Baru lela nɛ Jɔn kute na 4:32 - EBƆRƐ BE KAWƆL

³² Ama le nɛ Yesu daŋ kaŋɛ bumo: “Ŋ kɔ kejibi ko nɛ n ji nɛ men maŋ nyi kumo be asheŋ.”

Baru lela nɛ Jɔn kute na 4:32 ပူးပေါင်းရင်းမြစ်များ

Job be kawɔl 23:12

Kusɔ kama nɛ Ebɔrɛ yili, mee wora kumo nna. Mbe aparsheŋ nɛ mee bɛ so, mannɛ meya.

Nshɛ 119:103

Fo mbraana bee wora ma ebel a chɔ mushoŋchu gba.

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Nshɛ 63:5

Meeŋ boŋ kapandi be nshɛ kagbenefuliso; nɛ ma eyur e saŋɛ ma to n shin nɛ m moɛ, fanɛ b ka wora kejigboŋ nɛ n ji na.

Aŋasa 14:10

Esa pɔtɛ maaŋ tiŋ m pin kagbenefuli ŋko ebesa nɛ k wɔ esa be kagbene to.

Aŋasa 18:20

Kɔnɔlelawura maa wora n daa nyi nna kikɛ.

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Baru lela nɛ Jɔn kute na 4:31

Kesheŋ ere ka bee wora kade to le ere nɛ Yesu be bebɛsopo malɛ bee kule mo fanɛ e ji ajibi a kaŋɛ mo: “Eŋinipo, wora ania n ji kusɔ ko.”

Baru lela nɛ Jɔn kute na 4:33

Nɛ bebɛsopo na bishi abar: “Ŋko esa ko e bar mo ajibi ŋko nuso?”

Baru lela nɛ Jɔn kute na 4:34

Ndoŋ nna nɛ Yesu kaŋɛ bumo le: “Ma ajibi e la kewora esa nɛ e shuŋi ma na be aparsheŋ nɛ keloge mbe kushuŋ.

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

Kelaraŋŋini 2:17

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo manna ŋana so na be ako. Kumo be kaman nɛ n naŋ sa mo kejembu fuful mo nɛ b sibɛ kumo so ketre popɔr mo nɛ esa nɛ e bee sɔ kejembu na nawule nyi na.’ ”