Baru lela nɛ Jɔn kute na 5:10 - EBƆRƐ BE KAWƆL

¹⁰ Amo be kamɔnchɛ malɛ daa la kewushiachɛ nna, amoso, Juwebi be benimu na ka wu kanyɛn na nɛ b kaŋɛ mo le: “Kabre la kewushiachɛ nna. Anyi be mbra na malɛ maa sa ekpa fanɛ fo di fo kelaŋ a na.”

Baru lela nɛ Jɔn kute na 5:10 ပူးပေါင်းရင်းမြစ်များ

Aizaaya 58:13

Ade kikɛ be kaman nɛ Enyɛnpe Ebɔrɛ na naaŋ kaŋɛ le: “Nɛ men ta kewushiachɛ na fanɛ kachɛ cheembi a maa wora menyi gbagba be aparsheŋ fanɛ kebaayɔ nde ŋko a shuŋ kushuŋ be yiri kikɛ ŋko a malga mmalga jiga loŋ be kachɛ na,

Jɛremaya 17:21

Kaŋɛ bumo fanɛ nɛ baa sha bumo be ŋkpa, b sa maŋ kaa sulɔ asɔ kewushiachɛ. B sa maŋ kaa sulɔ shɛŋ a bɔla mbunagboŋ na to a luri ŋko a lar Jerusalɛm to.

Jɛremaya 17:27

Ama a daga fanɛ b baa wora ma kasonu nsaa ta ma kewushiachɛ na fanɛ kachɛ cheembi nsaa maa sulɔ asɔ a bɔla Jerusalɛm be mbunagboŋana na to a luri a lar loŋ be kachɛ na. Nɛ b kini nseŋ wora loŋ, meeŋ shin nɛ Jerusalɛm be mbunagboŋana na e ji edɛ. Jerusalɛm to be ewurkpaana beeŋ ji edɛ n tɔr nɛ esa kikɛ maaŋ tiŋ n duŋ edɛ na.”

Matiu 12:10

Nɛ kanyɛn ko malɛ kɔ enɔ wuso a wɔ ndoŋ. Basa ko malɛ gba daa wɔ ndoŋ a fin ekpa nɛ b wu Yesu kulubi, amoso, le nɛ b daŋ bishi mo: “Anyi be mbra na bee shuli fanɛ b chɛ esa kewushiachɛ a?”

Maak 2:24

Nɛ Efarisiana na kaŋɛ Yesu: “Manɛ e ba nɛ fo bebɛsopo bee wora kusɔ nɛ anyi be mbra na bee kishi kewushiachɛ?”

Maak 3:4

Kumo be kaman nɛ e bishi basa na: “Manɛ nɛ anyi be mbra na bee kaŋɛ anyi fanɛ an baa wora kewushiachɛ, kewora kelela ŋko kewora kulubi, kumɔlga esa be ŋkpa ŋko keshin nɛ e mur?” Ama b maŋ tiŋ ŋ kaŋɛ shɛŋ.

Luuk 13:14

Ndoŋ nna nɛ nshɛrbu na to be enimu nya agbo n wora Yesu ŋkpal e ka chɛ kache na kewushiachɛ so nseŋ kaŋɛ basa na le: “Nchɛ nshe a daga fanɛ an baa kɔ a shuŋ, amoso, men baa ba nfe nchɛ nshe na to m ba kaa shin nɛ b baa chɛ menyi be alɔana. Men sa maa ba kewushiachɛ.”

Luuk 23:56

Kumo be kaman nɛ b bɛta n yɔ epe n ya wora ŋku dufɛso nɛ etulale n yili. Kewushiachɛ ka fo nɛ b wushi m bɛ kusɔ nɛ mbra na bee kaŋɛ na so.

Luuk 6:2

Nɛ Efarisiana ko bishi bumo: “Manɛ e ba nɛ menyee wora kusɔ nɛ anyi be mbra na bee kishi kewushiachɛ?”

Baru lela nɛ Jɔn kute na 1:19

Kachako Jerusalɛm to be Juwebi be benimuana shuŋi bɔrɛmatapoana nɛ Livaiebi ko Jɔn kutɔ fanɛ b ba bishi mo le: “Nuso be esa e la fo?”

Baru lela nɛ Jɔn kute na 5:11

Ndoŋ nna nɛ e kaŋɛ bumo le: “Kanyɛn nɛ e chɛ ma na e kaŋɛ ma fanɛ: ‘Bɔɔ fo kelaŋ to a nite.’ ”

Baru lela nɛ Jɔn kute na 5:15

Ndoŋ nna nɛ kanyɛn na ya kaŋɛ Juwebi be benimuana na fanɛ Yesu e daŋ chɛ mo na.

Baru lela nɛ Jɔn kute na 5:16

Amoso, Juwebi na daŋ fara nna a tɔrɔ Yesu, ŋkpal e ka daŋ wora le be asheŋ kewushiachɛ na so.

Baru lela nɛ Jɔn kute na 7:23

To, nɛ menyee tiŋ a ku menyi be mbia atutu kewushiachɛ na, saŋɛ na so men maaŋ tɔr Mosis be mbra na, manɛ e ba nɛ menyee nya agbo a wora ma ŋkpal ŋ ka chɛ esa lelemu na kewushiachɛ so?

Baru lela nɛ Jɔn kute na 9:16

Ndoŋ nna nɛ Efarisiana na be beko kaŋɛ: “Kanyɛn na maŋ shi Ebɔrɛ kutɔ kashenteŋto, ŋkpal manɛ so, e maa bɛ kewushiachɛ be mbra na so.” Ndoŋ nna nɛ beko malɛ kaŋɛ: “Nuso nɛ alubipo bee wora a wora le be emamachi be asheŋ ere?” Ŋkpal le so kebarga to daŋ ba bumo to nna.