Baru lela nɛ Jɔn kute na 4:53 - EBƆRƐ BE KAWƆL

⁵³ Ndoŋ nna nɛ etuto na nyiŋi fanɛ kumo be saŋɛ na so gbagba nɛ Yesu kaŋɛ le na: “Fo pibi na maaŋ wu.” Ndoŋ nna nɛ mo nɛ mbe kowu to ebi kikɛ yirda Yesu.

Baru lela nɛ Jɔn kute na 4:53 ပူးပေါင်းရင်းမြစ်များ

Nshɛ 107:20

Mo gbagba be kamalga be eleŋ to nɛ e daŋ bɔla so n chɛ menyi to, m mɔlga menyi ashi kemur to.

Nshɛ 33:9

Mo e malga nɛ durnya fara. Mo e kaŋɛ nɛ kusɔ kama ba.

Matiu 8:13

Ade kikɛ be kaman nɛ Yesu kaŋɛ Romebi be benapo be enimu na le: “Baa yɔ epe, kusɔ nɛ fo yirda ere beeŋ wora loŋ n sa fo.” Epul na malɛ to nɛ kenya na nya alenfia.

Luuk 19:9

Nɛ Yesu kaŋɛ: “Kabre kumɔlga ba laŋ ere to ebi so, ŋkpal manɛ so, Zakiyes gba la Eebraham mo nanabi nna.

Baru lela nɛ Jɔn kute na 4:51

E kraa wɔ epe be ekpa to nna a yɔ nɛ mbe anya shɛr mo ekpa to ŋ kaŋɛ mo fanɛ mbe kebia na nya alenfia.

Baru lela nɛ Jɔn kute na 4:52

E ka bishi bumo saŋɛ mo nɛ mbe kebia na fara a nya alenfia nɛ b kaŋɛ mo: “Ndre kapaso kerfi koŋwule nɛ mbe kayurbeldɛ na yige mo.”

Ashuŋ Shunso 11:14

nɛ e ba kaŋɛ fo asheŋ, nɛ fo nɛ fo kowu to ebi kikɛ e nya kumɔlga.’

Ashuŋ Shunso 16:15

B daŋ bɛr mo nɛ mbe laŋ to ebi kikɛ kabɔrɛbɛr nna. Le nɛ e daŋ ba kaŋɛ anyi: “Nɛ men baa nyi fanɛ n la Enyɛnpe na be eyirdapo kashenteŋto nna, men ba kaa wɔ ma pe.” Le nɛ e daŋ ta n shin nɛ an yɔ.

Ashuŋ Shunso 16:34

E daŋ yɛr Pɔɔl nɛ Sailas mo pe nna n ya sa bumo ajibi. Mo nɛ mbe eche nɛ bibi be ŋgbene daŋ fuli bumo ga ŋkpal b ka yirda Ebɔrɛ naniere so.

Ashuŋ Shunso 18:8

Nshɛrbu na be enimu nɛ b daa tre Krispes na nɛ mbe laŋ to ebi daŋ yirda Enyɛnpe na nɛ Kɔrintebi be basa damta gba nu kubɔya na n yirda nɛ b bɛr bumo kabɔrɛbɛr.

Ashuŋ Shunso 2:39

Ŋkpal manɛ so, kumo be loŋ be kɔnɔ nɛ Enyɛnpe Ebɔrɛ daŋ nase n sa menyi nɛ menyi be mmantoebi nɛ basa pɔtɛ nɛ b maŋ taga to nfe ere na kikɛ, bumo e la bumo nɛ Enyɛnpe Ebɔrɛ bee tre a ba mo kutɔ na.”