi so?

Luuk 18:41

Nɛ kanyɛn na kaŋɛ mo: “Enyɛnpe mee sha ŋ ka naŋ nya ma anishi nna a wu.”

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Baru lela nɛ Jɔn kute na 5:5

Kanyɛn ko malɛ daŋ dese nfɛ adesa nɛ aburwa a lɔ nsaa wɔ ndoŋ.

Baru lela nɛ Jɔn kute na 5:7

Nɛ elɔpo na kaŋɛ mo le: “Ebunyampo, m maŋ kɔ esa kikɛ nɛ e chɛ ma to nɛ n luri nchu ere to, saŋkama nɛ b baga amo to. Ma alɛ baŋ wora ania a sha keluri amo to nɛ esa ko teŋ daŋ ma keluri to.”

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.