Baru lela nɛ Jɔn kute na 5:5 - EBƆRƐ BE KAWƆL

⁵ Kanyɛn ko malɛ daŋ dese nfɛ adesa nɛ aburwa a lɔ nsaa wɔ ndoŋ.

Baru lela nɛ Jɔn kute na 5:5 ပူးပေါင်းရင်းမြစ်များ

Maak 9:21

Nɛ Yesu bishi kebia na mo tuto: “Kusɔ ere wɔ mo to n chɛr a?” Nɛ kanyɛn na kaŋɛ: “Hale mbe kebiato kikɛ.

Luuk 13:16

Nɛ keni kananɛ Setani nyɔŋ kache ere to, Eebraham mo nanabi, nfɛ kuduaburwa kikɛ! Le be esa maŋ daga b ka suge mo ashi Setani be enɔ to kewushiachɛ a?”

Luuk 8:43

Kache ko malɛ daa wɔ bumo to a shil ŋklaŋ nfɛ kuduanyɔ n tɔrɔ mbe kumu adurwuraana damtaana be enɔ to n jija mbe amansherbi kikɛ a fin kechɛ mbe kumu, ama bumo be ekama daa maŋ tiŋ n chɛ mo.

Baru lela nɛ Jɔn kute na 5:14

Saŋko ba choŋ nna pɔɛŋ nɛ Yesu ya wu mo bɔrɛlambu na to be kelɔnɛ so nseŋ kaŋɛ mo le: “Keni, fo naŋ nya alenfia nna na, yige alubi be kebaawora. Nɛ mannɛ aloŋ, kusɔ nɛ k lubi a chɔ fo kulɔ na beeŋ nya fo.”

Baru lela nɛ Jɔn kute na 5:4

[Ŋkpal manɛ so, Enyɛnpe be malaika daa ba saŋko saŋko nna m ba kaa baga nchu na to. Kebagato na malɛ be kaman elɔpo kama daŋ baŋ juŋkpar n luri nchu na to, amodoŋwura be kulɔ kama nɛ k daa kɔ mo beeŋ lar mo to.]

Baru lela nɛ Jɔn kute na 5:6

Yesu ka wu mo nɛ e dese ndoŋ nseŋ pin e ka dese ndoŋ n chɛr nɛ e bishi mo le: “Fee sha kenya alenfia a?”

Baru lela nɛ Jɔn kute na 9:1

Yesu ka na a choŋ nɛ e wu kanyɛn ko b ka kurge mo tanpo.

Baru lela nɛ Jɔn kute na 9:21

ama kananɛ e wora a wu naniere ŋko esa nɛ e chɛ mo bre, an maŋ nyi. Men bishi mo gbagba nɛ e kaŋɛ menyi, ŋkpal manɛ so, mannɛ kebia e la mo.”

Ashuŋ Shunso 14:8

Kanyɛn ko daa wɔ Listra nɛ mbe aya daŋ wu hale mbe kebiato kikɛ. E daa maŋ naŋ nite ŋ ku so.

Ashuŋ Shunso 3:2

nɛ kanyɛn ko nɛ e daa la bobi mbe kakurgeachɛ kikɛ na wɔ bɔrɛlambu na be kabuna nɛ b daa tre Kabuna Lela na akpa. Kachɛ kama b daa sulɔ mo nna a ba kabuna na akpa nɛ e ba kaa kule basa nɛ b daa luri bɔrɛlambu na to na amansherbi.

Ashuŋ Shunso 4:22

Kanyɛn nɛ le be mamachisheŋ daŋ chɛ na daa chɔ nfɛ adena.

Ashuŋ Shunso 9:33

n ya tu kanyɛn ko nɛ baa tre Eeneeyas ndoŋ. E daa la eyurwusowura nna a dese kakpa koŋwule nfɛ burwa.