Baru lela nɛ Jɔn kute na 4:48 - EBƆRƐ BE KAWƆL

⁴⁸ Nɛ Yesu kaŋɛ mo le: “Nɛ men be ekama baa maŋ wu mamachi be etɔɔnɛsheŋ, men maa yirda kikɛ.”

Baru lela nɛ Jɔn kute na 4:48 ပူးပေါင်းရင်းမြစ်များ

Danɛl 4:2

K wora ma ebel ga ŋ ka bee shin nɛ ŋ kaŋɛ menyi asheŋ tumase nɛ emamachisheŋ nɛ Enyɛnpetale wora n sa ma.

Danɛl 6:27

Mo e naa mɔlga basa nsaa sɔ bumo a yige na. Mo e naa wora emamachisheŋ ashi ebɔrɛso nɛ kasawule so kikɛ. Mo e mɔlga Danɛl nɛ ebuluŋ maŋ tiŋ m mɔ mo ŋko n doro mo na.”

Nɔmbɛs 14:11

Ndoŋ nna nɛ Enyɛnpe Ebɔrɛ kaŋɛ Mosis le: “Emamachisheŋ damta nɛ n wora n sa basa ere kikɛ ere, b kraŋ kini keyirda ma nsaa keni ma jiga a?

Matiu 16:1

Kachako Efarisiana ko nɛ Esadusiana ko ba Yesu kutɔ m ba kaa sha kewora mo ŋ keni nseŋ kule mo fanɛ e wora mamachi be kesheŋ ko nɛ k shi ebɔrɛso.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 27:42

B yɛ: “E mɔlga basa pɔtɛ, ama e maaŋ tiŋ m mɔlga mo gbagba be kumu. E yɛ mo e la Israɛlebi be Ewura na, men shin nɛ e shi kedibi largato ere so ŋ gbelge m ba nɛ an yirda mo.

Maak 13:22

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ nɛ emamachisheŋ damta n fule Ebɔrɛ be basa laraso nɛ baaŋ tiŋ nna na.

Luuk 10:18

Nɛ Yesu kaŋɛ bumo: “N wu Setani ka shi ebɔrɛso n tɔr a ba fanɛ bɔrɛ ka nyɛkpɛ na.

Luuk 16:31

Nɛ Eebraham kaŋɛ mo: ‘Nɛ b baŋ kini kenu asheŋ nɛ Mosis nɛ anebiana na bee malga na, kumo ere baa nyi fanɛ nɛ esa shi luwu to n ya kaŋɛ bumo gba, b maaŋ nu.’ ”

Baru lela nɛ Jɔn kute na 12:37

Yesu daŋ wora emamachisheŋ damta ere kikɛ bumo be anishito, ama bumo alɛ daa maŋ yirda mo.

Baru lela nɛ Jɔn kute na 15:24

Nɛ fanɛ n daa maŋ wora emamachisheŋ nɛ esa kikɛ maŋ naŋ wora ere bumo to nna, b daa maaŋ tɔr alubi be ntaŋ, ama naniere b wu emamachisheŋ ere kikɛ, bumo alɛ kraa kishi ma nɛ n Tuto na kikɛ.

Baru lela nɛ Jɔn kute na 2:18

Asheŋ ere be kaman nɛ Juwebi be benimuana na ba bishi mo le be kesheŋ bishiso ere, b yɛ: “Manɛ be mamachi be kesheŋ nɛ fo kɔ nɛ fo wora ŋ ŋini anyi nɛ an pin ekpa nɛ fo kɔ a tiŋ a wora le be asheŋ ere kikɛ?”

Baru lela nɛ Jɔn kute na 20:29

Nɛ Yesu kaŋɛ mo: “Fo ka wu ma so nɛ fo yirda na, ama nɛfa la bekama nɛ b maŋ wu nseŋ yirda na peya nna.”

Baru lela nɛ Jɔn kute na 4:49

Ndoŋ nna nɛ krachi na kaŋɛ Yesu le: “Ebunyampo, jande, ba nɛ an yɔ nɛ ma kebia na e sa maŋ wu pɔɛŋ nɛ an fo ndoŋ.”

Ashuŋ Shunso 14:3

Beshuŋipo na daŋ chɛr ndoŋ ga a malga Enyɛnpe na be asheŋ kenyɛnso, nɛ e sa bumo eleŋ nɛ b wora emamachisheŋ nɛ Ebɔrɛ be etɔɔnɛsheŋ damta ŋ ŋini fanɛ bumo be kubɔya nɛ k bee kute mbe kuwɔr be kakɛ na be asheŋ na la kashenteŋ nna.

Ashuŋ Shunso 15:12

Pɔɔl nɛ Baanabas ka bee kute Ebɔrɛ be etɔɔnɛsheŋ nɛ emamachisheŋ damta nɛ Ebɔrɛ shin nɛ b wora nnyamase na to be asheŋ ere nɛ basa na kikɛ la to boeŋ a nu.

Ashuŋ Shunso 2:19

Meeŋ wora emamachisheŋ ebɔrɛso nɛ Ebɔrɛ be asheŋ ŋiniso kasawule so. Baaŋ wu ŋklaŋ nɛ edɛ nɛ edishi damta.

Ashuŋ Shunso 2:22

Israɛlebi, men nu nfe, Ebɔrɛ ŋini menyi fanɛ Nazarɛt be Yesu na shi mo kutɔ nna, ŋkpal e ka bɔla Yesu na so n wora emamachisheŋ nɛ Ebɔrɛ be etɔɔnɛsheŋ nɛ asheŋ ŋiniso damta menyi be anishito nfe so. Menyi gbagba baa nyi amo be asheŋ.

Ashuŋ Shunso 2:43

Beshuŋipoana na daŋ wora emamachisheŋ nɛ Ebɔrɛ be asheŋ ŋiniso damta n shin nɛ ekama kooba kufuso ga.

Ashuŋ Shunso 4:30

Ŋini fo eleŋ n chɛ belɔpo nseŋ naŋ shin nɛ an tiŋ m bɔla Yesu Kristo, fo Kenya na be ketre so n wora kashenteŋ be etɔɔnɛsheŋ nɛ emamachisheŋ.”

Ashuŋ Shunso 5:12

Beshuŋipo na daŋ wora emamachisheŋ nɛ kashenteŋ be etɔɔnɛsheŋ damta basa na to. Beyirdapoana na kikɛ daa shɛr Sɔlɔmɔn be Kedɛdɛ na to nna kɔnɔkoŋwuleso.

Ashuŋ Shunso 6:8

Stiven daa la esa nɛ Ebɔrɛ daŋ nɛfa nna ga nɛ Kiyoyu Cheeŋ na luri m bɔlɔ mo kikɛ to nɛ e wora emamachisheŋ nɛ kashenteŋ be etɔɔnɛsheŋ damta basa na to.

Ashuŋ Shunso 7:36

Mo e daŋ juŋkpar bumo n wora emamachisheŋ nɛ kashenteŋ be etɔɔnɛsheŋ damta ashi Ijipt nɛ Teku Peper na to nɛ jemanɛ nɛ b daa wɔ kiyi to nfɛ adena na kikɛ.

Romebi 15:19

Kiyoyu na be eleŋ to nɛ m bɔla n shin nɛ b wu etɔɔnɛ nɛ emamachisheŋ. Amoso, baŋ yili Jerusalɛm be kade to n ta ŋ kulti n ya fo Ilirikem kikɛ m bɔ Kristo be baru lela na nɛnɛ n sa basa.

1 Kɔrintebi 1:22

Juwebi bee kaa sha kewu mamachi be etɔɔnɛsheŋ nna pɔɛŋ nseŋ yirda kubɔya na nɛ Griikebi malɛ bee keni a fin kanyiasheŋ kumo to pɔɛŋ nseŋ yirda.

2 Kɔrintebi 12:12

Asɔ nɛ a bee ŋini fanɛ esa la eshuŋipo nɛ n daŋ ta kanyiti kikɛ n wora menyi to na. Asɔ na e la etɔɔnɛshuŋ nɛ emamachisheŋ nɛ asheŋ purgiase.

2 Tɛsalɔnikaebi 2:9

Alubipo na beeŋ bɔla Setani be eleŋ to n wora efɛ be edaŋga nɛ emamachisheŋ damta.

Hibruwebi 2:4

Kumo alɛ be buushi, Ebɔrɛ gba bee bɔla etɔɔnɛsheŋ nɛ emamachisheŋ nɛ Ebɔrɛ be eleŋ be nnaŋ to be aworbi to nɛ Kiyoyu Cheeŋ na be ŋkɛana nɛ e bee chige to a sa basa ashi mo gbagba be keparso na to a ji shɛda fanɛ kumɔlga na la kashenteŋ nna.