Baru lela nɛ Jɔn kute na 4:25 - EBƆRƐ BE KAWƆL

²⁵ Nɛ kache na kaŋɛ Yesu le: “Ma alɛ gba nyi fanɛ kachako Mesaya nɛ baa tre Kristo na beeŋ ba, mo alɛ kaŋ ba, e beeŋ bugi kusɔ kama to n sa anyi.”

Baru lela nɛ Jɔn kute na 4:25 ပူးပေါင်းရင်းမြစ်များ

Matiu 1:16

Jeekɔb pibi e daa la Josɛf, Mɛɛri mo kul. Mɛɛri e daŋ kurge Yesu nɛ baa tre Kristo na, kumo e la fanɛ Ebɔrɛ be esa laraso.

Matiu 27:17

Basa na kikɛ ka daŋ ba shɛr nɛ Pailat bishi bumo le: “Barabas nɛ Yesu nɛ baa tre Kristo na be emo nɛ menyee sha ŋ ka lara n sa menyi?”

Matiu 27:22

Ndoŋ nna nɛ Pailat bishi bumo le: “To, nɛ nuso nɛ meeŋ wora Yesu nɛ baa tre Kristo na?” Nɛ bumo kikɛ kaŋɛ: “Gbir mo m mata kedibi largato so.”

Luuk 2:11

Kabre be kachɛ ere b kurge men be Emɔlgapo Kristo Enyɛnpe ashi Deevid be kade to.

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 4:29

“Kadeebi, men ba keni kanyɛn nɛ e tiŋ ŋ kaŋɛ ma kusɔ nɛ ŋ koso n wora kikɛ, shere Kristo na nna.”

Baru lela nɛ Jɔn kute na 4:39

Kade na to be Samɛriaebi damta daŋ yirda Yesu nna ŋkpal kache na be shɛda nɛ e daŋ ji ŋ kaŋɛ le na so, e yɛ: “E kaŋɛ ma kusɔ nɛ n wora kikɛ.”

Baru lela nɛ Jɔn kute na 4:42

Nɛ bumo gbagba kaŋɛ kache na: “Naniere bre, mannɛ fo ka kaŋɛ anyi so nɛ an yirda, an gbagba nu mmalga na nseŋ pin fanɛ kashenteŋto kanyɛn ere e la durnya ere be Emɔlgapo.”