Baru lela nɛ Jɔn kute na 5:16 - EBƆRƐ BE KAWƆL

¹⁶ Amoso, Juwebi na daŋ fara nna a tɔrɔ Yesu, ŋkpal e ka daŋ wora le be asheŋ kewushiachɛ na so.

Baru lela nɛ Jɔn kute na 5:16 ပူးပေါင်းရင်းမြစ်များ

Matiu 12:13

Kumo be kaman nɛ e kaŋɛ kanyɛn na: “Teŋi fo enɔ to.” E ka teŋi kumo to nɛ k nya eleŋ a du fanɛ enɔ nyɔsopo na.

Maak 3:6

Epul na to nɛ Efarisiana na lar nshɛr na to, nɛ bumo nɛ Hɛrɔdebi ya shɛr n to jina kananɛ baaŋ wora m mɔ Yesu.

Luuk 6:11

Ndoŋ nna nɛ basa na diewu n fara a bishi abar kusɔ nɛ baaŋ wora Yesu.

Baru lela nɛ Jɔn kute na 1:19

Kachako Jerusalɛm to be Juwebi be benimuana shuŋi bɔrɛmatapoana nɛ Livaiebi ko Jɔn kutɔ fanɛ b ba bishi mo le: “Nuso be esa e la fo?”

Baru lela nɛ Jɔn kute na 10:39

Ndoŋ nna nɛ b naŋ wora ania a sha kepɛ mo nɛ e gelge n lar bumo to n choŋ.

Baru lela nɛ Jɔn kute na 15:20

Men baa nyiŋi kananɛ n daŋ kaŋɛ menyi na fanɛ: ‘Kenya maŋ chɔ mo nyɛnpe’. Nɛ durnya ere to ebi baŋ tɔrɔ ma, kumo ere baaŋ tɔrɔ menyi alɛ gba. Nɛ b baŋ ta ma mmalga n wɔtɔ bumo be ŋgbene to, baaŋ ta menyi alɛ gba peya n wɔtɔ bumo be ŋgbene to.

Baru lela nɛ Jɔn kute na 5:10

Amo be kamɔnchɛ malɛ daa la kewushiachɛ nna, amoso, Juwebi be benimu na ka wu kanyɛn na nɛ b kaŋɛ mo le: “Kabre la kewushiachɛ nna. Anyi be mbra na malɛ maa sa ekpa fanɛ fo di fo kelaŋ a na.”

Baru lela nɛ Jɔn kute na 5:13

Kanyɛn nɛ e daŋ nya alenfia na daa maŋ nyi amodoŋwura, ŋkpal manɛ so, jimaŋ damta ko e daa wɔ ndoŋ nɛ Yesu daŋ lar bumo to n choŋ.

Baru lela nɛ Jɔn kute na 5:15

Ndoŋ nna nɛ kanyɛn na ya kaŋɛ Juwebi be benimuana na fanɛ Yesu e daŋ chɛ mo na.

Baru lela nɛ Jɔn kute na 5:17

Nɛ Yesu kaŋɛ bumo: “Saŋkikɛ n Tuto bee shuŋ nna, amoso, a daga fanɛ ma alɛ gba e baa shuŋ loŋ.”

Baru lela nɛ Jɔn kute na 5:18

Le be kamalga ere malɛ e daŋ naŋ shin nɛ Juwebi na nyaŋɛ to n ti so a sha kemɔ Yesu na, ŋkpal manɛ so, mannɛ fanɛ e daa jija kewushiachɛ na nawule nna, ama e daa tre Ebɔrɛ mo Tuto gbagba nna a ti so a ŋini fanɛ mo nɛ Ebɔrɛ ka la kukoŋwule.

Baru lela nɛ Jɔn kute na 7:21

Nɛ Yesu kaŋɛ bumo: “Men keni, n wora mamachi be kesheŋ koŋwule nɛ k chinchiŋ menyi ga.

Baru lela nɛ Jɔn kute na 7:25

Saŋɛ ere so nɛ Jerusalɛm to be basa ko fara a bishi abar le: “Mannɛ kanyɛn ere nɛ baa fin nɛ b mɔ na a?