Baru lela nɛ Jɔn kute na 4:41 - EBƆRƐ BE KAWƆL

⁴¹ Ndoŋ nna nɛ basa damta ko malɛ gba naŋ yirda mo n ti so ŋkpal mbe mmalga na so.

Baru lela nɛ Jɔn kute na 4:41 ပူးပေါင်းရင်းမြစ်များ

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

Luuk 4:32

Mbe keŋini na daŋ chinchiŋ basa na ga, ŋkpal manɛ so, mbe mmalga na daa kɔ eleŋ nna amo to.

Baru lela nɛ Jɔn kute na 4:40

Amoso, Samɛriaebi na ka ba mo kutɔ, nɛ b ba kule mo fanɛ e ya chena bumo kutɔ nɛ e ya ji nchɛnnyɔ ndoŋ.

Baru lela nɛ Jɔn kute na 4:42

Nɛ bumo gbagba kaŋɛ kache na: “Naniere bre, mannɛ fo ka kaŋɛ anyi so nɛ an yirda, an gbagba nu mmalga na nseŋ pin fanɛ kashenteŋto kanyɛn ere e la durnya ere be Emɔlgapo.”

Baru lela nɛ Jɔn kute na 6:63

Kiyoyu na bee sa ŋkpa nna, ama eyur ere bre maaŋ tiŋ n wora shɛŋ. Mmalga nɛ m malga n sa menyi ere e naa shin nɛ menyee nya Kiyoyu nɛ e bee sa ŋkpa na.

Baru lela nɛ Jɔn kute na 7:46

Nɛ bekumpo na kaŋɛ bumo le: “Kananɛ kanyɛn na bee malga na, esa kikɛ maŋ naŋ malga loŋ.”

Ashuŋ Shunso 1:8

Ama men baa nyi fanɛ Kiyoyu Cheeŋ na kaŋ gbelge menyi so, menyeeŋ baa kɔ eleŋ menyi to a malga ma asheŋ a sa basa ashi Jerusalɛm to nɛ Judiya kikɛ to nɛ Samɛria to nɛ durnya ere kikɛ nyam to.”

Ashuŋ Shunso 15:3

Asɔriebi na ka keta bumo n lar ekpa m bɛta nɛ b bɔla Fenisha nɛ Samɛria ŋ kaŋɛ ndoŋ be asɔriebiana kananɛ nnyamase gba fara a bɛ Ebɔrɛ so nɛ kumo be loŋ be baru na fuli bekurgepoana na kikɛ be ŋgbene ga.

Ashuŋ Shunso 8:12

Ama b ka yirda Filip be baru lela nɛ e bee bɔ a kaŋɛ Ebɔrɛ be kuwura na nɛ Yesu Kristo be ketre be asheŋ na, nɛ b bɛr bumo kabɔrɛbɛr, beche nɛ benyɛn kikɛ.

Ashuŋ Shunso 8:25

Pita nɛ Jɔn ka ji bumo be shɛda nseŋ bɔ Enyɛnpe be kubɔya na n loge nɛ b bɛta n yɔ Jerusalɛm. B ka daa wɔ ekpa to a yɔ b daŋ bɔ baru lela na nna n sa Samɛria be ndewurbiebi damta.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.