Baru lela nɛ Jɔn kute na 4:47 - EBƆRƐ BE KAWƆL

⁴⁷ Kanyɛn na ka nu fanɛ Yesu shi Judiya m ba Galili nɛ e yɔ mo kutɔ n ya kule mo fanɛ e yɔ Kapɛɛniam n ya chɛ mo pibinyɛn nɛ e daa sha nɛ e wu na n sa mo.

Baru lela nɛ Jɔn kute na 4:47 ပူးပေါင်းရင်းမြစ်များ

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Matiu 2:1

Bɛtlɛhɛm nɛ k wɔ Judiya be kasawule so na to nɛ b daŋ kurge Yesu, saŋɛ nɛ Ewura Hɛrɔd daa ji ndoŋ be kuwura na. B ka kurge Yesu k maŋ chɛr ko nɛ basa ko nɛ b daa koya achɛkpabi be asheŋ na shi epeŋilarkpa m ba Jerusalɛm m ba bishi:

Maak 10:47

E ka nu fanɛ Nazarɛt be Yesu e naa choŋ nɛ e boŋ to n tre Yesu a kaŋɛ: “Yesu, Ewura Deevid mo Nanabi, wu ma kuwɔr!”

Luuk 8:41

Ndoŋ nna nɛ kade na to be nshɛrbu to be enimu ko nɛ baa tre Jairus na ba gbir Yesu be anishito ŋ kule mo ga fanɛ e yɔ mo pe

Baru lela nɛ Jɔn kute na 11:21

Maata ka ya tu Yesu nɛ e kaŋɛ mo le: “Enyɛnpe, fo daa wɔ nfe nna n siponyɛn ere daa maaŋ wu.

Baru lela nɛ Jɔn kute na 11:32

Mɛɛri ka fo kakpa nɛ Yesu daa wɔ na nseŋ wu mo nɛ e gbir Yesu be anishito nseŋ kaŋɛ: “Enyɛnpe, fo daa wɔ nfe nna, n siponyɛn ere daa maaŋ wu.”

Baru lela nɛ Jɔn kute na 4:3

Enyɛnpe ka nu fanɛ Efarisiana na nu kesheŋ na nɛ e lar Judiya be efuli na so nɛ e naŋ bɛta n yɔ Galili be kasawule so.

Baru lela nɛ Jɔn kute na 4:54

Kesheŋ ere e daa la mamachi be tɔɔnɛsheŋ nyɔsopo nɛ Yesu daŋ shi Judiya m ba Galili m ba wora.

Ashuŋ Shunso 9:38

Jɔpa nɛ Lida daa maŋ wɔ kufɔ, amoso, beyirdapo nɛ b daa wɔ Jɔpa na ka nu fanɛ Pita wɔ Lida nɛ b shuŋi basa anyɔ ko mo kutɔ fanɛ b ya kaŋɛ mo le: “Jande, wora ania n yeŋi so m ba anyi kutɔ.”