Baru lela nɛ Jɔn kute na 4:6 - EBƆRƐ BE KAWƆL

⁶ Jeekɔb be ketirbu daa wɔ ndoŋ nna nɛ Yesu nite ŋ gben m ba fo ndoŋ kapaso chɛŋchɛŋ nseŋ kilgi n chena ketirbu na ase.

Baru lela nɛ Jɔn kute na 4:6 ပူးပေါင်းရင်းမြစ်များ

Matiu 27:45

Ta a ba kapaso, kerfi kuduanyɔ nɛ tentembiri ba buu efuli na kikɛ so m biri to loŋ hale n ya fo kaaseso kerfi asa.

Matiu 4:2

Nchɛ adena nɛ nnyɛ adena nɛ Yesu daŋ ta ŋ kishi ndoŋ. Nchɛ na be kaman nɛ akoŋ pɛ mo.

Matiu 8:24

Epul to nɛ afugboŋ ko ber m ba kepagboŋ na so nɛ atili kaa nchu na so a sha keluri ekuloŋ na to, ama saŋɛ na so nɛ Yesu bee di.

Luuk 2:7

Asɔbɔya be edikpa to nɛ b daa wɔ, ŋkpal manɛ so, ebu kikɛ daa maŋ naa wɔ befɔ be kowu na to. Ndoŋ nɛ e kurge mbe wurkoŋ, ebinyɛn n ta ewajɛ m mea mo nseŋ ta mo n nase asɔbɔya na be deka jiso to.

Luuk 9:58

Nɛ Yesu kaŋɛ mo: “Ejiŋkaamu kɔ abeelaŋ a di to nɛ mbuibi malɛ kɔ asha, ama ma, Nyiŋgbasa Pibinyɛn maŋ kɔ kakpa nɛ meeŋ dese n wushi.”

Baru lela nɛ Jɔn kute na 11:9

Nɛ Yesu bishi bumo le: “Mannɛ awa kuduanyɔ e wɔ yili epeŋi be kepete n ya fo kumo be ketɔr to a? Esa kama malɛ nɛ e bee nite kapaso, maa fiti, ŋkpal manɛ so, durnya ere be kefulto nɛ e bee wu a nite.

Baru lela nɛ Jɔn kute na 4:12

An nananyɛn Jeekɔb e ta ketirbu ere n sa anyi, mo alɛ nɛ mbe mbia nɛ mbe asɔbɔya kikɛ nuu kumo to be nchu, amoso, fo yɛ fo ŋini fanɛ fo chɔ mo nna ŋko nuso?”

Baru lela nɛ Jɔn kute na 4:5

E ta loŋ m ba fo kade ko nɛ baa tre Sikaa ashi Samɛria. Sikaa nɛ kasawule nɛ Jeekɔb daŋ ta n sa mo pibi Josɛf na daa maŋ wɔ kufɔ.

Baru lela nɛ Jɔn kute na 4:7

Ndoŋ nna nɛ Samɛria be kache ko ba nɛ e ba jɔ nchu nɛ Yesu kaŋɛ mo le: “Jande, sa ma nchu nɛ n nuu.”

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Hibruwebi 2:17

Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.