Baru lela nɛ Jɔn kute na 4:42 - EBƆRƐ BE KAWƆL

⁴² Nɛ bumo gbagba kaŋɛ kache na: “Naniere bre, mannɛ fo ka kaŋɛ anyi so nɛ an yirda, an gbagba nu mmalga na nseŋ pin fanɛ kashenteŋto kanyɛn ere e la durnya ere be Emɔlgapo.”

Baru lela nɛ Jɔn kute na 4:42 ပူးပေါင်းရင်းမြစ်များ

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

Baru lela nɛ Jɔn kute na 11:17

Yesu ka ba fo Bɛtani nɛ e nu fanɛ b teŋ puli Lazɔrɔs kejembulaŋ to kumo be nchɛ nna.

Baru lela nɛ Jɔn kute na 17:8

Ŋkpal manɛ so, n ta mmalga nɛ fo ta n sa ma na n sa bumo nɛ b sɔ. B pin geeŋ fanɛ fo kutɔ nɛ n shi, bumo alɛ nseŋ naŋ yirda fanɛ fo e shuŋi ma.

Baru lela nɛ Jɔn kute na 4:29

“Kadeebi, men ba keni kanyɛn nɛ e tiŋ ŋ kaŋɛ ma kusɔ nɛ ŋ koso n wora kikɛ, shere Kristo na nna.”

Baru lela nɛ Jɔn kute na 4:41

Ndoŋ nna nɛ basa damta ko malɛ gba naŋ yirda mo n ti so ŋkpal mbe mmalga na so.

Ashuŋ Shunso 13:23

Yesu nɛ Ebɔrɛ shin nɛ e ki Israɛlebi be emɔlgapo a bɔla mbe kɔnɔ nɛ e daŋ nase na daŋ shi Deevid be kanaŋ to nna.

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

Ashuŋ Shunso 5:31

Ebɔrɛ shin nɛ e tiŋi luwu to n yɔ mbe jisoso, ebunyampo be kakpa fanɛ Ejuŋkparpo nɛ Emɔlgapo nɛ Israɛlebi e tiŋ n nya ekpa n lar bumo be alubi to nɛ Ebɔrɛ e ta m paŋ bumo.

2 Kɔrintebi 5:19

Kumo e la fanɛ Kristo so nɛ Ebɔrɛ daŋ bɔla ŋ kplaŋ durnya be alubi so nseŋ shin nɛ mo nɛ basa naŋ nyalɛ. Ama kananɛ e bee shin nɛ mo nɛ basa bee nyalɛ be kubɔya nɛ e ta m bɔɔ anyi enɔ.

1 Timoti 4:10

Anyee shuŋ ga a maŋ kɔ kachena ŋkpal an ka ta anyi be yirda n wɔtɔ Ebɔrɛ nɛ e kɔ ŋkpa nsaa la basa kikɛ be Emɔlgapo, fɔnfɔŋ bumo nɛ b yirda mo na to so.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.

1 Jɔn 4:14

Anyi alɛ wu nseŋ ji kumo be shɛda fanɛ Etuto na shuŋi mo Pibinyɛn fanɛ e ba kaa la durnya ere to be Emɔlgapo.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.