Baru lela nɛ Jɔn kute na 5:17 - EBƆRƐ BE KAWƆL

¹⁷ Nɛ Yesu kaŋɛ bumo: “Saŋkikɛ n Tuto bee shuŋ nna, amoso, a daga fanɛ ma alɛ gba e baa shuŋ loŋ.”

Baru lela nɛ Jɔn kute na 5:17 ပူးပေါင်းရင်းမြစ်များ

Nshɛ 65:6

Fo e kɔ eleŋ nɛ yuku n ta abeegboŋ n yili amo be eyilikpa.

Aizaaya 40:26

Maŋ anishi so ŋ keni awɔlpa so! Wanɛ e to achɛkpabi nɛ fee wu ere? Mo ere Ebɔrɛ nɛ e bee juŋkpar amo fanɛ benapo be ejuŋkparpo na, e nyi kananɛ amo kikɛ sa nɛ amo be kekama be ketre! Enyɛnpe Ebɔrɛ na be yuku shi ga, nɛ achɛkpabi na be kekama maa foe mo so.

Matiu 10:29

Feeŋ tiŋ n ta kuboo gba n tɔ etitibi anyɔ, ŋke amo be kekama maaŋ tɔr kasawule n wu nɛ Ebɔrɛ Etuto na maŋ nyi kumo be asheŋ.

Baru lela nɛ Jɔn kute na 10:36

manɛ e ba nɛ menyee kaŋɛ ma, esa nɛ Etuto na gbagba lara n yili a sa mbe kumu nseŋ shuŋi durnya ere to na, fanɛ mee malga nna a gbiti Ebɔrɛ ŋkpal ŋ ka kaŋɛ fanɛ ma e la Ebɔrɛ Pibinyɛn na so?

Baru lela nɛ Jɔn kute na 14:10

Fo maŋ nyi fanɛ n wɔ Etuto na to nna nɛ Etuto na malɛ gba wɔ ma to a? Men baa nyi fanɛ mmalga nɛ mee malga ere maŋ la ŋ gbagba peya, Etuto nɛ e wɔ ma to na e naa shuŋ mbe kushuŋ.

Baru lela nɛ Jɔn kute na 5:16

Amoso, Juwebi na daŋ fara nna a tɔrɔ Yesu, ŋkpal e ka daŋ wora le be asheŋ kewushiachɛ na so.

Baru lela nɛ Jɔn kute na 5:18

Le be kamalga ere malɛ e daŋ naŋ shin nɛ Juwebi na nyaŋɛ to n ti so a sha kemɔ Yesu na, ŋkpal manɛ so, mannɛ fanɛ e daa jija kewushiachɛ na nawule nna, ama e daa tre Ebɔrɛ mo Tuto gbagba nna a ti so a ŋini fanɛ mo nɛ Ebɔrɛ ka la kukoŋwule.

Baru lela nɛ Jɔn kute na 9:4

Kefulto ka kraa wɔtɔ ere bre, a daga fanɛ an baa shuŋ esa nɛ e shuŋi ma na be ashuŋ. Kanyɛ bee biri a ba, kumo alɛ baŋ ba, esa maaŋ naŋ tiŋ n shuŋ shɛŋ.

Ashuŋ Shunso 14:17

Ama jemanɛ kikɛ, mo alɛ bee wora asɔ lela damta nna a ŋini menyi esa nɛ e la mo. Mo e naa sa menyi bɔrɛchu nɛ adɔjibi jemanɛ nɛ a daga. Mo e naa sa menyi ajibi jiso nsaa shin nɛ kagbenefuli bee bɔlɔ menyi to.”

Ashuŋ Shunso 17:28

ŋkpal manɛ so: ‘Mo e naa shin nɛ an wɔtɔ a nite a kilgi to a du kananɛ an du ere na.’ Menyi be besibɛpo malɛ e naa kaŋɛ loŋ: ‘Anyi alɛ gba la mbe mbia nna.’

1 Kɔrintebi 12:6

Ekpa be nnaŋ to damtaana so nɛ basa bee bɔla a shuŋ, ama Ebɔrɛ koŋwule na e kɔ amo a wɔ basa to a shuŋ.

Kɔlɔsiebi 1:16

ŋkpal manɛ so, Ebɔrɛ shin nɛ mo Pibi to asɔ kikɛ, amo nɛ a wɔ ebɔrɛso nɛ amo nɛ a wɔ kasawule so, amo nɛ basa beeŋ tiŋ n wu nɛ amo nɛ basa maaŋ tiŋ n wu, kuwurjiana nɛ eleŋana, esoso be kenimujipoana nɛ bejuŋkparpoana. Ebi na e to amo kikɛ nɛ b baa bunyaŋ mo.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.