Baru lela nɛ Jɔn kute na 5:19 - EBƆRƐ BE KAWƆL

¹⁹ Ndoŋ nna nɛ Yesu kaŋɛ bumo le: “Kashenteŋ nɛ mee ji menyi na fanɛ ma, Ebɔrɛ Pibinyɛn na maa tiŋ a wora shɛŋ ŋ gbagba be kumu so kikɛ. Kusɔ nɛ mee wu n Tuto na ka bee wora nawule nɛ ma alɛ gba bee wora. Kusɔ nɛ Etuto na bee wora, kumo nɛ ma, Ebinyɛn na gba bee wora.

Baru lela nɛ Jɔn kute na 5:19 ပူးပေါင်းရင်းမြစ်များ

Jɛnesis 1:1

Durnya be sososo na, esoso nɛ kasawule nɛ Ebɔrɛ to.

Jɛnesis 1:26

Ade kikɛ be kaman nɛ Ebɔrɛ naŋ kaŋɛ: “Men shin nɛ an to edimɛdi nɛ b baa du fanɛ anyi, nsaa ji eleŋ ashi ekɔrɔtɔ so nɛ mbuibi so nɛ asɔ gbeyesoana so nɛ asɔ belaso na kikɛ so nɛ kasawule kikɛ nyam so.”

Nshɛ 138:3

Ŋ ka shu n tre fo, fo nu ma kekule nna nseŋ sa ma kenyɛn nɛ kagbene.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Nshɛ 50:6

Esoso bee ŋini anyi nna fanɛ Ebɔrɛ bee ji basa be asheŋ nɛ amo be ekpa so nna.

Ɛksodɔs 4:11

Nɛ Enyɛnpe Ebɔrɛ bishi mo: “Wanɛ e wora dimɛdi be kɔnɔ? Wanɛ e naaŋ tiŋ n shin nɛ esa e ki kpawu ŋko neemu ŋko wanɛ e naa sa esa anishi ŋko a shin nɛ esa bee ki tanpo? Mannɛ ma, Enyɛnpe Ebɔrɛ a?

Aŋasa 2:6

Ŋkpal manɛ so, Enyɛnpe Ebɔrɛ na e naa sa kanyiasheŋ. Mo kutɔ nɛ kenyi nɛ asheŋ be kepinto bee shi.

Aizaaya 44:24

“Ma e la, Enyɛnpe Ebɔrɛ, menyi be emɔlgapo na; Ma e la esa nɛ n to menyi. Ma e la Enyɛnpe Ebɔrɛ nɛ e to kusɔ kikɛ na. N nawule e parga kuwɔlpa to n sɔ esoso kikɛ. Ekama malɛ maŋ chɛ ma to n to durnya.

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Matiu 26:39

Ndoŋ nna nɛ e yɔ anishito gbrɛbi n ya gbir n kur kumu n yuu nseŋ kule Ebɔrɛ ŋ kaŋɛ le: “N Tuto, nɛ ekpa wɔtɔ, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Baru lela nɛ Jɔn kute na 10:18

Esa kikɛ maa sɔ kumo ŋ kutɔ. Ŋ gbagba e naa ta kumo a sa basa. Meeŋ tiŋ n ta kumo n sa basa nseŋ naŋ tiŋ n ta kumo a wɔtɔ. Loŋ nɛ n Tuto na yili fanɛ n wora.”

Baru lela nɛ Jɔn kute na 12:49

Ŋkpal manɛ so, mannɛ ŋ gbagba be eleŋ to so nɛ m malga, Etuto nɛ e shuŋi ma na e nase kusɔ nɛ meeŋ kaŋɛ nɛ kananɛ meeŋ kaŋɛ kumo n sa ma.

Baru lela nɛ Jɔn kute na 12:50

N nyi mbe kamalga naseso ka bee bar ŋkpa nɛ k maŋ kɔ ekar na, amoso, kusɔ kama nɛ m malga baa la kusɔ nɛ Etuto na kaŋɛ fanɛ ŋ kaŋɛ nna.”

Baru lela nɛ Jɔn kute na 14:10

Fo maŋ nyi fanɛ n wɔ Etuto na to nna nɛ Etuto na malɛ gba wɔ ma to a? Men baa nyi fanɛ mmalga nɛ mee malga ere maŋ la ŋ gbagba peya, Etuto nɛ e wɔ ma to na e naa shuŋ mbe kushuŋ.

Baru lela nɛ Jɔn kute na 2:19

Nɛ Yesu kaŋɛ bumo le: “Men jija bɔrɛlambu ere ŋ keni nɛ n naŋ pɔr kumo nchɛ nsa to.”

Baru lela nɛ Jɔn kute na 3:3

Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ, nɛ esa baa maŋ nya kakurge nyɔsopo na, e maaŋ wu Ebɔrɛ be kuwura na kikɛ.”

Baru lela nɛ Jɔn kute na 5:21

Ŋkpal manɛ so, kananɛ Etuto na bee tiŋi basa luwu to a sa bumo ŋkpa na, loŋ gbagba nna nɛ ma, Ebinyɛn na bee sa basa nɛ mee sha ŋkpa.

Baru lela nɛ Jɔn kute na 6:38

Ŋkpal manɛ so, n shi ebɔrɛso nna m ba nɛ m ba wora esa nɛ e shuŋi ma na be aparsheŋ, mannɛ ŋ gbagba be aparsheŋ so e shin nɛ m ba.

Baru lela nɛ Jɔn kute na 8:28

Amoso, le nɛ Yesu daŋ kaŋɛ bumo: “Men kaŋ maŋ ma, Nyiŋgbasa Pibinyɛn so m mata kedibi so na, menyeeŋ pin esa nɛ ŋ kaŋɛ fanɛ n la ere, kumo alɛ be saŋɛ na so nɛ menyeeŋ pin fanɛ m maa wora shɛŋ ma kumu so, asɔ nɛ Etuto na bee ŋini ma nawule nɛ mee malga.

Baru lela nɛ Jɔn kute na 9:4

Kefulto ka kraa wɔtɔ ere bre, a daga fanɛ an baa shuŋ esa nɛ e shuŋi ma na be ashuŋ. Kanyɛ bee biri a ba, kumo alɛ baŋ ba, esa maaŋ naŋ tiŋ n shuŋ shɛŋ.

Ashuŋ Shunso 2:24

Ama Ebɔrɛ naŋ shin nɛ e tiŋi luwu na to n sɔ mo luwu be ebesa to n yige, ŋkpal manɛ so, luwu daa maŋ tiŋ n shin nɛ e ka kumo be enɔ to kikɛ.

Romebi 6:4

Anyi nɛ mo alɛ nɛ b puli saŋɛ nɛ b bɛr anyi kabɔrɛbɛr a ŋini fanɛ anyi nɛ mo koŋwule na e luri mbe luwu na to na, saŋɛ na so, kananɛ Etuto na baŋ ta mbe eleŋgboŋ n shin nɛ Kristo na tiŋi luwu to na, anyi alɛ gba beeŋ nya kebaawɔtɔ popɔr a wɔtɔ.

Romebi 8:11

Nɛ Ebɔrɛ nɛ e tiŋi Yesu ashi luwu to na be Kiyoyu baa wɔ menyi to bre, kumo ere mo koŋwule nɛ e tiŋi Kristo ashi luwu to na gbagba beeŋ naŋ bɔla mbe Kiyoyu nɛ e wɔ menyi to na so n sa menyi be eyurana nɛ a beeŋ kaŋ wu kachako ere ŋkpa.

1 Kɔrintebi 15:12

Ama nɛ fanɛ baa bɔ Kristo be baru na a kaŋɛ fanɛ e tiŋi luwu to, nuso nɛ men be beko bee wora a kaŋɛ fanɛ ketiŋi luwu to maŋ wɔtɔ?

2 Kɔrintebi 4:14

Ŋkpal manɛ so, an nyi fanɛ esa nɛ e tiŋi Enyɛnpe Yesu luwu to na beeŋ tiŋi anyi alɛ gba nɛ Yesu na nseŋ ta anyi nɛ menyi kikɛ n yɔ mo gbagba be anishito.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Ɛfesesebi 2:5

e tiŋi anyi nɛ Kristo nna m bar anyi ŋkpa to saŋɛ nɛ an daa wɔ kasomaanu be luwu to na. Ebɔrɛ malɛ be kuwɔr be kakɛ so nɛ men nya kumɔlga.

Ɛfesesebi 3:16

Mee kule mo fanɛ e keni mbe kemaŋkura damta nɛ e kɔ na to m bɔla mbe Kiyoyu na to a ta eleŋ n leŋ menyi to ashi men be ŋgbeneana to

Filipaiebi 3:21

E kaŋ ba, e beeŋ chɛrga an be eyur pɔsoana ere n shin nɛ an ki fanɛ mo gbagba be eyur na. Eleŋ koŋwule nɛ e beeŋ ta n ji kusɔ kikɛ so kuwura na nɛ e beeŋ ta n chɛrga anyi.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

Kɔlɔsiebi 1:11

An be kabɔrɛkule e la fanɛ Ebɔrɛ e sa menyi eleŋgboŋ ashi mbe eleŋgboŋ na to nɛ men baa nyiti awurfoŋ kikɛ kagbenefuliso a chɔrɔ Etuto na ga,

Kɔlɔsiebi 1:16

ŋkpal manɛ so, Ebɔrɛ shin nɛ mo Pibi to asɔ kikɛ, amo nɛ a wɔ ebɔrɛso nɛ amo nɛ a wɔ kasawule so, amo nɛ basa beeŋ tiŋ n wu nɛ amo nɛ basa maaŋ tiŋ n wu, kuwurjiana nɛ eleŋana, esoso be kenimujipoana nɛ bejuŋkparpoana. Ebi na e to amo kikɛ nɛ b baa bunyaŋ mo.

1 Tɛsalɔnikaebi 4:14

An kɔ yirda fanɛ Yesu wu n tiŋi luwu to. Amoso, an nyi fanɛ Ebɔrɛ beeŋ shin nɛ Yesu nɛ basa nɛ b yirda mo pɔɛŋ nseŋ wu na e ba.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.